Петар Ристески – Kurir.mk

Ристески: Сведок во Анкетната комисија за Онкологија во неформален разговор потенцираше дека Филипче и тогашниот премиер биле на платен список на една веледрогерија

Ивана Ефремовски — Fri, 03 Nov 2023 11:54:33 +0000

Еден од сведоците штета што не собра храброст да го каже тоа на говорница, но во неформален разговор потенцираше дека тогашниот премиер и тогашниот министер за здравство се на платен список на една веледрогерија која се споменува дека во голем дел ги извршува набавките на оваа клиника, па еве јас сакав ако не дојде денеска да го прашам и од тука дали навистина господинот Венко Филипче и тогашниот премиер биле на платен список на таа веледрогерија, истакна пратеникот на ВМРО-ДПМНЕ, Петар Ристески во неговото гостување во утринска емисија на ТВ Алфа, говорејќи за скандалот во Онкологија и работата на Анкетната комисија во Собранието формирана за работењето на оваа клиника. Ристески додаде дека за овој грозоморен случај институциите требало жестоко да реагираат со цел да им се оневозможи на инволвираните да ги прикриваат трагите, но тоа за жал не се случува. „Ваквото криминално противзаконско работење се практикува и на другите клиники, односно тука е една оска која се движи помеѓу најмоќните луѓе во државата, владата, премиерот, министерот за здравство, агенциите како Малмед, тие кои дозволуваат ова да се случува со увоз на лекови, лиценци, дозволи, ФЗО и на крај се како најмал играч тука директорите на клиниките и клиниките кои сето тоа го спроведуваат на дело. На ова министерот Спасовски, обвинителот Јовески треба да реагираат жестоко, што не гледам дека во моментов го прават и затоа се повикани уште еднаш, потенцираше Ристески и додаде: „Досега требаше да има тука притвори за луѓе кои што се вклучени во ова најгрозоморно случување во здравството во Република Македонија, па и оставки како морален чин пред сѐ, но гледаме дека, еве на пример директорот Нино Васев кој е директно вклучен во сето ова што се случувало на клиниката и кој го спровел тоа што се направило, во моментов е некој раководител на клиниката и член на оној конзилиум кој сега веќе профункционирал и сепак учествува и понатаму во доделување на терапија, има контакт со пациенти, со вработени, што секако ако направил нешто му овозможува да ги прикрие трагите“.

Ристески до Хасани: Дали сте го виделе извештајот на Државниот завод за ревизија за Клиниката за онкологија и какви се вашите коментари?

Тале Кристо — Wed, 25 Oct 2023 10:46:52 +0000

Вие ја извршувате функцијата заменик министер во периодот од септември 2020 до септември 2021 година, релативно краток временски период, но интересен период за оваа анкетна комисија бидејќи се совпаѓа со времето кога мина го посочуваат како период и време во кое биле направени доста злоупотреби на оваа клиника која денес е тема на работата на Анкетната комисија, му се обраќа пратеникот Петар Ристески на поранешниот заменик министер за здравство Илир Хасани, на денешната Анкетна комисија за случувањата на Клиниката за онкологија и радиотерапија. Во однос на тоа Ристески посочи дека се надева дека заменик министерот има информации кои би ги споделил со нив со цел добивање јасна слика што се случувало на клиниката, и при тоа го запраша Хасани, дали министерството за здравство спроведува контроли врз работењето на јавните здравствени, клиники, болници, на кој начин и како се планираат и спроведуваат и дали од истите контроли, доколку биле спроведувани добивале извештаи и дали имале увид во тие извештаи. „Клиниката за онкологија очигледно ја отвори пандорината кутија во здравството, па затоа конкретно за оваа клиника дали сте запознаени со начинот, ефикасноста и резултатите од работењето на клиниката онкологија во периодот додека сте ја извршувале функцијата заменик министер. На кој начин сте ги добивале тие информации и дали сте сигурни дека истите се релевантни и валидни? Дали го видовте извештајот на Државниот Завод за Ревизија за оваа клиника и доколку сте го виделе какви се вашите коментари по извештајот“, праша Ристески.

Ристески: Тоа што се случило на клиниката за Онкологија претставува организирано и масовно убиство, а јавниот обвинител е ангел чувар на криминалците

Ивана Ефремовски — Tue, 24 Oct 2023 09:06:21 +0000

„После сите овие информации кои ги добивме и по целокупната работа од Анкетната комисија ќе следува заклучок. И можам да ви гарантирам со сигурност квалитетен заклучок бидејќи се разгледуваат многу материјали, многу извештаи од сите институции кои се вклучени. И ќе следува заклучок околу политичката одговорност, не сакам пред време да кажувам, но од ова што се гледа секако дека ја има“, истакна пратеникот од редовите на ВМРО-ДПМНЕ, Петар Ристески во утринската емисија на Алфа телевизија. Ристески додаде дека Анкетната комисија ќе притиска за да овој најгрозоморен скандал во здравството има разрешница. „Обвинителството ги има сите информации. Јавниот обвинител во овој момент, и во целокупната негова работа генерално претставува ангел чувар на оние кои што го кршат законот, на луѓето кои практикуваат криминал и корупција. И за тоа сме дојдени до оваа ситуација до каде што сме дојдени“, укажа Ристески. Тој посочи дека јавниот обвинител и МВР не треба да помислат да застанат во одбрана на вакво грозоморно случување во клиниката за Онкологија. „Ова претставува организирано и масовно убиство. Овдека не знаеме колку луѓе ги изгубиле животите поради лакомоста за пари на одреден круг на луѓе внатре во клиниката“, нагласи пратеникот. „И во јавноста, и во експертската јавност, и од она што досега од медиумите се доби како информации, може да се каже дека таму се води истрага по три основи. А, овие седум лица се осомничени од само по еден основ. И што се случува сега со оние два основа, дали има осомничени, нема осомничени, тоа треба одговорат овие од Јавното обвинителство, и од МВР. Од прашањата од нас пратениците на Анкетната комисија за работи кои не им одговараат добро се затскриваат со реченицата истрагата е во тек, и не можеме да изнесеме многу информации“, рече Ристески. Тој посочи дека требало многу порано да реагираат Јавното обвинителство и МВР бидејќи ДЗР има направено еден фантастичен извештај каде што се открива сиот криминал што се случувало во клиниката за Онкологија. Таму се наведени сите злоупотреби и неправилности на клиниката.

Ристески до Сугарев: Дали ФЗО извршил редовни или вонредни контроли во периодот од 2018 до објавувањето на извештaјот од државниот завод за ревизија за случајот Онкологија и доколку извршил што покажале тие контроли?

Катерина Бојаџиева — Wed, 18 Oct 2023 10:54:29 +0000

Петар Ристески, пратеник од ВМРО-ДПМНЕ на денешната собраниската Анкетна комисија за случајот Онкологија се осврна на изјавите на екс министерот Венко Филипче и сегашниот министер за здравство, Фатмир Меџити кои биле сосема спротивни изјави. -После вчерашното излагање на двајцата министри каде што видовме дека има две спротиставени изјави на екс министерот и на актуелниот министер, екс министерот не убедуваше дека цветаат рози во македонското здравство, посебно во периодот додека извршувал функцијата министер за здравство. Но, од друга страна актуелниот министер со изјава како и претходно во неколку наврати дека состојбите во македонското здравство се многу лоши односно состојбата е алармантна, дури и изнесе свое видување дека апсолутно дека во голем дел од клиниките, менаџерските тимови ништо не работат и дека сите 66 директори се за менување, тој би ги сменил. Искажа исто дека не се проблем буџетите бидејќи сите јавни здравствени установи добивале солидни буџети од Фондот за здравствено осигурување на Република Македонија, но се работело лошо, се работело недомаќински и затоа откако ја презел функцијата министер веќе започнал со промени, сменил 22 директори, а во иднина имал намера да ги смени и сите 66 менаџери на јавни здравствени установи, потсети Ристески. По сето ова Ристески во текот на своето обраќање упати прашање до Миле Сугарев, раководител на Сектор за финансиски прашања и в.д на Фондот за здравствено осигурување во период од шест месеци кога немал ФЗО директор, дали Фондот извршил редовни или вонредни контроли во периодот од 2018 до објавувањето на извештајот од државниот завод за ревизија и доколку извршил што покажале тие контроли? -Па оттука е првото логичко прашање, дали Фондот врши контрола во изминатиот период во јавните здравствени установи и дали утврдила ваква состојба за каква не брифираше вчера министерот, и во кои свои извештај Фондот нотирал вакво нешто, во кои тоа јавни здравствени установи е толку лоша или алармантна состојбата, дали фондот утврдил доколку вршел извештајот во своите извештаи. Еве и за клиниката за онкологија за кого и постои оваа анкетна комисија дали фондот извршил редовни или вонредни контроли во периодот од 2018 до објавувањето на извештајот од државниот завод за ревизија и доколку извршил што покажале, праша Ристески.

Ристески: Зошто КАТО системот уште не е во функција на Онкологија, дали ќе видиме морална одговорност и оставка од министерот за најголемата афера во здравството?

Ивана Ефремовски — Tue, 17 Oct 2023 15:33:21 +0000

Пратеникот од ВМРО-ДПМНЕ, Петар Ристески на денешната седница на Анкетната комисија за скандалот во Онкологија праша зошто системот КАТО се уште не во функција иако е оценет како одличен и кога ќе видиме морална одговорност и оставки?

- Поранешниот министер Венко Филипче искажа пофални зборови за поранешниот директор на Онкологија Нино Васев и економскиот директор кои направиле долг од околу 20 милиони евра. Значи работеле недомаќински, а дали проблемите и долговите доаѓале од тоа што биле суспендирани контролните механизми, почнувајќи од системот за контрола на терапија, па препишување на терапија без стручен колегиум, вели Ристески.

Ристески го запраша актуелниот министер за здравство Меџити зошто е разрешен организацискиот директор, каква одговорност е утврдена, дали работел спротивно на закон?

- Пред да излезе скандалот со Онкологија, министерот кажа дека бил запознаен дека КАТО системот бил вон функција, за кон се дало заклучок дека е добар. Зошто и ден денес ако е добар КАТО системот не е ставен во функција? Кога го видовте извештајот од ДЗР за Онкологија кој е завршен во март и истакнат во април 2023 година? Дали по утврдените забелешки и нотирани прекршување на законите, дали нешто е преземено или пријавено? – запраша Ристески.

Ристески потсети дека министерот признава дека состојбата во здравството е алармантна.

Вашиот претходник се фалеше, се гордееше, а вие викате не е добро? Што сте презеле и зошто онаму каде сте разочарани нема промена на менаџментот, зошто се потребни промени, и дали ќе ни се случи некоја друга афера? Како чин на морална и човечка одговорност дали министерот ќе си поднесе оставка бидејќи во негово време излезе на површина најголемата и најгрозоморна афера, изјави Ристески.

Ристески до Јовески: Требаше да си ја завршите работата на време и досега да има разрешница, за скандалот на Онкологија мора да има политичка морална и кривична одговорност

Тале Кристо — Fri, 13 Oct 2023 13:47:17 +0000

„Добро е што сите овде пратеници и од власта и од опозицијата се сложуваме дека најважно е да се утврди одговорност. Бидејќи верувам ќе се сложите сите во оваа држава лошите работи ни се случуваат поради немањето, не утврдувањето и не преземањето на одговорност. Овде се спомнаа неколку случаи, неколку несреќи кои верувам немало да се случат доколку некој си ја работел работата како што треба, и доколку се преземало одговорност и навреме се реагирало некој случаи немало да ни се повторуваат“, истакна пратеникот на ВМРО-ДПМНЕ, Петар Ристески на денешната седница на Комисија за финансирање и буџет. „Јавен обвинител во вашето обраќање кажавте дека ова мора да се заврши и дека ќе го завршите во интерес на граѓаните. Да и заради нив, но обвинителе ова вие требаше многу порано да го завршите и досега требаше да има разрешница, не заради граѓаните само туку и поради тоа што тоа вас ви е работа. Вие требаше да си ја завршите својата работа бидејќи вие сте платен за тоа“, нагласи Ристески. Ристески додаде и дека во однос на скандалот на Онкологија мора да има политичка морална и кривична одговорност. „Поминаа месеци гледаме дека вие не реагирате. Во несреќата кај Ласкарци имавме 14 загинати, Во модуларната болница во Тетово исто така, потоа ни се случи „Беса Травел“ 45 жртви, значи 75 луѓе ги изгубија своите животи. Но не се утврди одговорност. Немаше да ни се повторуваат лошите работи како на лента ако некој си го вршел својот дел од работата. И на крај дојде ова со онкологија поради некое злосторничко здружување внатре во клиниката каде што се обвинуваат лекари вработени сестри дека наместо терапија се давало физиолошки раствор, овде мора да има утврдување на морална политичка и кривична одговорност“, истакна Ристески.

Ристески: Денеска на Анкетната комисија за Онкологија, Сали со скандалозно признание- Откако чепкав на Онкологија почна политички притисок против мене

Катерина Бојаџиева — Tue, 10 Oct 2023 18:51:59 +0000

Денес на Анкетна комисија за скандалот на УК за Онкологија првиот сведок екс министерот за здравство Беким Сали со скандалозно признание: Откако чепнав во криминалот на Онкологија и сменив директор почна политичкиот притисок кон мене!, пишува на Фејсбук Петар Ристески, пратеник во Собранието на Република Македонија. -Одговорност за Онкологија ќе има. Монструмите на кои парите им се поважни од човечките животи, ќе одговараат‼️

Ристески: Власта ги турка пензионерите во сиромаштија, со месеци протестираат затоа што немаат за леб, не се живее со 12-13.000 денари

Ивона Петрова — Mon, 02 Oct 2023 19:59:15 +0000

Оваа власт ги турка пензионерите во сиромаштија. Ако се очекуваше решение кое ќе биде помош на пензионерите во оваа сиромаштија и криза видовме дека и оние најавени 6,8% не ги добија, туку 5,3%, што значи скратено им е и една четвртина од тоа најавено покачување. Власта ги понижи пензионерите бидејќи не се живее со 12-13.000 денари, изјави пратеникот од ВМРО-ДПМНЕ, Петар Ристески за Анализа на ТВ24. Ристески потенцираше дека тоа што власта и министерката не сакаат да кажат е дека најниските пензии се зголемени само за околу 700 денари. - Со ова процентуално зголемување јазот помеѓу пензионерите се зголемува, а не се решава проблемот. Народски речено тој што има пак да има, а тој што нема пак да нема. Едно влегување во продавница чини повеќе од дупло од тие 700 денари. Двајца пензионери до 12-13.000 денари не можат да ја платат потрошувачката кошничка, истакна Ристески. Тој посочи дека со месеци пензионерите протестираат затоа што немаат леб да си купат. - Она што го кажува министерката „политики на добро владеење“ го направија проблемот. Ако неколку години се нивелираа пензиите немаше ваква да се појави разликата помеѓу платите и пензиите. Зборуваат дека нема средства за линеарно покачување, а линеарното покачување нема да се одрази на планираниот буџет ако се распределат средствата рамномерно. Има највисока инфлација во историјата, има 46% пораст на трошоците за храна кои се најважни за пензионерите, изјави Ристески.

Ристески: По еден месец од скандалот во Онкологија нема никаква разрешница, во чии џебови завршувале парите и колку граѓани ги изгубиле животите поради несоодветен третман

Тале Кристо — Thu, 28 Sep 2023 12:02:13 +0000

Помина еден месец од монструозниот скандал на Онкологија, а нема ни приближно никаква разрешница. Предистрагата трае и со право граѓаните се сомневаат дека и овој случај ќе заврши како и случаите со Дурмо турс, Беса транс, модуларната во Тетово, односно дека истиот се заташкува, изјави пратеникот од ВМРО-ДПМНЕ, Петар Ристески на денешната собраниска седница за пратенички прашања. - Индициите за овој скандал и злоупотреба на терапијата на болни од канцер во јавноста се говорат најмалку две години наназад. Најпрво ние како ВМРО-ДПМНЕ, а потоа пред 6 месеци за истото пишуваа и медиуми. Надлежните органи со месеци и години не преземаат ништо, со месеци се оставани граѓаните без терапија, соодветен третман иако истото им следува како осигуреници, истакна Ристески. Тој посочи дека според информации во јавноста онколошки пациенти кои починале и понатаму се воделе на листата за лечење, за оние пак кои се лечат се уште нема дел од потребната терапија, ова остава сомнеж дека терапијата се препродава на црниот пазар. - Дали странски државјани биле лекувани со цитостатици? Дали малверзациите се причини за милионските долгови на Онкологија? Долговите достигнаа до 20 милиони евра, и ова се поклопува со времето кога се воведува скапата терапија која според информациите достигнува до неколку илјади евра по пациент. Постојат изјави дека на пациентите им бил даван само физиолошки раствор, а потребната терапија биле препродавана. Министерството и министерот треба да одговорат кој дозволил незаконско делување во третманот на пациентите? Зошто најсовремената терапија не е на позитивна листа? Во чии џебови се парите и дали има лоцирана одговорност. Колку граѓани поради несоодветен третмани ги изгубиле своите животи? Одговорноста мора да има име и презиме, но мора да има и политичка одговорност. Министерот требаше веднаш да поднесе оставка., потенцираше тој. Ристески понатаму, второто прашање го постави до министерката за труд и социјална политика кое се однесуваше на пензионерите кои маката ги натера да протестираат во време кога високата инфлација го дотепа нивниот пензионерски стандард. - Пензионерите бараат повисоки пензии, имавме средби со нив. Тоа се луѓе кои ја граделе оваа држава, наши мајки и татковци кои бараат достоинствени пензии. Нив маката ги натерала да излезат на улица бидејќи со овие пензии кои сега ги имаат половина им оди за лекови, а другото не им останува за основните продукти, додека министерката им порачува дека со 25.000 денари двајца пензионери можат да преживеат. Тоа е срамно и недозволиво., рече тој. Ристески во третото прашање ја запраша министерката за животна средина зошто не поднесува оставка кога и Гардијан пишува дека Македонија е најзагадена во Европа. - Лошите резултати од владеењето на СДС и ДУИ се потврдија и од Гардијан. Според Гардијан Македонија е најзагадена земја во Европа. Кога бевте во опозиција викавте дека загадувањето е поради власта која мора да замине, па сега би ја прашал министерката за животна средина што чекате? Речиси две трети од луѓето ширум земјата живеат во области каде загадувањето е поголемо од 4 пати над дозволеното, изјави Ристески.

Ристески: Закони кои се штетни за граѓаните и Македонија, ВМРО-ДПМНЕ нема да поддржи

Катерина Бојаџиева — Wed, 20 Sep 2023 19:34:37 +0000

„Социјалдемократскиот сојуз направи една пракса на шверцерски начин да носи штетни закони за државата. Истото се случи со измените на Кривичниот законик, истото тоа се случува сега. Што повеќе да зборуваме за еден закон, кога не сака да го потпише ресорниот министер. Министерот за правда не сакаше да ги потпише и не ги потпиша измените на Кривичниот законик“, истакна пратеникот на ВМРО-ДПМНЕ, Петар Ристески во емисијата „24 анализа“ на ТВ24. Ристески додаде дека дури во јавноста дојде вест дека министерот за правда сакал да си даде оставка, па го враќале. „Гледаме дека Социјалдемократскиот сојуз е во тесно. Нема каде повеќе да оди и политиките нивни доживеаја порази во сите сфери“, рече пратеникот. Тој посочи дека штетните закони кои на шверцерски начин власта ги носи во Собранието, се осудени од граѓаните. „Измените на Кривичниот законик се осудени од ЕК, бидејќи се донесоа со злоупотреба на европското знаменце“, потсети Ристески. Пратеникот рече дека исто е и со законот за амнестија, такви штетни закони ВМРО-ДПМНЕ нема да поддржи. „Со овој закон ќе се амнестираат луѓе кои извршиле криминал. А, тука се зборува и за ситни криминалци, и луѓе кои извршиле разно разни дела. И поради тоа граѓаните не веруваат во правосудниот систем“, укажа тој.