петар спасеновски – Kurir.mk

Спасеновски: Следниот медал ќе биде златен

Ивона Петрова — Wed, 01 Jun 2022 12:24:27 +0000

Македонскиот каратист Петар Спасеновски кој освои бронзен медал на неодамнешното Европското првенство во Газиантеп, Турција, е оптимист дека на следното големо натпреварување може да освои злато. – Следниот медал ќе биде златен. На ЕП во Турција забележав четири победи од пет борби. Ова е само едно искуство за во иднина да освојам што повеќе медали. Благодарност на моите тренери и мојот клуб Макетрол кои стојат зад мене, изјави Спасеновски. Тој денес беше во Агенцијата за млади и спорт и доби благодарница од директорот Наумче Мојсовски. – Каратистите дефинитивно ја претставија Македонија во најдобро светло на Европското првенство во Турција. Резултатите покажуваат дека има иднина во младите натпреварувачи, а Карате федерацијата дека е на прав пат. Се надевам на уште многу медали, а секако Агенцијата за млади и спорт ќе знае да ги награди ваквите успеси, рече Мојсовски. Спасеновски и Вероника Костовска која освои петто место ќе добијат стипендии од Агенцијата за млади и спорт.

ФОТО+ВИДЕО: Со зурли, тапани и знамиња пречекан Петар Спасеновски кој освои трето место Европското првенство во каратена

Тале Кристо — Mon, 30 May 2022 18:44:34 +0000

На Меѓународниот аеродром "Скопје", пријателите, симпатизерите и членовите на карате клубот "Макпетрол" го пречекаа каратистот Петар Спасеновски кој овој викенд освои импресивно трето место на Европското првенство во карате што се одржа во Газиантеп, Турција. „Наредниот медал ќе биде злато, сигурно“, вели освојувачот на единствениот медал за Македонија на Европското карате првенство за сениори во Газиантеп во Турција, Петар. Репрезентативецот на Македонија, кој е член на КК Макпетрол, во борбата за бронзениот медал во категоријата до 84 килограми слaвеше против Оз Мурат од Турција со 2-0. Спасеновски борбата ја реши во последните 15 секунди кога поведе со 1-0, а на 10 секунди пред крајот и со 2-0. Борбата претходно се водеше од дистанца и немаше многу акција, но во критичните 15 секунди Петар беше повешт и славеше со 2-0 за бронза на сениорското Европско првенство.

Спасеновски освои бронза на Европското првенство во Турција

Дарко Андоновски — Sat, 28 May 2022 09:17:58 +0000

Македонскиот каратист Петар Спасеновски се закити со бронзениот медал на Европското првенство во Газијантеп, Турција откако денеска го совлада домашниот натпреварувач Мурат Оз.

Членот на КК Макпетрол до медалот во категоријата до 84 килограми стигна со вкупно четири победи од пет борби. Единствениот негов пораз беше во полуфиналето од Хрватот Енис Гарибовиќ со 0-3. Македонија може да освои уште еден бронзен медал на континенталниот турнир, бидејќи Вероника Костовска треба да се бори со Французинката Лаура Сиверт.

Спасеновски и Костовска ќе се борат за бронзи на Европското првенство

Тале Кристо — Thu, 26 May 2022 16:48:05 +0000

Вероника Костовска (61 кг) и Петар Спасеновски (84 кг) ќе се борат за бронзи на Европското карате првенство за сениори во Газиантеп во Турција. Костовска иако беше поразена уште во првото коло од Германката, Ана Мигу која стигна до финалето, успеа да ја повлече и нашата репрезентативка во репасажот. Таму Костовска прво беше подобра од Антеа Стиланиу од Кипар со 6-2, па потоа и од Киа Копонен од Финска со 3-0. Во борбата за бронзата таа ќе се сретне со Лаура Сиверт од Франција. Спасеновски беше на чекор до финалето, но во последната борба беше поразен од големиот фаворит, Хрватот, Енис Гарибовиќ со 3-0. Претходно на патот до полуфиналниот меч, Спасеновски беше подобар од Лука Ретенбахер од Австрија (3-0), Мерис Муховиќ од Босна и Херцеговина (1-0) и Ибањез Сајнц-Торе од Шпанија (3-2). Тој својот противник за бронзата ќе го добие до крајот на денешниот ден кога ќе бидат борбите во репасажот. Одличен настап имаше и Ангелам Мојсовска во категоријата до 68 килограми кај дамите. Таа минимум го осигура седмото место на Европското првенство, а потоа во репасажот ќе има шанса да избори и борба за бронзен медал. До мечот за бронза не успеа да стигне Ангела Мојсовска која прва обезбеди пласман во репасажот во категоријата до 68 килограми, сепак беше поразена во првата борба од Ерменката Анита Макјан со 3-2. Берат Јакупи имаше победа и пораз. Резултати Европско првенство: -61 кг Верника Костовска – Ана Мигу (Германија) 0-7 Репасаж Верника Костовска – Антеа Стиланиу (Кипар) 6-2 Верника Костовска – (Киа Копонен) Финска 3-0 За борнза Веромика Костовска – Лаура Сиверт (Франција) -68 кг Ангела Мојсовска – Лина Летонен (Финска) 6-0 Ангела Мојсовска – Несрин Бужрин (Белгија) 6-1 Ангела Мојсовска – Мирослава Копунова (Словачка) 0-8 Репасаж Ангела Мојсовска – Анита Макјан (Ерменија) 2-3 -84 кг Петар Спасеновски – Лука Ретенбахер (Австрија) 3-0 Петар Спасеновски – Мерис Муховиќ (Босна и Херцеговина) 1-0 Петар Спасеновски – Ибањез Сајнц-Торе (Шпанија) 3-2 Полуфинале Петар Спасеновски – Енис Гарибовиќ (Хрватска) 0-3 За бронза Петар Спасеновски – Оз Мурат (Турција) +84 кг Берат Јакупи – Робин Ретенбахер (Австрија) 1-0 Берат Јакупи – Тома Коса (Словачка) 0-1

ВИДЕО: Како се подготвува македонскиот и европски карате шампион Петар за време на корона пандемијата?

Ивана Ефремовски — Thu, 16 Apr 2020 14:08:55 +0000

По примерот на врвните светските спортисти, македонскиот европски карате шампион, Петар Спасеновски, периодот на изолација за време на covid-19 го користи за одржување на својата топ форма. За жал, заради пандемијата, Спасеновски не можеше да учествува на европското сениорско првенство, како и на квалификацискиот турнир за Олимпијадата кои не се одржаа. Сепак, да се надеваме дека оваа состојба набрзо ќе помине и дека Спасеновски ќе може да биде дел од светското сениорско првенство во Дубаи, како и од светското универзитетско првенство во Бразилија во ноември 2020 година. Петар Спасеновски е еден од најдобрите македонски карате спортисти, европски и македонски шампион, како и член на карате клубот "Макпетрол" од Скопје. Следува видео од една тренинг сесија на Петар.

Петар Спасеновски со две медали на европското универзитетско карате првенство

Дарко Андоновски — Mon, 05 Aug 2019 07:56:57 +0000

Македонскиот карате репрезентативец Петар Спасеновски освои бронзена медали во поединечниот дел, како и сребрена медала во екипното натпреварување на европските универзитетски игри што се одржаа овој викенд во Загреб, Хрватска. Спасеновски, во борбата за бронза го совлада италијанскиот карате репрезентативец, Андреа Бартоломеи со резултат од 5:0. Во екипните борби, пак, македонските каратисти остварија убедлива победа над карате репрезентацијата на Словачка со што се закитија со сребрен медал. Петар Спасеновски, како дел од тимот на Макпетрол, е актуелен државен, балкански и европски карате шампион.