Петар Ненадиќ – Kurir.mk

Петар Ненадиќ се сели во Саудиска Арабија

Бошко Тасиќ — Tue, 26 Sep 2023 04:20:15 +0000

Српскиот ракометар Петар Ненадиќ замина во Саудиска Арабија и потпиша договор со тимот на Ал-Кали. Новиот клуб на еден од најдобрите леви бекови во ракометната историја е основан во 1978 година, еден од најпопуларните во блискоисточната земја, што го докажа со куповите на домашно и меѓународно ниво. Ал-Кали сака да биде посилен, поради што го ангажираше поранешниот српски репрезентативец по неговата авантура во Пари Сен Жермен. Што се однесува до финансиските детали од соработката, тие се неверојатни. Петар Ненадиќ потпиша договор до 2025 година, а годишно ќе заработува 600.000 евра. Покрај загарантираната плата, тој договорил и разни бонуси. Ненадиќ со својот нов клуб ќе настапи на неофицијалното Светско клупско првенство кое што од 5 до 12 ноември ќе се одржи во Дамам

Ненадиќ ќе го менува Карабатиќ во ПСЖ

Ристе Здравков — Wed, 01 Mar 2023 19:52:00 +0000

Ветеранот Петар Ненадиќ експресно пронајде нов клуб по заминувањето од Веспрем, клуб кој е од највисок ранг-тоа е Пари Сен Жермен. Најдобриот француски тим соопшти дека Ненадиќ доаѓа во Париз каде ќе биде активен најмалку до крајот на сезоната, односно ќе биде директна замена за повредениот Никола Карабатиќ. -Ние сме многу среќни што Петар ни се придружи до крајот на сезоната. Недостапноста на Никола Карабатик значеше дека моравме да го засилиме нашиот состав. Петар има идеален профил, со докажан талент и одлично искуство, стекнато во најдобрите европски лиги. -Тој ќе биде супер додаток во трката по нашите цели во текот на вториот дел од сезоната и ќе ни овозможи секогаш да бидеме амбициозни на националната или европската сцена, -порача генералниот менаџер на „светците“, Тјери Омејер. Србинот во досегашната кариера освен за Веспрем има играно уште за Црвена Звезда, Алгесеирас, Барселона, Пик Сегед, Холстебро, Висла Плоцк и Фуксе Берлин.

Веспрем го санкционира Петар Ненадиќ

Бошко Тасиќ — Fri, 24 Feb 2023 06:01:22 +0000

Српскиот ракометар Петар Ненадиќ е под дисциплинска постапка во Веспрем и нема да може да биде со екипата во периодот кој следи. Искусниот ракометар изрази незадоволство на натпреварот против Магдебург во Лигата на шампионите и оттогаш не е во составот.Веспрем објави информација дека Ненадиќ нема да биде дел од составот на тимот на натпреварот против Порто затоа што е отстранет и против него е отворена дисциплинска постапка. Додека не заврши, тој нема да има право и да тренира. На големо се пишува за трансфер на Ненадиќ надвор од Веспрем ова лето. Можна дестинација е романскиот првак Динамо Букурешт.

Најдобриот српски ракометар се повлекува од репрезентацијата

Бошко Тасиќ — Thu, 17 Feb 2022 21:43:21 +0000

Српската машка ракометна репрезентација останува без најдобриот ракометар Петар Ненадиќ. Ракометарот на Веспрем кој има 35 години и настапува на средната бековска позиција требаше да игра на Европското првенство (ЕП), но не настапи за националниот тим поради повреда на мускулот. Српскиот ракометар преку соопштение образложи дека нема повеќе да игра за Србија. Одлуката која ја донел е најтешка за него, но вели дека морал да го направи тоа.

Ненадиќ се враќа за клучниот меч против Франција

Ристе Здравков — Mon, 17 Jan 2022 11:15:51 +0000

Српската репрезентација ќе мора да ја победи Франција, ако сака да го продолжи престојот на Европското првенство 2022. Добри вести за селекторот Тони Џерона пристигнаа денес. Петар Ненадиќ се опорави од коронавирусот и ќе биде достапен за последниот меч од групната фаза. Левиот бек ќе го замени Петар Ѓорѓиќ за дуелот кој одлучува дали Србија ќе остане во игра на турнирот во Словачка и Унгарија. Французите победија на воведните два меча, па ќе имаат помал притисок за успех во однос на Србите. Хрватска, која е главен конкурент на српската репрезентација во борбата за второто место, не се очекува да има проблеми против Украина.

Голем проблем за Веспрем: Се повреди Петар Ненадиќ, може да го пропушти и ЕП

Ристе Здравков — Fri, 03 Dec 2021 12:58:43 +0000

Српскиот ракометар Петар Ненадиќ нема да игра повеќе во тековната година, поради сериозната повреда на задната ложа на ногата. Ова го соопшти Веспрем, кој ќе мора да се бори на два фронта во наредните шест недели без еден од своите најдобри ракометари. Се очекува 35-годишникот да се стави на располагање на Давид Дејвис во јануари. Претходно Дејан Манасков ја заврши сезоната, кој ги оштети страничните вкрстени лигаменти и ‘рскавицата на коленото. Поради ова Ненадиќ може да не и биде на располагање ниту на Србија на Европското првенство во јануари.

Проблеми за Веспрем, се повреди Петар Ненадиќ

Бошко Тасиќ — Thu, 02 Dec 2021 19:48:28 +0000