петарда – Kurir.mk

Дете повредено откако му фрлиле петарда додека си играло

Ивона Петрова — Thu, 19 Nov 2020 10:28:32 +0000

М.А.(38) од Тетово во СВР Тетово вчера пријавил дека околу 16 часот, додека неговиот малолетен син играл во дворот на тетовско основно училиште, друг малолетник му фрлил запалена петарда и му нанел повреди, информира портпаролот на СВР Тетово, Марјан Јосифоски. Малолетникот бил пренесен во тетовската Клиничка болница за укажување на лекарска помош. Се преземаат мерки за расчистување на случајот.

ВМРО-ДПМНЕ изразува благодарност за ваквата петарда на Заев за да види народот дека нема ништо зад шпекулациите што ги пушта СДСМ

Дарко Андоновски — Fri, 08 May 2020 14:12:04 +0000

ВМРО-ДПМНЕ изразува благодарност за ваквата петарда на Заев за да види народот дека нема ништо зад шпекулациите што ги пушта СДСМ. Ваква услуга не може да направи никој друг освен некој кој со страв од пораз, паника и поплавен од емоции носи одлуки. -Лов во матно. Нема било што незаконски во објавеното аудио. Очајни се обидите на Зоран Заев и СДСМ да го свртат вниманието на јавноста од вистинскиот рекет и вистинскиот криминал на чие чело седи Зоран Заев. Доколку има било што инкриминирачко во снимките кои ги објави Зоран Заев тогаш ги повикуваме надлежните органи да преземат веднаш активности. Во спротивно, да тоа ќе биде уште една клевета на Зоран Заев и лажно обвинување. Зоран Заев треба да одговори за јавните искази на првообвинетиот во „Рекет“, Бојан Јовановски за следново:

Зоран Милевски е привезок на Зоран Заев. Затоа во време на корона криза истиот од Заев беше пуштен на слобода преку Рускоска Обвинителството. Во дел од сведочењето на прво обвинетиот Бојан Јовановски се дознава дека Заев ги наместил изборите во Охрид и дека имало изборни нерегуларности. Бојан Јовановски вели: „Заев со Кичеец зборуваа за местење на избори во Охрид, а Кичеец имаше своја паравојска“.
Зоран Заев треба да одговори зошто според тврдењето на прво обвинетиот Бојан Јовановски го предупредил дека бил под истрага и против него имало случај уште на 3-ти април, далеку пред да биде покренато обвинение против инволвираните во случајот „Рекет“?
Што барала главната обвинителка Рускоска во друштво со првообвинетиот Бојан Јовановски, на кој што се нарачувале монтирани медиумски прилози на неистомислениците на Рускоска во судството и обвинителство.
Зоран Заев е должен да одговори каква е таа олеснета положба која им ја ветил на дел од обвинетите во случаите и истрагите на СЈО? За какви повластувања говори Заев?, прашуваат од ВМРО-ДПМНЕ.

Од партијата додаваат дека ваквите работи нема да ја запрат и да направат народот да не ја гледа вистината за Македонија која ја чувствуваат, а таа е реалноста на криминал, корупција и мафијашки пресметки, пропадната економија.

Петарда ѝ пукнала на градите на Милица Тодоровиќ

Катерина Бојаџиева — Mon, 12 Nov 2018 17:54:14 +0000

Популарната српска пејачка Милица Тодоровиќ признава дека има фобија од пиротехника затоа што неколку пати имала непријатни искуства. -На еден настап со Ѕвездите на Гранд во Црна Гора немаше ограда меѓу публиката и бината. Обожавателите почнаа да фрлаат петарди. Една ми пукна на градите, а друга на ногата, па цела вечер чувствував трпки. Доживеав страшен шок, цела вечер ми беше многу лошо, раскажа пејачката и додаде: „На една прослава имаше голем огномет, кој заврши на мојата глава. Ова ја прелеа чашата и од тогаш бегам од секакви прскалки. Едноставно, добив фобија од пиротехника. Не можам постојано да се потресувам и да бегам како да сум луда, но што да правам, работата ми е таква“.