петиција – Kurir.mk

Над половина милион Аргентинци ја потпишаа петицијата „Франција, престани да плачеш“

Тале Кристо — Sun, 25 Dec 2022 12:27:32 +0000

Повеќе од 500.000 луѓе се потпишаа на онлајн петиција поведена во Аргентина со која се бара „Франција да престане да плаче“ по поразот во финалето на Светското првенство во Катар. „Откако победивме, Французите не престанаа да плачат и да се жалат, и не прифаќаат дека Аргентина е светски првак“, изјави Валентин Гомез, иницијаторот на петицијата насловена „Франција, престани да плачеш‘, која на страницата Change.org досега собра 570.768 потписи. Судењето во минатонеделното финале од страна на полскиот арбитер Шимон Марчинијак предизвика критики во Франција, вклучувајќи ја и неговата одлука да досуди пенал по прекршокот на Усман Дембеле над Анхел Ди Марија во првото полувреме. Французите се жалеа и поради непочитување од поедини аргентински репрезентативци по победата, а пред сè од односот на голманот Емилијано Мартинез. Меѓу нив се јави и претседателот на Фудбалската федерација на Франција, Ноел ле Грет, кој му пиша на својот аргентински колега Клаудио Тапи дека е вџашен од „испадите“ за време на аргентинското славје на титулата.

Французите масовно потпишуваат петиција финалето на Мундијалот да се преигра (ФОТО)

Ристе Здравков — Fri, 23 Dec 2022 13:13:22 +0000

Французите сè уште жалат за поразот на пенали од Аргентина во финалето на Светското првенство во Катар и сметаат дека се оштетени од судиите и голем дел од нив бараат мечот за титулата да се преигра. Масовно ја потпишуваат петицијата за ново финале со Аргентина, иако знаат дека тоа е невозможно, а досега се потпишале дури 200 илјади луѓе. Повикот е да има масовен одѕив за да се привлече вниманието на ФИФА и искрено се надеваат дека ќе дојде до нов дуел за Златната божица. Французите протестираат против лошата арбитража на полскиот судија Марчињак и неговите колеги и велат дека Аргентина била фаворизирана, а Триколорите отштетени, особено за вториот гол на новите светски прваци. Мечот во регуларен дел заврши 2:2, по продолженија 3:3, а на пенали Аргентинците беа подобри и ја освија третата шампионска круна. Франција остана на двата пехари и не успеа да ја одбрани титулата од 2018 година што ја освои во Русија.

АМЕРИКАНЦИТЕ ПОЛУДЕА ПО ЃОКОВИЌ! Петицијата за учество на Новак на УС Опен е тројно зголемена, еве колку гласови се собрани

Магдалена Андонова — Fri, 22 Jul 2022 13:40:13 +0000

Цел свет зборува за можното учество на Новак Ѓоковиќ на УС Опен. Српскиот тенисер добива се поголема поддршка во петицијата наменета за негово учество на последниот Грен слем во сезоната. Натпреварот во Флешинг ќе се одржи од 29 август до 11 септември, а американските власти се уште не му дозволуваат на Ѓоковиќ да учествува на овогодинешниот УС Опен. Иако Ѓоковиќ поради моменталната ситуација не може да влезе во САД, неговите фанови ширум светот, вклучително и домаќинот на последниот Грен слем, му даваат целосна поддршка на Ноле. Имено, фановите на тенисерот покренаа ваква петиција на најголемата светска веб-страница за петиции, во која учествуваат сите кои сакаат да го видат Новак во Њујорк. - Апсолутно нема причина во оваа фаза на пандемијата да не му дозволиме на Ѓоковиќ да игра на УС Опен во 2022 година. Владата на САД и тениската федерација мора да се обединат и да му дозволат да игра. Доколку невакцинираните американски играчи имаат право на настап, мора да му се дозволи на Ѓоковиќ да го стори истото, бидејќи тој е легенда на играта. Тениска федерација, овозможи го тоа, стои во образложението на петицијата. Најпознатиот сајт за петиции има 489.646.742 корисници, речиси половина милијарда луѓе, а иницијативата беше покрената на 20 јули и само првиот ден собра над 10.000 потписи. Верувале или не, 48 часа подоцна тројно се зголеми бројот на оние кои ја потпишаа петицијата за учество на Ѓоковиќ на УС Опен! Поточно, сега бројката од 32.000 потписи е значително надмината и се очекува наскоро да надмине 35.000.

ПРОДУЦЕНТИТЕ ОДЛУЧИЈА: Амбер Херд сепак ќе глуми во „Аквамен 2“, познато колку минути ќе се појави

Ивона Петрова — Mon, 02 May 2022 10:11:25 +0000

Амбер Херд ќе глуми во филмот „Аквамен 2“ помалку од десет минути. Ваква одлука донесоа продуцентите откако беше покрената петиција Херд да биде исфрлена од актерската екипа, објави филмската критичарка Грејс Рандолф. Петицијата првично е покрената во 2019 година, а по деталите изнесени при судењето со поранешниот сопруг Џони Деп, таа е повторно активирана. Еден од иницијаторите на петицијата, Џен Ларсон изјавила дека Амбер е злоставувачка и дека откажувањето на нејзиното појавување во продолжението на Аквамен би спречило „нејзиното злоставување да се глорифицира“. За потсетување, судењето меѓу Херд и Деп влегува во четвртата недела. Актерот бара од поранешната сопруга 50 милиони долари оштета поради текстот кој таа го објави во „Вашингтон Пост“ а во кој тврди дека била злоставувана. Амбер му возврати на Деп со против тужба во износ од 100 милиони долари, бидејќи смета дека актерот со тужбите сака да ја заплаши и замолчи што во Америка е исто така против законски.

Со петиција се бара Васил Гарванлиев да не ја претставува Македонија на Евровизија

Дарко Андоновски — Tue, 16 Mar 2021 08:08:07 +0000

Петицијата на „change.org“ Васил Гарванлиев да не претставува Македонија на Евровизија во мај во Ротердам, ја потпишаа повеќе од 14.383 лице. Секако, кога се потпишува се дава можност и да објаснување, па така едно лице има напишано:„Се потпишувам на петицијата за забрана на учество на евровизија поради непочитување на Македонските национални обележја“… Петицијата може да ја погледнете ТУКА. Инаку петицијата започна откако македонскиот претставник на Евросонг во интервју се фали дека поседува бугарски пасош. На прашањето на водителот од каде бугарски пасош тој започнува приказна за неговата баба, но приказната не завршува. Што со неговата баба останува нејасно, но она што Васил јасно го кажува е дека Струмица е блиску до Бугарија. – Далечен роднина на мојата баба е роден…Струмица е блиску до границата со Бугарија, јас сум од тој крај на државата, и затоа.

Толку, пишете му крст ❌ pic.twitter.com/jPGGkUVpfA
— p|ps 👌 (@m0rban) March 14, 2021

Покрената петиција против лицето кое изврши обљуба врз жена од Делчево

Магдалена Андонова — Mon, 02 Nov 2020 17:26:44 +0000

Група граѓани од Делчево започнаа петиција против 24 годишно лице од Делчево кое изврши чин на обљуба врз жена,минатата сабота. Тие ги повикаа граѓаните да се придружат на оваа иницијатива која се реализира на социјалните мрежи под мотото „Стоп за насилството врз жените” -Почитувани сограѓани на општина Делчево и сите граѓани на Република Македонија. Веруваме дека сите колективно сме потресени и вознемирени од срамотниот напад врз жена во нејзината куќа што се случи во раните утрински часови на 31-ви октомври 2020 година. Веруваме дека оваа мала општина никогаш не доживеала таков чин на монструозност и човечка бруталност врз жена поради што ве повикуваме да се придружите на иницијативата со цел сторителот да ја добие заслужената казна, велат иницијаторите на петицијата. Откако ќе бидат собрани потребните потписи, како што додаваат ќе се пристапи кон нивно доставување до Народниот правобранител со цел превземање соодветни правни дејствија против сторителот, кој според нив е со богато кривично досие. -Прптив сторителот, кој е со богато кривично досие и поради бруталноста на нападот, колективно бараме максимална казна за односното лице. Во наши цврсти верувања е дека ако сторителот добие друга шанса во општеството, ќе изврши слични или полоши злосторства и затоа бараме доживотна казна затвор, се вели во петицијата. Претходно со осуда за сторителот на делото, излегоа делчевскиот градоначалник, Комисијата за еднакви можности на мажите и жените, како и голем број граѓански организации и здруженија од Делчево.

Петиција за спроведување итни мерки за спас на Преспанското Езеро

Магдалена Андонова — Fri, 25 Sep 2020 15:48:34 +0000

Повеќе граѓански здруженија, асоцијации, друштва, активисти на еколошки движења денеска покренаа петиција за спас на Преспанското Езеро, со упатени конретни барања до Владата на Република Македонија. Во петицијата отворена за поддршка на сите граѓани што се заинтересирани за судбината на Преспанското Езеро како едно од најстарите езерото во Европа се наведува дека тој еко-систем е заборавен од сите релевантни институции и од ден на ден е во сè полоша состојба. Со петицијата се бара неодложно прогласување кризна состојба на целото подрачје на сливот на Преспанското Езеро, итно формирање научно/техничка комисија што ќе ја проучи ситуацијата и ќе предложи итни мерки за подобрување на состојбата најдоцна за десет дена од објавувањето на петицијата. Истовремено се бара Владата итно да иницира меѓудржавна средба на експертско ниво заедно со релевантни организации вклучени во Преспанскиот регион која координирано ќе работи на проблемот, да дефинира фазен план за спас на Преспанско Езеро со јасно утврдени рокови. Согласно начелата од Архуската конвенција преточени во националната легислатива, информациите за планот и сите преземени активности седмично да се ажурираат на веб-страницата на МЖСПП и да бидат лесно достапни за јавноста. Според активистите и граѓанските асоцијации потписници на петицијата, клучно е Владата да биде гарантот на неодложно и ефективно спроведување на сите договорени/утврдени активности. Тие посочуваат дека не смее заштитата и напорите за унапредување на состојбата на Преспанското Езеро да останат на хартија како, според нив, што е практика во Македонија. Инаку, Преспанското Езеро е едно од најстарите езера во светот чија старост се проценува на три до пет милиони години. Заедно со Охридското Езеро со кое прави една единствена, неразделна геохидролошка целина, претставува исклучително значаен локалитет во светски рамки истакнат по својот богат биодиверзитет и ендемизам. Преспанското Езеро е заштитено како Споменик на природата (IUCN категорија III; Закон за прогласување на Преспанското Езеро за споменик на природата, Службен весник 51/11), а неговиот северен крајбрежен дел Езерани (површина од 2.800 хектари; се наоѓа на потегот помеѓу селата Сир Хан и Асамати) е прогласен за Парк на природата во 2012 г. (IUCN категорија IV, Службен весник 24/12). Преспанското Езеро се наоѓа на листата на најважни орнитолошки локалитети во Европа од 2008 г., како и на најважни водни живеалишта во светот – прогласено е за Рамсарско подрачје во 1995 г. и е едно од само две во Македонија (според Рамсарската конвенција или позната како Конвенција за водни живеалишта од меѓународно значење). Во 2014 г. УНЕСКО го погласи Охридско-Преспанскиот регион за Прекуграничен биосферен резерват. Преспанското Езеро е дел од Национален парк Преспа во Албанија и Преспа Парк (формиран со заедничка Декларација на премиерите на Македонија, Грција и Албанија во 2000 г.). Неколку децении наназад нивото на Преспанското Езеро драстично се намалува и до осум метри во длабочина што доведува до повлекување на брегот на езерото и до стотина метри. Во овој миг нивото на Преспанско е најниско од кога се вршат мерења, поточно од 1917 година. Според потпиниците на Петицијата, последиците од таквата состојба врз биодиверзитетот и квалитетот на водата се катастрофални и може да бидат неповратни. Причината за ваквата ситуација е сложена комбинација од природни фактори, вклучително климатски промени (суши и покачени температури) и гео/хидролошки промени во подземните карстни канали преку кои водата истекува од езерото, како и антропогени фактори кои главно се однесуваат на користење вода од самото езеро и подземните води од крајбрежниот дел за наводнување, пиење и индустриски цели. Со оглед на повеќегодишниот тренд на деградација и климатската криза кои ќе продолжат во блиска иднина (се проценува дека количината на врнежи на снег и дожд во регионот ќе се намали за 30% до 2100 г.), а може и да се интензивираат, состојбата на Преспанско ќе продолжи да се влошува. Тоа го става во опасност не само опстанокот на Преспанското Езеро, туку и на Охридското, во кое приливот на свежа вода во голема мера од околу 25 отсто доаѓа директно од Преспанското Езеро.

Тихановска ги повика Белорусите да ја поддржат петицијата за повторно пребројување на гласовите од изборите

Тале Кристо — Fri, 14 Aug 2020 13:23:17 +0000

Светлана Тихановска, белоруската опозиционерка и главен ривал на претседателот Александар Лукашенко, ги повика нејзините приврзаници да потпишат он-лајн петиција, со барање за пребројување на гласовите од минатонеделните претседателски избори, на кои верува дека победила. Во видеото објавено на Јутјуб, Тиhановска, која е во Литванија, ги повика приврзаниците да поддржат и официјална истрага за тврдењата дека изборите биле лажирани. Таа повика на прекин на насилството на протестите, кои ескалираа откако Централната изборна комисија објави дека Александар Лукашенко е реизбран за претседател и им порача на градоначалниците на белоруските градови да организираат мирни протести овој викенд.

Повеќе од 17 000 граѓани ја потпишаа петицијата за прв премиер Албанец

Магдалена Андонова — Sun, 28 Jun 2020 14:41:51 +0000

За само една недела, повеќе од 17.000 граѓани ја потпишаа петицијата „Зошто не?“ како подршка за назначувањето на првиот премиер Албанец во Република Македонија, по изборите на 15 јули. Но, покрај граѓаните, Иницијативата за премиер Албанец е силно поддржана од граѓанското општество: Денес, четри албански невладини организации и се приклучија на иницијативата: 1.Организацијата за развој, напредок и афирмација на театарот „УЛТРА“, која ја остварува својата активност во областа на културата, како што е организирањето претстави и други културни активности, итн. 2. Невладино здружение„ Еко Карадаку“, село Отле, Општина Липково, кое главно се занимава со активности од областа на екологијата и заштитата на животната средина. НВО „Еко Карадаку“ исто така работеше на подигање на свеста кај граѓаните за чиста животна средина. 3. Движењето „Милениум Тетово“, организација со седиште во село Слатина, Општина Тетово, чија главна активност е одржување на дигитални курсеви и опремена со меѓународни лиценци за Microsoft и одржување курсеви за странски јазици. 4. Движењето „Вепро“, со седиште во Струга, е младинска граѓанска организација која ја како основна активност и е демократизацијата на младите и подигнувањето на граѓанската свест -Ние ја поддржуваме иницијативата ‘Зошто не’, затоа што веруваме дека премиерот Албанец, ќе донесе еднаквост. Албанската уметност и култура имаат иста важност во културното наследство на државата. Време е албанската култура да биде подеднакво видлива и да се добие еднаква поддршка од државната, објаснуваат од невладината организација „УЛТРА“ за причините зошто ја поддржуваат иницијативата. -Ние се соочуваме со проблеми во животната средина, особено во албанските населби – но тоа не затоа што Албанците се помалку свесни за животната средина, туку затоа што има потреба од подеднаков развој на модерната инфраструктура, како што се канализационите системи и управувањето со отпад. Од еден премиер Албанец, очекуваме еднаква распределба на државниот буџет и поддршка за заштита на животната средина – потенцираат од невладината организација „ЕКО“од Липково. Невладините организации како што се движењето „Милениум Тетово“, движењето „Вепро“ и „Дарданија“, очекуваат подобрување на граѓанските права и еднаквоста во државата: „Еднаквост и граѓански права за албанските граѓани е целта на нашето постоење, тие се причината за нашето делување. Затоа, ние ја гледаме како наша должност поддршката на иницијативата за назначување на премиер Албанец, како силен знак за еднакви права за немнозинските етникуми“. Заедничката поддршка на невладините организации од различни области и региони, како и потпишувањето на петицијата од страна на повеќе од 17.000 граѓани во рок од една недела, покажува дека „Зошто не?“, се претвора во граѓанско движење во кое граѓаните и претставниците од сите слоеви на општеството ја поддржуваат каузата на премиерот Албанец. -Ние сме многу горди за силната поддршка што ја добиваме од граѓанското општество. Но, сепак ги повикуваме сите албански политички партии да се приклучат кон оваа кауза. Првиот премиер Албанец е во интерес на сите граѓани, и затоа партиите мора да ги остават настрана своите интереси и да се обединат за да го остварат овој реален сон, се вели во иницијативата. На www.kryeministrishqiptar.mk граѓаните сè уште можат да ја потпишат петицијата. За само една недела, повеќе од 17.000 потписи се огромен успех. Невладини организации, спортски клубови и сите други организации, се исто така поканети да се приклучат на иницијативата – како Албанци така и други. Премиерот Албанец ќе придонесе за рамноправно општество, и тоа е во интерес на сите. Нашата платформа е отворено движење и ги покануваме сите да ни се придружат, сите кои сакаат модерна, европска држава и рамноправно општество, за сите граѓани!

Англичаните масовно потпишуваат петиција против ВАР технологијата

Дарко Андоновски — Mon, 30 Dec 2019 14:40:07 +0000

После серијата спорни ситуации кога беа поништени голови поради милиметарски офсајд или признат гол иако требало да биде поништен, во Англија навивачите почнаа да потпишуваат петиција за укинување на видео-технологијата. Популарниот ВАР беше воведен за да се подобри регуларноста и да нема случки кои директно ќе влијаат на резултатот, но искуството покажува дека и со ВАР се прават грешки, а се губи и течноста во играта. Веќе никој не може да се радува веднаш после постигнат гол, бидејќи тој гол може да биде поништен поради офсајд. Англиската Премиерлига последна од големите воведе ВАР, па затоа таму и отпорот е најголем. По стадионите се пеат песни против ВАР и дека „ова веќе не е фудбал“.