петр чех – Kurir.mk

Чех заминува од Челзи

Магдалена Андонова — Mon, 27 Jun 2022 15:27:32 +0000

Откако англискиот прволигаш Челзи го напуштија претседателот Питер Бак, а на крајот од летниот преоден рок ќе си замине и директорката Марина Гранавскаја, повлекување од должноста технички советник најави и поранешниот голман на клубот од Лондон, Петр Чех. Поранешниот чувар на мрежата на чешката репрезентација и на францускиот прволигаш Рен, освои вкупно 13 трофеи со Челзи пред да стане дел од клупското раководство во 2019 година. – Беше привилегија да му служам три години на Челзи, кратко објави Чех. Челзи е во процес на промена на сопствеништвото, откако американски конзорциум минатиот месец го купи клубот од рускиот милијардер Роман Абрамович, а лондонскиот премиерлигаш засега не донесе ниту едно засилување за новата сезона. (МИА)

Чех го оквалификува Атлетико како тежок противник за Челзи во ЛШ

Ивона Петрова — Tue, 15 Dec 2020 10:19:28 +0000

Голманот на Челзи, Петр Чех, проговори за осминафиналето во Лигата на шампионите. Во оваа фаза, лондонскиот клуб ќе се соочи со Атлетико Мадрид. – Нема воопшто да ни биде лесно. Атлетико има големо искуство во Лигата на шампионите и во европските натпреварувања. Тие се секогаш тежок ривал. Се претставија добро оваа сезона во Ла Лига. Во минатото игравме против Атлетико, тогаш нашите резултати со нив не беа многу добри, изјави Чех. Триесет и осумгодишниот голман се повлече од фудбалот по сезоната 2018/19. Сепак во октомври оваа година, Челзи го вклучи чешкиот играч на списокот за англискиот шампионат.

За Чех, Руни беше најтешкиот противник во Премиер лигата

Тале Кристо — Sun, 10 May 2020 21:01:25 +0000

Поранешниот голман на Челзи и Арсенал, Петр Чех, кажа кој му беше најтежок фудбалер со кој се соочи за време на неговата кариера во Премиер лигата. – Вејн Руни. На натпреварите со Манчестер јунајтед, бев во готовност секој пат кога ја имаше топката, затоа што беше многу непредвидлив, многу паметен. Можеше да изврши притисок, да се бори, да бега и паметно да шутне кон голот. Вејн би можел да постигне гол од средина на теренот, да се обиде да те совлада, ако премногу излезеш од голот, изјави Чех.

Чех: Втората сезона во Челзи ја играв со скршеници во рамењата

Дарко Андоновски — Fri, 08 May 2020 13:57:42 +0000

Поранешниот голман на Челзи, Петр Чех, се сети како играше со повреда на рамењата цела втората сезона во клубот. – Луѓето во тоа време не знаеја за тоа. Среде мојата прва сезона за Челзи, добив повреда на зглобот на рамото. Продолжив да играм до крајот на сезоната. Мислев дека во текот на летото сè ќе заздрави. Во втората сезона имав сериозни проблеми со рамото, се обидов да се грижам за него. Во првиот дел од таа сезона, ја добив истата повреда, само на другото рамо. Втората сезона ја поминав со скршеници во рамениците. Се обидов да ја ублажам болката пред натпреварите и да најдам начин да тренирам правилно за да не чувствувам неверојатна болка секој ден. Размислував за операцијата во текот на втората сезона, но не сакав да го пропуштам Мундијалот во Германија. Никој не знаеше колку време ќе треба за закрепнување. На мое олеснување, решив да одам на операција по Светското првенство. Се вратив брзо и уживав во игрите без никакви болки, соопшти Чех. Тој бранеше за Челзи од 2004 до 2015 година.

ФОТО: Чех станува хокеар, потпиша договор со британски клуб

Ивона Петрова — Thu, 10 Oct 2019 07:14:47 +0000

Поранешниот голман на Челси и Арсенал, Петр Чех, потпиша договор со британскиот хокеарски клуб Гилдфорд Феникс. Условите на договорот со 37-годишниот фудбалер не се обелоденети. -Драго ми е што имам можност да играм за Феникс за да стекнам искуство. Се надевам дека можам да му помогнам на овој млад тим да ги оствари своите цели за сезоната и да освои максимален можен број натпревари. После 20 години професионален фудбал, ова ќе биде неверојатно искуство за мене. Хокеј е игра што сакам да ја гледам и играм уште од детството, изјави Чех. Тој ја заврши кариерата по сезоната 2018/19. Чех може да дебитира за Гилдфорд на 12 октомври во натпревар против Нотингем.

**PETR CECH SIGNS WITH THE PHOENIX**
The ex professional footballer will begin his ice hockey career this Sunday when he makes his debut for the Phoenix! Full story here: https://t.co/DdpOdLz6yb pic.twitter.com/kyQuERVBHa — Guildford Phoenix (@gford_phoenix) October 9, 2019

Чех поради повреда надвор од терените еден месец

Ристе Здравков — Wed, 03 Oct 2018 10:07:54 +0000

Голманот на Арсенал, Петр Чех ќе пропушти 3-4 недели поради повреда, информира лондонскиот клуб преку официјалната веб-страница. Чешкиот голман има повреда на левата нога здобиена на натпреварот од 7-миот круг во Премиер лигата против Вотфорд (2:0). Чех (36) се пресели во Арсенал во 2015 година. Оваа сезона, тој одигра седум натпревари во шампионатот на Англија и прими девет гола.