Пијан малолетник дивеел пред СЦ „Борис Трајковски“ на Таксират

Ивона Петрова — Mon, 10 Dec 2018 14:14:28 +0000

Малолетник во алкохолизирана состојба дивеел пред Спортскиот Центар Борис Трајковски во саботата вечерта, по што бил приведен во полициска станица. Додека се одржувал концерт, непознато лице кое било во видно алхохолизирана состојба се однесувало дрско и непристојно викајќи на висок тон да го пуштат внатре, ги буткал и удирал оградите пред салата и се туркал со обезбедувањето. Од страна на полициски службеници било пристапено кон легитимирање, но лицето одбивало да даде било какви податоци и започнало да ги омаловажува полициските службеници, информираат од МВР. Од полицијата посочуваат дека лицето е приведено во полициска станица, при што е констатирано дека станува збор за 17 годишно лице од Скопје, а по кратко време во полициската станица дошол и неговиот родител. По документирање на случајот ќе биде поднесен соодветен поднесок.

Пијан малолетник во критична состојба донесен на Токсикологија

Ивона Петрова — Thu, 15 Feb 2018 11:28:42 +0000

Петнаесетина минути по полноќ синоќа на Ургентното одделение во гостиварската болница бил донесен 15-годишен гостиварец, кој се затрул со поголема количина алкохол. -Поради сериозно влошената здравствена состојба, укажана му е лекарска помош и неконтактибилен, малолетникот итно е пренесен на Клиниката за токсикологија во Скопје, информираат од СВР Тетово. Оттаму додаваат дека се расветлуваат мотивите, околностите и се друго поврзано со труењето на малолетниот гостиварец.

пијан малолетник – Kurir.mk

Пијан малолетник дивеел пред СЦ „Борис Трајковски“ на Таксират

Пијан малолетник во критична состојба донесен на Токсикологија