петра квитова – Kurir.mk

Петра Квитова дојде до втората титула во актуелната тениска сезона

Бошко Тасиќ — Mon, 26 Jun 2023 04:20:51 +0000

Чешката тенисерка Петра Квитова победи на турнирот во Берлин откако во финалето ја совлада Дона Векиќ со 2-0 (6-2, 7-6) по сетови. Деветтата светска тенисерка на ВТА-листата одигра добар натпревар против Векиќ која беше изненадување на турнирот. Така, Квитова ја освои шестата титула на трева во кариерата, што е добра увертира пред Вимблдон, турнир кој досега го освои двапати. Кога ќе се сумираат настапите на Квитова оваа сезона, ова е вкупно втора титула за Чехинката, или вкупно 31 во кариерата.

Петра Квитова го освои Мастерсот во Мајами

Бошко Тасиќ — Sun, 02 Apr 2023 06:36:45 +0000

Чешката тенисерка Петра Квитова е победничка на турнирот од серијата Мастерс 1000 во Мајами, откако во финалето ја победи Елена Рибакина. Моментно 12-та тенисерка на ВТА ранг-листата до триумфот во финалето во два сета (7:6,6:2) дојде за 102 минути. Првиот сет беше решен во маратонскиот тај-брејк во кој беа одиграни дури 30 поени. И двете тенисерки имаа по пет сет топки, а Квитова беше тенисерката која ја искористи шансата и славеше со 16:14. Чешката тенисерка на стартот од вториот сет веднаш направи брејк, а победата ја завери во осмиот гем кога уште еднаш го одзеде сервисот на Рибакина. Со триумфот, Квитова ја спречи Рибакина да дојде до две мастерс титули за три недели откако славеше во Индијан Велс.

Цицпас-Чориќ и Квитова-Гарсија во финалето во Синсинати

Бошко Тасиќ — Sun, 21 Aug 2022 07:08:39 +0000

Французинката Каролине Гарсија стана првата квалификантка со пласман во финалето на Синсинати опен, победувајќи ја Белорусинката Арина Сабаленка со 6:2/4:6/6:1 за да обезбеди меч со титулата со Чехинката Петра Квитова, која со 6:7(6)/6:4/6:3 во маратонски меч ја совлада шампионката од 2019 година, Медисон Киз. Во машкото финале, четвртиот носител, Стефанос Циципас ќе биде фаворит во пресметката со Хрватот Борна Чориќ. Циципас го совлада светскиот рекет број 1, Русинот Данил Медведев со 7:6(6)/3:6/6:3, откако успеа да се соземе по „колапсот“ во вториот сет во кој Медведев имаше 5:0 водство. Чориќ, пак, до своето второ Мастерс 1000 финале стигна со релативно лесна 6:3/6:4 победа над Британецот Камерон Нори. Нори имаше 3:1 водство во првиот сет, пред Чориќ да освои пет гема во низа, а потоа да поведе со 4:2 во вториот сет.

Психолошки проблеми причина за повлекувањето на Квитова од турнирот во Чарлстон

Дарко Андоновски — Tue, 05 Apr 2022 08:13:02 +0000

Чешката тенисерка Петра Квитова го коментираше одбивањето да го продолжи мечот од првото коло на турнирот во Чарлстон против Магдалена Фреш од Полска. – Навистина сакав да останам и да продолжам да се борам, но за жал моето тело не се согласуваше со мојот ум. Сакам да изразам посебна благодарност до организаторите на турнирот. Навистина се надевам дека ќе се вратам, напиша Квитова на Твитер. Претходно Квитова стигна до четвртфиналето на турнирот во Мајами каде загуби од подоцнежната победничка Ига Швјонтек.

Квитова ѝ го предаде мечот на Кербер поради повреда

Тале Кристо — Fri, 20 Aug 2021 20:43:15 +0000

Чешката тенисерка Петра Квитова вечерва не успеа да го заврши четвртфиналниот натпревар на ВТА турнирот во Синсинати (САД) против Анжелик Кербер. При резултат 6:4 за Германката во првиот сет и 3:3 во вториот сет, Квитова го предаде мечот поради повреда. На овој начин, Кербер се пласираше во полуфиналето каде ќе се сретне со Австралијката Ешли Барти. Наградниот фонд на турнирот во Синсинати изнесува 2,1 милиона долари.

Петра Квитова заработи бизарна повреда, го напушта Париз

Бошко Тасиќ — Wed, 02 Jun 2021 04:45:15 +0000

Поранешната најдобра тенисерка на светот, Петра Квитова, мораше принудно да се повлече од гренслем-турнирот „Ролан Гарос“ и тоа поради ептен бизарна причина – повреда на прес-конференција.

Чешката тенисерка се пласира во второто коло по триумфот над Белгијката Минен (2-1), но мораше да предаде. Причина за тоа е повредата на глуждот добиена по пад во просторијата наменета за средба со новинарите. Лекарите се обиделе да ја оспособат, но таа денеска соопшти дека не е во можност да продолжи со настапите во Париз.

Квитова пред мечот со Барти: Веројатно земјената подлога и се допаѓа малку повеќе од мене

Дарко Андоновски — Tue, 04 May 2021 10:55:45 +0000

Дванаесеттиот светски рекет, Петра Квитова ги сподели своите очекувања за четвртфиналето на турнирот во Мадрид против Ешли Барти. Резултатот на досегашните меѓусебни средби е 5:4 во нејзина корист, но на единствениот натпревар на земјена подлога, на Ролан Гарос 2012, таа освои само три гема. – Игравме на земја, но тоа беше пред многу, многу години, така што не е важно. Таа знае како да игра на земја. Веројатно ја сака оваа подлога малку повеќе од мене. Мене пак, ми се допаѓа Мадрид. Па, којзнае? Играњето со Барти е секогаш многу тешко. Пред нас е одличен натпревар. Се радувам на утрешниот меч, изјави Квитова. Австралиската тенисерка Барти е прва носителка на турнирот и во моментов прва на светската ранг-листа.

На АО крај за Квитова и Венус Вилијамс

Бошко Тасиќ — Wed, 10 Feb 2021 18:49:15 +0000

Петра Квитова и Венус Вилијамс го завршија својот настап на Австралија Опен. Квитова која беше 9-та носителка на турнирот е елиминирана во 2.коло од Романката, Сорана Кирстеа во 2-1 во сетови.

Ветеранка Венус Вилијамс поради повреда уште во првиот сет, едноставно едвај го доигра мечот со Сара Ерани кој го загуби со 6-1 и 6-0

Затоа пак нејзината сестра Серена која е 10-та носителка експресно со 6-0 и 6-3 го доби мечот против Србинката, Стојановиќ.

Пласман во следната рунда од фаворитките обезбедија втората и третата Халеп и Осака, Белорусинката Забаленка (7) и Канаѓанката, Андреску (8-носителка)

Со нож се обиде да и ја исече раката, а годинава на Ролан Гарос не загуби ниту еден сет- познатата тенисерка денес непрепознатлива

Дарко Андоновски — Mon, 05 Oct 2020 12:44:18 +0000

Чешката тенисерка Петра Квитова, ја победи Жанг Шуаи од Кина, во осминафиналето на Грен слемот Ролан Гарос. Во меч што траеше еден час и 19 минути, Квитова го доби првиот сет со 6:2, вториот со 6:4. Од почетокот на турнирот, Чехинката не загуби ниту еден сет. Според резултатите на Грен слемот во Париз, Квитова ќе се врати во Топ 10 на ВТА листата.

View this post on Instagram

Never easy to face a fellow leftie, and @leylahannietennis played very well 👏 Me? I’m excited to be back in the second week at @rolandgarros after 5 years and ready to keep fighting for more 💪🙏 #RolandGarros

A post shared by Petra Kvitova (@petra.kvitova) on Oct 3, 2020 at 11:57am PDT

View this post on Instagram

Coffee. My favourite way to keep warm in Paris ☕️ @rolandgarros

A post shared by Petra Kvitova (@petra.kvitova) on Sep 30, 2020 at 4:54am PDT

За Квитова ова е втор пласман во четвртфиналето на парискиот Грен слем. Таа стигна до оваа фаза во 2012 година. За пласман во полуфиналето, Квитова ќе ги одмери силите со Лора Зигемунд од Германија.

View this post on Instagram

I’m hoping that this year’s @nikecourt @usopen collection will make me play like @agassi 😝 Who remembers the original? ❤️

A post shared by Petra Kvitova (@petra.kvitova) on Aug 22, 2020 at 11:11am PDT

Инаку тенисерката во 2016 година преживеа пекол откако крадец се обиде да и влезе во домот, а при несреќниот настан тој ја повреди сечејќи и ја раката.

View this post on Instagram

Blending in with the scenery 💙

A post shared by Petra Kvitova (@petra.kvitova) on Aug 9, 2020 at 9:49am PDT

View this post on Instagram

Straight hair is one of my favourite things... and now I get to do it myself in the car or on the sofa! Thanks @dysonhair #dysoncorrale #dyson #dysonhairathome

A post shared by Petra Kvitova (@petra.kvitova) on Jun 8, 2020 at 11:01am PDT

Квитова сведочеше за најлошиот ден во својот живот: Имаше крв насекаде

Ристе Здравков — Wed, 06 Feb 2019 13:11:39 +0000

Чешката тенисерка Петра Квитова сведочеше за страшниотнапад врз неа во нејзиниот дом во Чешка пред три години. Финалистката на Австралија опен се здоби со повреда на лигаментите и тетивите на левата рака, со која игра, кога таа се борела со човекот кој ја нападнал со нож во нејзиниот стан. – Имаше крв насекаде, се присетува Квитова во видео-обраќањето пред судот, бидејќи сакаше да избегне да се сретне со напаѓачот. Нападот се случи во декември 2016 година, а Квитова се врати на професионалните должности пет месеци подоцна. Квитова објасни дека ги чекала резултатите од допинг-тестот кога некој и заѕвонил на вратата. Човекот се претставил себеси како мајстор, кој дошол да го провери бојлерот и додека го правел тоа, ја зграпчил Квитова од зад грб и го потпрел ножот на нејзиниот врат. Во борбата да се ослободи од него, таа ја повредила раката. Таа му понудила пари на напаѓачот за да замине и да ја остави на мир, и како се наведува, му дала 10.000 чешки круни. – Врискав, нормално, додаде Квитова. Нејзините тетиви, прсти и нерви беа оштетени, што резултираше со четиричасовна операција и тримесечна пауза. Квитова не даде изјави за медиумите, но како што изјави нејзиниот претставник, таа е среќна што целиот инцидент е зад неа. Осомничениот Радим Зондра се соочува со 12-годишна затворска казна.