пијалок – Kurir.mk

Зошто не треба да пиете повеќе од еден засладен пијалок неделно?

Ивона Петрова — Tue, 11 Apr 2023 14:33:26 +0000

Луѓето не треба да пијат повеќе од еден пијалок неделно засладен со шеќер, велат научниците откако новото истражување го поврза високото ниво на консумирање шеќер со широк спектар на здравствени состојби. За секој дополнителен засладен пијалок неделно, луѓето можат да ги зголемат своите шанси за развој на голем број болести, велат авторите. Тие рекоа дека високата потрошувачка на шеќер е „генерално повеќе штетна отколку корисна за здравјето“. Авторите се повикуваат на повеќе истражувања за врската помеѓу високата потрошувачка на шеќер и ракот, откако студијата укажа на врската помеѓу двете. Академици во Кина и САД го анализираа влијанието на внесот на шеќер врз здравјето, проучувајќи го постојното истражување, од кои вкупно 73 вклучија 8.601 студија. Прегледот на наодите, објавен во списанието BMJ, сугерира дека поголемото внесување шеќер е поврзано со 45 здравствени проблеми. Авторите откриле „значајни штетни врски“ помеѓу консумирањето шеќер во исхраната и дијабетес, гихт, дебелина, висок крвен притисок, срцев удар, мозочен удар, астма, расипување на забите, депресија, прерана смрт и некои видови на рак - вклучувајќи рак на дојка, простата и панкреас. Кога научниците конкретно ги разгледале пијалоците засладени со шеќер, нашле „умерени“ докази кои сугерираат дека луѓето кои пиеле најмногу засладени пијалоци имале поголема телесна тежина во споредба со оние кои пиеле најмалку. Секој дополнителен пијалок засладен со шеќер дневно бил поврзан со 17 отсто поголем ризик од коронарна срцева болест и 4 отсто поголем ризик од смрт во текот на периодот на следење на прегледаните студии. Секое 25 g дневно зголемување на внесот на фруктоза е поврзано со 22% поголем ризик од рак на панкреасот, сугерира истражувањето.

Никогаш нема да го кажат на глас, но еве што мислат мажите за жени кои сакаат сами да си платат пијалак: „Дали тоа жената сака да биде џентлмен?“

Ристе Здравков — Sat, 27 Nov 2021 21:25:29 +0000

Неодамна на популарниот форум „Ispovesti.com“ започна дебата за плаќање на пијалоци. Имено, на еден маж очигледно му здосадило постојано да го вади паричникот, па сакал на анонимен начин да ги праша дамите дали има можност да заштеди пари при излегување. Меѓутоа, кога го напишал ова, сигурно не очекувал ваква осуда од сопствениот пол. – Девојки нели ви е глупаво некој да ви плаќа пијачки нон стоп итн. Само прашувам – напиша анонимен човек и со ова прашањето започна лавина од осуди и дебата.. Повеќето од нив беа мажи кои остро ја осудија оваа идеја за отстапување од бонтон, па затоа коментарите како овие добија најголема поддршка: „За тоа се жалат само оние без пари. Зошто не би ѝ платил на девојката за пијачка“, „Дали жената сака да биде господин, а мажот дама? Нека ти плати господинот пијачка и уживај и не комплицирај …” и “Дојде време кога се распрашувате за се. Што ве мачи сега? Добро беше, добро е и добро ќе биде мажот да плати за жена. Ви кажа ли некој дека сте досадни со овие ситници? Сепак, жените беа малку поделени кога станува збор за овој гест. -Непријатно ми е кога одам на првиот состанок, но очекувам мажот првпат да плати пијалок – напишала едната девојка, а другата малку поинаку го ставила овој став: „Ако сакав да си платам, сама би одел во кафуле“. Но, имаше и неколку дами кои решија да започнат „револуција“ во коментарите и да се изборат за правото да платат пијачка, ручек или воопшто излегување. -Не знам во кој век се оставени овие луѓе за кои е нормално маж да плати за се. И да немам пари не би дозволила, туку би предложила да се прошетаме, да останеме дома итн. Јас плаќам еднаш, еднаш тој ќе плати. Порано домашната работа беше женска обврска, значи дека е се уште, штом гледам дека мислиш дека мажите треба да платат и дека ти е жал кога не го прават тоа? Жените не треба да плаќаат „ради реда“ или понекогаш, туку исто како и мажите – напишала една жена со која многумина се согласиле.

ЦЕЛОСНО ПРИРОДЕН ПИЈАЛАК ЗА СЛАБЕЕЊЕ: Здрав е и неверојатно вкусен, а состојките веќе ги имате!

Магдалена Андонова — Mon, 03 May 2021 20:06:01 +0000

Знаете дека внесувањето доволно вода е важно за вашето здравје, и ако ги додадете овие две состојки во вашата вода, брзо ќе изгубите тежина! Без разлика дали сте јаделе малку повеќе за одморите или само сакате да ја измените линијата пред летото, знајте дека постои еден сосема природен пијалак што ќе ви помогне да го забрзате метаболизмот и да се ослободите од вишокот течности од вашето тело. Сè што треба да направите е да додадете јаболко и цимет во водата - поточно, додадете едно јаболко, еден лимон и стапче цимет во еден литар вода. Овој природен пијалак ќе ги намали воспалителните процеси во телото и ќе му помогне на организмот да се ослободи од токсините и вишокот течности, да го забрза метаболизмот и сето тоа влијае на топењето на масти. Загрејте ја водата во тенџере, но не дозволувајте да зоврие. Потоа истурете ја во бокал, додадете цимет, сецкано јаболко и кога пијалакот ќе се олади, ставете го во фрижидер. Во ладниот пијалак додадете сок од лимон и испијте го. Најдобро е да го пиете овој пијалак по една чаша секое утро веднаш по будењето, а остатокот да го дистрибуирате по желба во текот на денот.

Нема поубав вкус за студени денови: Подгответе домашно греено вино, ќе уживате!

Ивана Ефремовски — Mon, 09 Dec 2019 18:34:21 +0000

Грееното вино во овој период од годината е одлично за оние кои сакаат малку повеќе да се релаксираат и да уживаат во неговиот прекрасен вкус. Основниот рецепт е едноставен, вино, шеќер и зачини, а уникатноста се постигнува со нивното комбинирање. Во него можете да додадете и кора од портокал додека се вари, цимет, мускатно оревче, каранфилче и цимет, ванила, сируп со вкус на шумско овошје, исцедена мандарина, да додадете ловоров лист, малку бибер… Во продолжение погледнете еден рецепт кој сигурно ќе ви се допадне: 2 шишиња квалитетно црно вино 2 мандарини Една лимета 300 гр шеќер 6 каранфилчиња Едно стапче цимет Едно стапче ванила 3 ловорови листа Мускатно оревче Анасон Подготовка: Во тенџерето ставете го шеќерот, сокот од лимета, изренданата кора и сокот од мандарините. Ставете ги и зачините и залејте со малку вода и варете додека да добиете сируп. Потоа додадете го виното и варете додека да се соединат состојките. Процедете го пред послужување. Вкусот можете да го збогатите со рум, ликер од вишни или од бадем, за да добие посебен вкус.

Ги дрогирал колегите за да му бидат позабавни: Внимавајте кој ви прави кафе на работа

Ивана Ефремовски — Fri, 29 Mar 2019 08:00:49 +0000

Тинејџер од американската сојузна држава Мисури е фатен како ставал ЛСД во пијалакот на колегите од работа, а во своја одбрана, тој изјави дека тоа го правел оти неговите колеги биле премногу нерасположени и здодевни. Момчето (19) ја призна вина за ставање халуциногена дрога, па сега му се заканува казна за тоа, како и за поседување недозволени супстанции. Тинејџерот на дело го фатиле менаџерката на фирмата за изнајмување автомобили, која го видела како стои близу нејзината чаша со вода, па одлучила да не пие од неа. Кусо потоа, таа и повикала полиција откако забележала дека неколку колеги не се добро и дека еден од нив почнал да се тресе. Кога полицајците го прашале момчето – зошто го сторил тоа, тој рекол дека му биле многу негативни и дека тој само сакал да им го поправи расположението.