петровец – Kurir.mk

Мицкоски: Отворена е новата општинска зграда во Петровец направена од сопствени средства на општински буџет, без ниту еден денар долг

Ивана Ефремовски — Wed, 06 Sep 2023 11:44:01 +0000

Денеска општина Петровец добива нова општинска современа зграда, која што е одговор на потребите на граѓаните од Петровец каде што ќе можат да добијат европски услуги, брзо и квалитетно, рече лидерот на ВМРО-ДПМНЕ, Христијан Мицкоски. „Она кое што е важно а кое што го кажа градоначалникот е дека овој проект е со поддршка на советниците, општинската администрација, секако не помала е улогата тука на пратеникот кој што доаѓа од Петровец. Јас им честитам, општина Петровец ова го направи од сопствени средства, без ниту еден денар долг и покрај овој европски проект, успеа да реализираат Борче и администрацијата во општина Петровец, советниците кои што ги поддржуваат тие проекти многу проекти. Самиот градоначалник кажа реконструкција на училиште, асфалтирање на патишта, водоводи, канализации, градинки итн. Навистина еден импозантен корпус на проекти, а јас сум убеден дека така ќе продолжи градоначалникот и понатаму. И ја користам оваа прилика уште еднаш да му честитам и да му посакам уште многу вакви нови објекти, уште многу проекти да реализира за доброто на граѓаните овде во општина Петровец“ - порача тој.

Утрово најстудено во Скопје – Петровец и Берово

Тале Кристо — Sun, 19 Feb 2023 08:38:27 +0000

Утрово е најстудено во Скопје - Петровец и Берово, -3 степени, а максимални пет степени се измерени во Крушево. Според УХМР, -2 е во Битола, Демир Капија, Струмица и Лазарополе, 0 степени е во Скопје - Зајчев Рид, Тетово, Штип и Гевгелија, 1 во Крива Паланка, Претор, Прилеп и Дебар, 2 во Охрид и Дојран, како и 4 степени на Попова Шапка, во Маврови Анови и Виница. Висината на снежната покривка на Попова Шапка е 30 сантиметри, во Маврови Анови седум, а во Лазарополе еден сантиметар. Времето денеска ќе биде сончево и топло со мала до умерена локална облачност. Ќе дува слаб до умерен ветер од западен, а долж Повардарието од северозападен правец. Максималната температура ќе биде во интервал од 15 до 20 степени. Во Скопје сончево и топло со мала до умерена облачност и со слаб до умерен ветер од северозападен правец. Максималната температура ќе достигне до 17 степени.

Утрово најстудено во Петровец и Берово

Тале Кристо — Sat, 24 Dec 2022 09:15:32 +0000

Во текот на ноќта времето беше претежно ведро, а претпладнево е променливо облачно, со појава на магла или ниска облачност по котлините, каде има намалена хоризонтална видливост до 50 метри, пред се во Полошкиот регион, околу Демир Капија и во Скопско. Утрово најстудено со измерена температура од -5 степени Целзиусови беше во Петровец и Берово, -4 во Битола и Струмица, -3 во Скопје, Тетово, Штип и Демир Капија, -2 во Гевгелија, Куманово и Лазарополе, -1 во Крива Паланка и Прилеп, 1 во Охрид, Претор, Крушево и Дојран, 2 во Маврови Анови и Виница и 3 степени на Попова Шапка. Времето денеска ќе биде променливо облачно со сончеви периоди, пред се во јужните делови. По одделни котлини ќе има со појава на магла и ниска облачност. Ќе дува слаб ветер од северозападен правец. Максималната температура во местата со подолготрајна магла ќе достигне до 6 степени, а во останатите делови ќе биде во интервал од 7 до 13 степени. Во Скопје ќе биде умерено облачно со појава на ниска облачност и магла, која краткотрајно ќе се намали во текот на денот во делови од котлината. Максималната температура ќе се достигне до 6 степени. Следните денови ќе продолжи периодот на стабилно време со повисоки дневните температури, особено утре. По одделни котлини ќе се задржи умерено облачно и магливо со пониски дневни температури.

Жители на Илинден нападнале жители на Петровец

Ивана Ефремовски — Mon, 11 Jul 2022 17:31:53 +0000

На 10.07.2022 во 22.00 часот во СВР Скопје, Д.И.(32) од с.Горно Коњари, општина Петровец, пријавил дека во с.Катланово, општина Петровец, тој и З.П.(53) од с.Средно Коњари, општина Петровец, биле физички нападнати од Б.Н. од с.Кадино, општина Илинден и уште три лица. Се работи на расчистување на случајот.

Тепачка во скопско Петровец, се преземаат мерки за расчистување на случајот

Тале Кристо — Thu, 26 May 2022 16:08:50 +0000

На 25.05.2022 во 22.30 часот во Полициското одделение Петровец, К.Ј.(21) од с.Петровец, скопско, пријавил дека во селото, по претходна расправија за имотно-правни односи, бил физички нападнат со тврд предмет од Г.Ц и А.Ц., двајцата од с.Ржаничино, скопско. Се преземаат мерки за расчистување на случајот.

Митевски: Обезбеден е паркинг за амбулантата во Петровец, во изработен е проект за изградба на нова детска градинка

Ристе Здравков — Sun, 06 Mar 2022 13:49:30 +0000

Во населеното место Петровец на ул.22 по завршувањето на канализационата мрежа извршивме целосно асфалтирање на истата, во должина од 280 метри. На трите краци на ул.22 поставена е нова канализациона мрежа со вкупна должина од 280 метри и извршивме приклучување на домаќинствата на канализационата мрежа. Во населено место Петровец на крак од ул.1 е направено канализациона мрежа од 300 метри и истата ја поплочивме со бекатон плочки, а извршивме и темелна реконструкција на културниот дом во населеното место Сушица, изјави градоначалникот на општина Петровец Борче Митевски на денешниот отчет „Промени што носат иднина - 100 дена локална власт отчет на ВМРО-ДПМНЕ“. Митевски додаде дека се исчистени 4 диви депонии во населените места во општината. Извршивме чистење на четири диви депонии. Ја исчистивме дивата депонија на излезот од населеното место Петровец - на патот кон населеното место Огњанци. Исчистена е дивата депонија кај црквата Св. Илија во населеното место Огњанци. Исчистена е дивата депонија кај местото викано Кисела Вода и депонијата во населеното место Петровец кај православните гробишта. Извршивме расчистување и тампонирање на дворното место на амбулантата од здравствениот дом Скопје, со што обезбедивме паркинг простор за повеќе возила, рече тој. Тој додаде дека е извршена реконструкција на детскиот забавен парк во Долно Коњари, а изготвена е и документација за нова детска градинка која треба да се изгради во училишниот двор во ООУ „Кочо Рацин‟. Извршивме докомплетирање на помошните простории на спортската сала во Средно Коњари, како и уредување на дворното место пред спортската сала на ОУ „Братство единство‟ во Средно Коњари. Изработивме проект за нова општинска зграда .Изработивме проект за нова детска градинка која треба да се изгради во училишниот двор во ООУ „Кочо Рацин‟ во Петровец. Го реконструиравме детскиот забавен парк во Долно Коњари. Почитувани мои сограѓани сите овие реализирани проекти финансиските средства во целост се обезбедени од буџетот на општина Петровец, порача Митевски. Митевски нагласи дека голем број на проекти ќе се реализираат и во следниот период во општина Петровец меѓу кои и нова пешачко-велосипедска патека од центарот на Петровец до центарот на Р′жаничино, доизградба на спортската соблекувална на фудбалскиот клуб од Долно Коњари, изградба на канализационата мрежа во населеното место Огњанци, како и Изградба на пешачка патека во населеното место Горно Коњари од центарот на населеното место до бензинската пумпа. Нова општинска зграда од 800m². Нова пешачко-велосипедска патека од центарот на Петровец до центарот на Р′жаничино. Продолжуваме со изградба на канализационата мрежа во населеното место Огњанци. Ќе извршиме доизградба на спортската соблекувална на фудбалскиот клуб од Долно Коњари. Изградба на пешачка патека во населеното место Горно Коњари од центарот на населеното место до бензинската пумпа. Во населено место Ржаничино пред културниот дом ќе изградиме нов детски забавен парк. Во населено место Катланово ќе ја до изградиме и опремиме со инвентар просторијата за пензионери. Во училишниот двор на ООУ “Кочо Рацин” Петровец ќе изградиме нова детска градинка. Ќе асфалтираме и поплочиме со бекатон плочки локални улици во населените места, кажа градоначалникот Митевски.

МВР: 24 санкции за возење под дејство на алкохол во Илинден и Петровец

Магдалена Андонова — Sun, 26 Dec 2021 09:43:19 +0000

Во текот на вчерашната вечер (25/26.12.2021) во периодот од 20.00 до 02.00 часот, Мобилната единица за безбедност на сообраќајот на патиштата спроведе зајакната акциска контрола за санкционирање на возачи кои управуваат возило под дејство на алкохол на територија на Илинден и Петровец, при што санкционирани се вкупно 24 возачи. На сите прекршители изготвени им се соодветни поднесоци. Засилените акциски контроли продолжуваат и во наредните денови. Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта.

Митевски: Општина Петровец продолжува со своите градежни активности

Ивана Ефремовски — Thu, 02 Sep 2021 13:25:05 +0000

Општина Петровец продолжува со своите градежни активности. Во Катланово ја асфалтираме последната улица која ни остана, во вкупна должина од 250 метри и ширина од 6,5 метри. Средствата за изградба на оваа улица, во целост, се обезбедени од буџетот на општината. Ова денес го истакна градоначалникот на општина Петровец, Борче Митевски. -Освен во ова населено место, во исто време општина Петровец работи во Долно Коњари, во средно Коњари асфалтираме две улици во должина од 650-700 метри, во Сушица извршивме темелна реконструкција на училиштето и вчера имавме и свечено отворање. Исто таму направивме и нов културен дом, за него општината издвои околу 35.000 евра. Ќе продолжиме и во другите населени места, истакна тој. Градоначалникот посочи дека се работи на целосно завршување на канализационата мрежа во населено место Петровец. -Ни остана само уште една улица и очекувам понеделник или вторник да започнеме со поставување на канализациона мрежа и на улицата 22, посочи Митевски.

ВМРО-ДПМНЕ на трибина во Петровец: Народот е едногласен дека живееме период на историска срамота за Македонија

Тале Кристо — Thu, 15 Jul 2021 19:32:31 +0000

На вечерашната трибина на ВМРО-ДПМНЕ во Петровец на која говорници беа доц. д-р Викторија Трајков, координатор на Канцеларијата за меѓународна соработка на ВМРО-ДПМНЕ, Стефан Андоновски, член на ИК, Марија Петрушевска, пратеник, Проф. Д-р Васко Наумовски, поранешен амбасадор на Македонија во САД, порачаа дека народот во Македонија ја живее историската срамота,црвени линии мора да постојат, како и дека политиките на власта во однос на надворешната политика се погубни за Македонија. Доц. д-р Викторија Трајков, координатор на Канцеларијата за меѓународна соработка на ВМРО-ДПМНЕ, истакна: -Македонскиот јазик никогаш не бил во понезавидна ситуација од сега. Не се промовира низ светот, не се работи на негова афирмација, македонски вечери низ светските нетрополи не де оддржуваат а сето тоа укажува само на едно- задоволување на нечии други интереси на сметка на своето, македонското! Народот е едногласен дека живееме период на историска срамота за Македонија и за Македонците!” Стефан Андоновски, членот на Извршниот комитет порача: “Додека ЕУ не донесе одлука за почетокот на преговори ние треба да си ја завршиме домашната задача, која оваа власт очигледно не може да ја заврши.” Пратеничката Марија Петрушевска, во врска со Резолуцијата за црвените линии истакна: “Резолуцијата за македонските црвени линии е гласот на народот, на научната јавност на сите нас кои си ја сакаме Македонија” Професорот Д-р Васко Наумовски, како поранешен амбасадор на Македонија во САД, рече дека под итно мора да се зајакне дипломатската мрежа по големите држави низ светот затоа што нема кој да лобира за Македонија. Немаме амбасадор во Вашингтон, нема сеуште никој во Москва, нема во Германија итн. Погубно за една држава со западно европска ориентација, вели Наумовски.

Касарните во Петровец и Куманово ќе преминат на греење со природен гас

Тале Кристо — Fri, 09 Jul 2021 06:29:03 +0000

Министерката за одбрана Радмила Шекеринска денеска во изјава за медиумите ќе информира за смената на енергенсот користен за загревање на касарните „Страшо Пинџур“ во Петровец и „Боро Менков“ во Куманово од мазут и нафта на природен гас, најави Министерството за одбрана (МО). Со промената на начинот на загревање, потенцираат од МО, се влијае на зачувувањето на животната средина имајќи предвид дека природниот гас е поеколошки енергенс, додека истовремено се намалуваат средствата потребни за загревање на објектите во касарната. На изјавата на Шекеринска ќе претходи средба со одговорните лица во Министерството и со претставници на компаниите кои се избрани на јавната набавка за реализација на промената на начинот на загревање на овие касарни.