пијалоци – Kurir.mk

Утре одлука за намалување на цените на алкохолните и безалкохолните пијалоци

Ивана Ефремовски — Mon, 25 Sep 2023 13:04:46 +0000

„Граѓаните да бидат спокојни. Мерките кои ги носи Владата со цел заштита на стандародт на граѓаните ќе се реализираат во целина. На следната седница на Владата ќе биде донесена одлука за намалување на цените на алкохолните и безалкохолните пијалоци, a се прави и анализа за намалување на цените на хигенските производи“, кажа министерот за економија Крешник Бектеши при денешната посета на „Алма М“, компанија од дистрибутивниот бизнис, кои дистрибуираат производи по маркетите опфатени со мерката „гарантирана цена“ Министерот Бектеши кој во посета на „Алма М“ беше заедно со премиерот Димитар Ковачевски и директорот на Државниот пазарен инспекторат Горан Трајковски, кажа дека компаниите имаа рок да се усогласат со новите одлуки и со новите Законски решенија кои треба да се почитуваат од сите трговци. „Имаме ново законско решение во делот на Заштина на потрошувачите и по барање на Стопанска комора на компаниите им дадовме определен рок да се усогласат со измените барањата на Законот. Овој законско решение целосно се применува во најразвиените европски земји и треба целосно да биде почитувано. Во однос на одлуката која веќе ја донесовме, тоа што знаеме точно е дека утре ќе има одлука за намалување на цените на безалкохолните и алкохолните пијалоци. За хигиенските производи најверојатно во текот на оваа недела ќе бидат завршени сите консултации и ќе видиме дали има простор да се донесат одредени мерки“ кажа министерот Бектеши. Бектеши потенцираше дека Министерството за економија и сите надлежни институции прават анализи на неделна основа и врз основа на сите влезни податоци ќе се донесат одлуки кои што ќе бидат во интерес на заштита на стандардот на граѓаните.

Пијалаци кои се одлични за мајките кои дојат

Магдалена Андонова — Thu, 28 Jul 2022 20:47:34 +0000

За да имате доволна количина млеко многу е важно да останете хидрирани, бидејќи доењето ве ожеднува. Иако најдобро е да пиете вода, со текот на времето ќе ви здосади па може да пиете и нешто друго покрај водата. Од клиниката Мајо препорачуваат додека доите да пиете повеќе вода од вообичаеното. Во просек, секоја личност би требало да испие 8 чаши вода дневно, а со оглед на тоа што додека доите телото преработува повеќе вода, пијте 13 чаши вода, односно 3,1 литар дневно. Водата со вкусови е одлична замена за обичната вода. Ќе ја ублажи желбата за благи сокови. Наполнете бокал со вода, додадете го омиленото овошје, ставете коцки мраз и оставете да отстои преку ноќ. Краставица и диња, јагоди и лубеница, малина и лимон, аронија и јагоди, можностите се бескрајни. Растителните чаеви исто така можат да бидат вкусни за доилките. Освен тоа се многу здрави. Но, мора да знаете кои чаеви да ги пиете, бидејќи не сите билки се добри за бебињата и доилките. Бадемовото млеко е добра замена за кравјото млеко, содржи магнезиум, селен, манган и витамин Е. Може да го направите и сами, од бадеми и вода со помош на блендер. Со овошни сокови не треба да претерувате, но една чаша сок на ден може да биде добар додаток на исхраната. Одбегнувајте дополнителни шеќери, како и сокови од цитрусно овошје. Добра замена за водата се и соковите од зеленчук кои е најдобро сами да ги подготвувате.

Овие намирници често ги јадете и пиете, а тие ви предизвикуваат несоница

Ивана Ефремовски — Mon, 14 Mar 2022 14:47:21 +0000

Дури и ако немате проблем со сонот, добро е да знаете кои намирници предизвикуваат несоница. Добриот и редовен сон е неопходен за нормално функционирање на организмот и борба со дневните задачи на брзиот начин на живот.

Еве за кои намирници станува збор:

Конзервираното и чаденото месо го поттикнува излачување на стимулансите кои нè одржуваат будни и нè прават нервозни.
Дури и мала количина на чоколадо содржи од аминокиселината тирозин, која доведува до пореметен сон.
Сите енергетски пијалаци, содржат високо ниво на кофеин, што ја поттикнува напнатоста и излачувањето на адреналинот.
Зачинетата и кисела храна, како и јадењата со чили, го отежнуваат варењето на храната, а тоа го пореметува сонот.
Алкохолот предизвикува дехидратација и го поттикнува мокрењето. Заради тоа често се будиме.

Дознајте колку калории има во алкохолните пијалоци, еве што треба да избегнувате

Магдалена Андонова — Fri, 11 Mar 2022 20:15:57 +0000

Половина литар пиво има околу 240 калории и сега замислете да пиете четири пива во текот на вечерта, тоа е како да јадете две чоколади од 100 грама. Затоа, ако сте на диета, внимавајте што пиете и во кои количини, односно броете калории како со храната. Имено, нашето тело го регистрира алкохолот како отров, па затоа се обидува што побрзо да го претвори во нешто помалку штетно – во вишок енергија што се претвора во маснотии што се акумулира на стомакот кај мажите и на бутовите кај жените. Еден од нискокалоричните коктели е џин тоник (со тоник без шеќер) – 64 калории, вотка-џус 60 калории и чаша бело вино 160 калории. Список на калории во 100 мл други алкохолни пијалоци: Шампањ – 85 калории Бело вино – 85 Црвено вино – 80 Коњак 38% алкохол – 230 Коњак 50% алкохол – 375 Ликери – 250 Ракија 25% алкохол – 175 Ракија 33% алкохол – 195 Ракија 50% алкохол – 350 Рум 40% алкохол – 280 Бренди – 40 % алкохол – 230 Вињак – 250 Виски – 250 Вотка – 230 Калории во коктели: Long Island Ice Tea – 780 калории Margarita – 740 Pina Colada – 644 White Russian – 425 Mai Tai – 350 French 75 – 250 Fog Cutter – 225 Mojito – 160 Cosmopolitan – 150

Агенцијата за заштита на личните податоци во сред економска криза ќе нарачува пијалаци во износ од 200.000 денари

Тале Кристо — Sat, 23 Jan 2021 13:52:45 +0000

Во системот на јавни набавки објавен е оглас од страна на Агенцијата за заштита на лични податоци која планира да нарачува пијалаци и засладувачи во износ од 200.000 денари. Имено, во огласот стои под назив на договорениот орган, Агенција за заштита на податоци во делот на проценета вредност стои сумата од 200.000 денари и во делот на предмет на јавна набавка стои набавка на прехрамбени производи, пијалаци и засладувачи. Ова не е е прв пат да државните институции уживаат во своите бенефити и не ги кратат трошењата во економската криза која ја погоди државата додека огромен број на работници и граѓани остануваат на улица без работа и без основна егзистенција. Инаку огласаот е објавен на 22.01.2021 година.

Владата за 70.000 евра ќе купува пијалоци и тутун!

Магдалена Андонова — Wed, 16 Dec 2020 21:51:03 +0000

Службата за општи и заеднички работи на Владата на Република Македонија ќе потроши скоро 70.000 евра за набавка на прехранбени производи, пијалаци, тутун и сродни производи. https://e-nabavki.gov.mk/PublicAccess/home.aspx#/dossie-acpp/984a8272-2983-4437-8cf7-191dee838839 Имено, на системот за Јавни набавки има објавено два договори во кои како договорен орган се појавува токму Службата за општи и заеднички работи на Владата на Република Македонија и во овие два огласи како предмет на договорите на јавна набавка стои на прехранбени производи, пијалаци, тутун и сродни производи. На првиот договор сумата за набавката со вклучено ДДВ е 2.569.213 денари или 41.776 евра, додека на вториот договор за набавка на прехранбени производи, пијалаци, тутун и сродни производи вредноста со ДДВ е 1.250.800 денари или 20.338 евра. Во време на економска и здравствена криза, наместо власта да се воздржи од трошење за непродуктивни работи, таа одлучува да се рафрла и луксузира со парите на граѓаните. Само за потсетување, Службата за општи и заеднички работи во 2018 година распиша тендер од дури 6,3 милиони евра за тековно одржување и одржување на хигиена, како и тендер за хортикултурно одржување и уредување на државната управа во вредносто од 670.000 евра, а распиша и тендер за набавка на кафе во вредност од дури 45.000 евра.

Забележано намалување на прометот во трговијата на мало со храна, пијалаци и тутун

Магдалена Андонова — Mon, 30 Nov 2020 13:46:53 +0000

Прометот во трговијата на мало со храна, пијалаци и тутун во октомври годинава во однос на октомври лани бележи намалување за 3,1 отсто номинално и 6,8 отсто реално, објави Државниот завод за статистика Според објавените податоци намалување на прометот е забележано и кај трговијата на мало со непрехранбени продукти, освен гориво номинално за 12,2 отсто, а реално за 12,5 отсто и трговијата на мало, освен трговија со горива номинално за 8,1 отсто, а реално за 10 отсто и трговија на мало со автомобилски горива номинално за 26,9 отсто, а реално за 15,6 отсто. (МИА)

Дали се обидувате да изгубите тежина? Овие се пијалаците што можете да ги конзумирате

Магдалена Андонова — Wed, 05 Aug 2020 10:35:46 +0000

Иако огласите преку Интернет понекогаш тврдат поинаку, не постои волшебна напивка што може да ви помогне да ги исфрлите насобраните килограми. Нема пијалак што стимулира губење на маснотиите, вели д-р Мелани Бохмер од болницата Ленокс Хил. -Ако сакате да изгубите тежина, треба да постигнете дефицит на калории, истакнува таа. Со други зборови, треба да согорите повеќе калории отколку што внесувате во вашето тело, па затоа е важно да се држите подалеку од шеќерни и нездрави пијалаци, кои лесно можат да ги надминат плановите што си ги поставиле за себе. Сепак, за време на летото, може да биде тешко да се спротивстави на повременото искушение, затоа еве кои пијалаци се сметаат за најдобри за да ја угаснат жедта и да ја намалат половината. Вода Млеко Вода со парчиња овошје по ваш избор Протеински шејк Минерална вода Сок од зеленчук Пијалаци од електролити Чај Овошен сок (без додаден шеќер)

Познат келнер открива: Да сум на ваше место, никогаш не би ги порачал овие пијалоци во кафуле

Катерина Бојаџиева — Fri, 05 Oct 2018 17:51:43 +0000

Познатиот келнер, но и комичар Тим Дан од Њујорк откри 5 пијалоци кои тој никогаш не би ги порачал во кафуле. Мохито Според него, ќе добиете лоши и неквалитетни состојки како сушено нане и трула лимета. Наместо тоа, тој препорачува да порачате Бакарди и газиран сок. Точено пиво Тој открива дека овој пијалок е полн со бактерии од бурињата кои речиси и никогаш не се чистат. Вели дека доколку сакате да проверите дали тие ги чистат бурињата, треба да го проверите тоалетот на кафулето. Коктел со млеко Популарен пијалок во американските барови и е „White Russian“ за кој се вели дека се користи млеко со поминат рок. Наливно вино Најчесто е суперевтино и со лош квалитет. Ладен пијалок Во секој ладен пијалок секако се додава мраз кој се користи од ледоматите кои исто така никогаш не се чистат.

Лекарите предупредуваат: Сите ја правите оваа голема грешка за време на пеколните жештини, еве зошто да престанете веднаш

Ристе Здравков — Sun, 15 Jul 2018 11:33:11 +0000

Голема грешка за време на пеколните жештини е да се пие ладна вода или сокови полни со мраз, бидејќи тогаш на течноста ѐ е потребно повеќе време да се прошири низ телото и да го хидрира. Затоа, најидеално тогаш е да се пие вода изладена на собна температура. Водата секогаш е подобар избор од соковите.Исто така, добро е да се испие топол чај, но кога надвор е сув воздухот, а не влажен. Чајот го потикнува потењето, а со тоа и разладувањето на телото. Имајте на ум дека со потењето се губат течности, па тоа треба да се надомести. Лекарите велат да се избегнува алкохол, бидејќи тој додатно го суши организмот, а би било добро да се намали и конзумирањето на алкохол. Сепак, каде и да одите секогаш со себе носете вода и пијте по неколку голтки што е можно почесто.