петре шилегов – Kurir.mk

Шилегов против власта: Имаме нефункционални институции на повеќе нивоа

Тале Кристо — Thu, 21 Sep 2023 17:46:24 +0000

Според Петре Шилегов висок функционер на СДСМ и екс градоначалник на Скопје во Македонија институциите се нефункционални на повеќе нивоа и нема правда и одговорност. - Проблемот е подлабок, потребно ни е да направиме функционални институции, проблемот на немањето одговорност, општествена, политичка, кривична. Тоа значи дека имаме нефункционални институции на повеќе нивоа, рече Шилегов за „Само интервју“ на Канал 5.

Поранешниот шеф на кабинетот на Шилегов со закани и навреди за Јанко Илковски

Ивона Петрова — Tue, 12 Jul 2022 06:00:40 +0000

Поранешниот шеф на кабинетот на екс градоначалникот на Град Скопје, Никола Наумоски со навреди и закани кон новинарот и водител, Јанко Илковски. Во коментар на социјалните мрежи, Наумоски пишува дека му должел, како што вели, „едно шљакање“. Наумоски инаку е братучед на поранешната министерка од СДСМ, Радмила Шекеринска. Ваквото однесување не е прво, повеќе пати досега јавноста сведочеше на негова инволвираност во разни инциденти, како и во недолични коментари и статуси на социјалните мрежи.

ЈП Комунална Хигиена до Шилегов: За три месеци успеавме да исчистиме 300 депонии наследени од вас!

Тале Кристо — Sun, 08 May 2022 10:59:02 +0000

Додека Петре Шилегов ја користи архивата, ние го поздравуваме со фотографија од моменталната состојба. Горди сме на службите коишто работат 24/7 и успеавме над 300 депонии што ги наследивме од вас, да ги исчистиме за само три месеци, реагираат од ЈП Комунална Хигиена.

Приведени три лица осомничени за палење на автомобилот на Шилегов: Против нив е поднесена и кривична пријава

Магдалена Андонова — Thu, 28 Apr 2022 12:32:04 +0000

На 27.04.2022, полициски службеници од СВР Скопје ги лишиле од слобода А.Ј., С.Б., и С.Ј., сите од Скопје. По преземени мерки и активности е утврдено дека тие на 09.03.2022 во Скопје со запалива течност предизвикале пожар во патничко возило „ауди Q5“, од кој биле зафатени три други возила - „фолксваген пасат“, „нисан“ и „даеву матиз“. Денеска, до Основното јавно обвинителство Скопје, против нив е поднесена кривична пријава поради сомнение за сторено кривично дело „тешки дела против општата сигурност" по чл. 292, а во врска со чл. 288 од Кривичниот законик.

Град Скопје: Шилегов оставил корисниците на куќарките на Кеј 4 години да ги користат противправно, без никаков договор

Катерина Бојаџиева — Wed, 13 Apr 2022 09:18:47 +0000

За целосно информирање на јавноста во однос на медиумските натписи за затекнатата состојба со корисниците на куќарки на Кејот 13 ноември сакаме да појасниме дека лицата се без активни договори со град Скопје од 01.02.2018 година. Претходниот градоначалник на Градот Скопје, Петре Шилегов свесно ги оставил корисниците на куќарките четири години да ги користат противправно без постоење на правен основ за нивно користење, велат од Град Скопје. -Ваквата состојба најмалку одговара на корисниците на овие привремени објекти и поради тоа градот Скопје во транспарентна и законска постапка со објава на јавен оглас ќе ја разреши ситуацијата. Овие корисници за првпат се пријавиле на јавен оглас во 2011 година со договор од времетраење од една година, што се продолжувал со анекс секоја наредна година. Оваа пракса прекинала на 31.01.2018 година и овие граѓани целосно се ставиле во милост и немилост. Свесно биле оставени без дозвола и договор да ги користат куќарките, оставајќи можност на претходното раководство да се отстранат кога ќе посакаат. Дотолку што постојната состојба е спротивна на прописите, ја ограничува конкурентноста и го оштетува буџетот на Градот и граѓаните. Корисниците се веќе известени дека во рок од 15 дена треба да ги ослободат куќарките од предметите кои се во нивна сопственост и да ги предадат објектите на Градот Скопје во состојба во којашто ги примиле според Записникот, затоа што не постои правен основ за нивно понатамошно користење. Во следниот период ќе се објави јавен повик каде овие лица и сите останати заинтересирани ќе можат да се пријават за користење на јавни површини, односно користење на куќарките. Апелираме до сите медиуми и граѓани во своите натписи да не шират дезинформации, сите постапки кои Градот Скопје ги спроведува мора да бидат според законот и во целосно транспарентна постапка за да се создаваат позитивни политики за доброто на граѓаните, но и во насока на заштита на корисниците на куќарките, кои ќе можат правно да го регулираат својот статус и правото на користење, стои во сопштението од Град Скопје.

Нелоски: Колку чини тревникот среде плоштад на Шилегов?

Магдалена Андонова — Thu, 10 Mar 2022 18:49:57 +0000

На денешната седница на Советот на Град Скопје, советникот од ВМРО-ДПМНЕ, Владимир Нелоски упати три прашања до градоначалничката на Град Скопје каде запраша дали тревникот на плоштадот има буџетски импликации врз буџетот на Град Скопје? Во врска со тревникот на плоштадот, Нелоски запраша дали тревникот има буџетски импликации врз буџетот на Град Скопје и дали имаме информации за колкава вредност станува збор за тој тревник и дали таа вредност е реална на тој тревник? Нелоски запраша дали во градската администрација има некои податоци или информации за било каква направена јавна набавка за тревникот на плоштадот? Доколку нема направено јавна набавка, тогаш дали има донесено некаква одлука за законска донација на Советот на Град Скопје. Нелоски во однос на второто прашање во врска со порталот за Град Скопје кој го набавил претходното раководство запраша дали тој портал постои и доколку постои дали тој е функционален целосно или има недостатоци? Со оваа најверојатно лоша и криминална набавка ме интересира и колку буџетот на Град Скопје е оштетен? Во упатеното трето прашање Нелоски запраша дали има интерес од граѓаните за оваа отвореност на Градот Скопје и колку барања на граѓаните до сега се решени преку овие платформи? Нелоски посочи дека градот Скопје стана отворен град и достапен за граѓаните каде отвори и канцеларија за граѓаните и комуникација со граѓаните кои можат да ја направат 24 часа во секое време.

Андоновска: Колку пари ги чини скопјани и градот недомаќинското работење на екс градоначалникот Шилегов?

Ивана Ефремовски — Thu, 10 Mar 2022 14:42:52 +0000

Првото прашање се однесува на директорот на Паркинзи, би сакала многу накратко да ве прашам во каква состојба го затекнавте јавното претпријатие, што е она што вие го преземавте во овој период од кога вие сте назначени за директор и сакам да ми дадете посебен осврт на еден момент, односно тоа е проектот паметен град кој што го отпочнал екс градоначалникот Шилегов? Според информациите кои што ги имам во рамките на овој проект за паметен град реализирано е или нереализирано е тоа вие ќе ни кажете и делот на паметен паркинг. Што значи паметен паркинг јас никаде не го гледам тој проект, а од друга страна имам информација дека екс градоначалникот Шилегов потрошил 380.000 евра за оваа намена, праша Марија Андоновска, советник во Советот на Град Скопје од ВМРО-ДПМНЕ на денешната седница за поставување на советнички прашања. Андоновска истакна дека второто прашање се однесува за реконструкцијата на Универзална сала, посочувајќи дека според официјален записник од 2021 година нотирани се проблеми со проектната документација односно проблем на поставување на ново проектирани конструктивни елементи врз трафостаницата во рамки на објектот, незадоволително ниво на вградена армирана бетонска конструкција што претставува опасност за стабилноста на објектот, надвор од пропишаните стандарди за безбедност како и низа на неправилности во работењето изминатите четири години. -Второто прашање е за Универзална сала, постојат официјални записи кои укажуваат дека екс градоначалникот Шилегов и СДСМ имале грешки во проектната документација и пари наменети за реконструкција на Универзалната сала и се трошеле неплански и несоодветно. Имено детектирани се бројни недостатоци меѓу кои и потребата за дополнителни два носечки столба. Постои записник од 6 јули 2021 година каде се нотирани проблеми со проектната документација каде јасно укажува дека постои проблем со поставување на ново проектирани конструктивни елементи врз трафостаницата во рамки на објектот. Еден месец потоа утврдено е незадоволително ниво на вградена арматура на бетонска конструкција што претставува опасност за стабилноста на објектот, надвор од пропишаните стандарди за безбедност. Од друга страна нотирани се и низа неправилност на Универзална сала во изминатите четири години, потенцираше Андоновска. Андоновска нагласи дека Универзалната сала нема веб страна, а за иронијата да биде поголема две години се уплаќаат финансиски средства на фирма за одржување на истата, како и дека во 2019 година е изнајмено луксузно службено возило за 380.000 денари, додека сумата за изнајмување на истото возило во 2020 година е двојно намалена за 150.000 денари. -Замислете Универзална сала една до две години нема официјална веб страница, прво со тоа крши законската обврска годишната завршна сметка да биде објавена на веб старана. За иронијата да биде поголема Универзална сала уплаќа финансиски средства на фирма за одржување на веб страна, а веб старана нема. Зошто е ова вака, праша Андоновска и додаде дека истата нема направено ниту вонреден попис. Универзална сала во 2019 година изнајмува луксузно службено возило за 380.000 денари. А во 2020 година го изнајмува истото службено возило за двојно помала цена односно за 150.000 денари. Зошто има Универзална сала за едно вакво службено возило и зошто сумата е различна во однос на 2019 и 2020 година, рече таа. Андоновска праша што планира Град Скопје во однос на Луна парк, објаснувајќи дека според информациите со кои располага донесена е пресуда за исплата на 50.000 евра од страна на Град Скопје за изведувачот на проектот, бидејќи екс градоначалникот од СДСМ Шилегов не ги исполни обврските врз изведувачот. -Со доаѓање на Шилегов на позицијата градоначалник се прекинува изградбата на детскиот парк а кои што имаше физибилити студија за основен проект како и склучен договор за набавка и монтажа на реквизити и одобрение на истите. Каде се чувани реквизитите овие четири години, дали Град Скопје требало да плати за чување на овие реквизити и дали градот и граѓаните се оштетени што овој проект е стопиран и нереализиран. Колку изгубил градот, а колку изгубиле граѓаните? Воедно имам информација дека Шилегов е тужен од изведувачите за неисполнување на дел од обврските и за истото има пресуда од Апелација за 50.000 евра, а во процедура е и нова пресуда која исто така би го оштетила и градот и граѓанинот, децидна е Андоновска.

Се огласи Шилегов, еве што кажа откако му беа запалени автомобилите

Ристе Здравков — Wed, 09 Mar 2022 12:43:48 +0000

Поранешниот градоначалник на Скопје, Петре Шилегов во изјава за „Слободен печат“ вели дека е потресен од немилиот настан кој се случил ноќеска после 3 часот, кога целосно изгоре неговото возило „ауди“, како и три возила на негов сосед. – Искрено не знаеме како се запалило нашето возило. Чекаме МВР да ни каже како се запалил нашиот автомобил кој е целосно изгорен. Во пожарот целосно изгоре и возило на сосед, а уште две други се оштетени. Оштетена е и фасадата на соседот – вели Шилегов.

ФОТО+ВИДЕО: Опожарен автомобилот на Шилегов, од пожарот зафатени уште три возила

Тале Кристо — Wed, 09 Mar 2022 10:37:30 +0000

Целосно изгореа четири паркирани автомобили во Скопје. Како што дознава Курир, еден од автомобилите е на семејството на поранешниот скопски градоначалник Петре Шилегов. Како што може да се види од самите фотографии и видеа причинета е само материјална штета. Од МВР за Курир информираат дека синоќа во 03:20 часот било пријавено дека на ул.„Петре Пирузе“ во Скопје настанал пожар во патничко моторно возило „ауди“ со скопски регистарски ознаки, сопственост на правно лице, а паркирано од Ј.Ш. -Од пожарот зафатени биле и патнички моторни возила „пасат“, „матиз“ и „нисан“ со скопски регистарски ознаки, сите сопственост на Д.М.(53). Извршен е увид и се работи на расчистување на случајот, информираат од МВР за Курир. Подетални информации се очекуваат од страна на МВР.

Андоновски: Шилегов како торнадо опустоши низ Град Скопје, предвидувал 6.000 денари за комунални проекти, а 70.000 евра за веб сајт кој што никогаш не профункционира

Магдалена Андонова — Thu, 24 Feb 2022 13:40:26 +0000

Го имаме пред нас извештајот за извршување на Буџетот, и овој извештај ја дава сликата за пустош кој СДСМ го остава во институциите. А, во овој случај сликата за пустошот кој е оставен во Градот Скопје. И ова е поразителна слика на четири изгубени години и 6 потрошени буџети, и можеби го гледаме само крајот од таа приказна, крајот од таа поразена слика, истакна Стефан Андоновски, советник во Советот на Град Скопје од редовите на ВМРО-ДПМНЕ и коалицијата на денешната седница. Андоновски додаде дека има чувство дека на претходниот градоначалник никој не сака да се сеќава, ниту да го спомне. Претходниот градоначалник е како некое торнадо кое што избришало се од градот и поради тоа граѓаните на Скопје не сакаат на него да се сеќаваат. - Сепак добро е да видиме што таа администрација има оставено во Градот Скопје и од што се почнува. Затоа што многу е лесно да критикуваме проекти, да бараме објаснувања за некои нови проекти кои што се реализираат или не се реализираат, за долгови кои што ги има или не ги има, но треба да ја знаеме стартната позиција. И за првпат, ова е првиот извештај кој што таа стартна позиција многу чисто ни ја покажува, појасни Андоновски. Андоновски посочи дека во извештајот има работи кои што може да се видат и работи кои што и да сакате не може да се најдат во извештајот. - И највнимателните идеалисти и најголемите поддржувачи на претходниот градоначалник во овој извештај нема да го видат она што беа неговите најкрупни ветувања. Во овој извештај нема средства потрошени за Луна парк кој што беше најавуван шест години. Во овој извештај нема фонд за талентирани средношколци и спортисти иако бил предвиден, планиран, дека средношколци и спортисти ќе бидат финансирани. Во овој извештај ги нема парите од Градската куќа, никаде не може да ги најдете каде се потрошени парите кои што се добиени од продажбата на Градската куќа. Инаку за оние кои што не знаат тоа е домот во кој што требаше да биде сместен Град Скопје, изграден, проектиран, скоро пуштен на употреба о претходниот градоначалник до 2017-та година. Но во четири години единствено што овој градоначалник успеа да го продаде, а никаде да ги видиме средствата, рече Андоновски. Андоновски укажа дека има нула денари реализација на капитални инвестиции во градежни работи. Нула денари исто така има и за Форумот на жени претприемачи нешто што сега се менува. Има нула денари потрошени за Парк Шума на Водно од предвидени 15 милиони денари во делот на Комунални работи. - Но има интересна работа која што можете да ја видите, на пример во една од ставките има потрошено 6.000 денари за комунални проекти, но во исто време има 2.000 евра на проектирање на нови проекти, а 70.000 евра на веб сајт. Веб сајт кој што никогаш реално не профункционира. Значи 6.000 денари, 100 евра на комунални проекти, но 70.000 евра на веб сајт кој што никогаш не профункционира, нагласи Андоновски.