пиксел груп – Kurir.mk

ВМРО-ДПМНЕ: Единствен инвеститор во ТИРЗ за време на СДС е Пиксел груп основана од Ковачевски

Тале Кристо — Fri, 27 Jan 2023 12:46:20 +0000

СДС се толку одлепени од реалноста штом се одлучуваат да држат вакви прес конференции, реагираат од ВМРО-ДПМНЕ на прес-конференцијата на Даниела Николова од СДСМ. Нивниот директор на ТИРЗ Јован Деспотовски како одговорен за потврди дека државата нема стратегија за привлекување на странски инвестиции, и уште полошо, дека смета дека нема потреба од стратегија. СДС треба да и каже на јавноста дека Агенција за странски инвестиции и Дирекција за ТИРЗ има над 130 редовно вработени и уште дополнително ангажирани лица на договорни услуги и се со годишни буџети од над 43 милиони евра и просечни месечни плати по вработен од над 52.000 денари. Токму тие функционираат без никаква стратегија, без никаква идна перспектива или концепт. Единствен инвеститор во ТИРЗ за време на СДС е Пиксел груп основана од Ковачевски. Вистината е дека Македонија е на дното во региот, нема нови инвестиции има само поволности за фирмите блиски до Ковачевски, се вели во реакцијата на ВМРО-ДПМНЕ.

ВМРО-ДПМНЕ: Пиксел груп основана од Ковачевски добивала државна помош додека тој е заменик министер, ДКСК да отвори постапка

Ивона Петрова — Tue, 18 Oct 2022 06:15:22 +0000

Пиксел груп основана од Ковачевски добивала државна помош додека тој е заменик министер, ДКСК да отвори постапка, бараат од ВМРО-ДПМНЕ. Од партијата посочуваат дека самиот Ковачевски признал дека од него формирана фирма добивала државна помош, додека тој е на функција.

-Само ДКСК уште глуми дека не слуша и не гледа и ништо. Над 300.000 евра се исплатени кон Пиксел груп додека Ковачевски е заменик министер и мандатар за состав на нова влада. Истата оваа Пиксел груп, е фирма која гради фабрика за само една година од основањето, а откако Ковачевски кој ја основал станува премиер, таа почнува инвестиција од 54 милиони евра во ТИРЗ Тетово. Пиксел групне фирмата која произведува фотоволтаични панели, дел од соларниот картел, а КМГ ЕОЛ Квазар, на кумот на Ковачевски се јавува на тендери за поставување на истите. Фирмите од аферата Броило откако е СДС на власт од државата добиле 2 милиони евра тендери и склучиле договор со ЕВН од над 2 милиони евра, се вели во партиското соопштение. Ковачевски е во центарот на аферата Броило. Одговорност мора да има.

Лефков: ДКСК да постапи по претставката за дезертерот Ковачевски, додека е заменик министер е исплаќана државна помош на Пиксел груп

Магдалена Андонова — Mon, 17 Oct 2022 09:53:07 +0000

Дезертерот Ковачевски отворено призна дека додека бил заменик министер за финансии е исплаќана државна помош од владата и ФИТР на Пиксел груп, фирма основана од него, а сега во посед на неговиот кум. Со изговор дека тоа не е спорно за него. Но тоа што за Ковачевски не е спорно, се вика судир на интереси, изречно забрането и според Законот за спречување на корупција и судирот на интереси. Имено во чл. 72 ст. 1 од Законот стои дека службеното лице во текот на вршењето на позицијата е должно да внимава на потенцијален судир на интереси, како и да преземе мерки за негово одбегнување, изјави на денешната прес конференција Миле Лефков, пратеник и член на ИК на ВМРО-ДПМНЕ. Тој истакна дека Ковачевски во периодот од 2020 до крајот на 2021 година е заменик министер за финансии, период во кој се извршени исплати во висина од над 300.000 евра кон Пиксел груп дел од владата, дел од ФИТР. - Постои сериозна опасност истиот да влијаел врз таквите одлуки. ДКСК да не молчи, и да постапи во однос на претставката која ВМРО-ДПМНЕ ја поднесе за Ковачевски во аферата Броило, тешка 26 милиони евра. Дезертерот Ковачевски е централна фигура во аферата Броило, а Пиксел груп основана од него е фирмата околу која се вртат сите пари. Пиксел груп е фирмата која ги произведува панелите кои КМГ ЕОЛ Квазар на кумот Паунов ги монтира. Меѓу големиот број на зделки на КМГ ЕОЛ Квазар се и 2 милиони евра државни тендери добиени откако е СДС на власт. И договор со ЕВН во висина од над 2 милиони евра. Пиксел груп основана од Ковачевски, понатаму е и фирмата која заедно со ново формирана бугарска фирма гради фабрика од 54 милиони евра во ТИРЗ Тетово, фирма која како што пишуваат медиумите ќе преговара и за државна помош. И сето ова од отворање на фирмата во ТИРЗ Тетово до почеток на инвестицијата се случува откако Ковачевски е премиер. Само за потсетување ТИРЗ Тетово е зона со даночни и царински поволности и ослободувања, кои се регулирани со посебен закон, појасни Лефков. Пратеникот запраша: „Ако ова не е судир на интереси тогаш што е?“ - ДКСК да не молчи. Предвремената амнестија која се обидоа да му ја дадат на дезертерот Ковачевски пропадна во вода. Самиот призна се. Единствено правилно е сега да постапат согласно закон, и да утврдат судир на интереси, а Ковачевски да си поднесе оставка, додаде тој.

Лефков: ДКСК пуштени низ вода, дезертерот Ковачевски призна дека додека бил заменик министер е исплаќана помош на „Пиксел груп“, која е во центарот на аферата Броило

Магдалена Андонова — Tue, 11 Oct 2022 09:41:00 +0000

Дезертерот Ковачевски сам призна дека додека бил заменик министер за финансии е исплаќана помош на фирмата Пиксел груп, основана од него, а сега во центарот на аферата „Броило“, тешка 26 милиони евра. ДКСК се буквално пуштени низ вода по вчерашната изјава на Ковачевски, кој сам призна дека наводите од нашите прес конференции се целосно точни, и дека во време кога тој е заменик министер за финансии е исплаќана помош на фирма основана од него, а сега во посед на неговиот кум, изјави пратеникот од ВМРО-ДПМНЕ Миле Лефков на денешната прес конференција. Тој посочи дека вчера ДКСК предвреме се обиде да го амнестира Ковачевски. - Јасно е дека гласот на ДКСК е Ковачевски кој сака да гоа испере криминалот преку наводна констатација на ДКСК дека нема криминал. Како тоа утврдија дека нема судир на интереси и трговија со влијание кога Пиксел груп формирана од самиот Ковачевски е основана 5 месеци откако СДС доаѓа на власт во 2017 година? И за само една година оваа фирма гради фабрика за фотоволтаици. Кои факти ги анализираше ДКСК и врз основа на кои документи утврди дека нема судир на интереси треба да елаборира пред јавноста? Истата оваа Пиксел груп, 8 месеци откако Ковачевски станува премиер влегува во инвестиција од 54 милиони евра, за изградба на фабрика во ТИРЗ Тетово за производство на фотоволтаични панели заедно со бугарски партнер. Бугарската фирма - партнер на Пиксел груп основана од Ковачевски, е основана неколку месеци откако Ковачевски станува премиер во Македонија. Кога ДКСК одлучи повторно да ја штити власта, сега останува ЈО да го истражи патот на парите во Пиксел груп, основана од Ковачевски и неговиот кум, а сега водена само од неговиот кум. Како оваа фирма се наоѓа во вртлогот на аферата Броило од 26 милиони евра, и дали се користени државни влијанија? Не смее да се заборави, ниту дека Пиксел груп е фирмата која ги произведува фотоволтаичните панели, кои КМГ ЕОЛ Квазар на кумот на Ковачевски ги монтира на тендерите добиени од државата во висина од 2 милиони евра, и договорот со ЕВН во вредност од над 2 милиони евра Дека се наликува на злосторничко здружение околу Пиксел груп е и фактот што оваа фирма добива над половина милион евра државна помош, а за половина од тоа време Ковачевски е заменик министер и мандатар за избор на нова влада, појасни Лефков. Пратеникот порача ЈО да не чека и да истражи, дали и колкаво е влијанието на Ковачевски и дали тој ја злоупотребил својата положба во трупањето на милиони на соларниот картел. - А ДКСК да престане политички да го амнестира врвот на владата, а со тоа и соларниот картел, а за многу кратко ќе објавиме и кои се причините поради ваквата заштита, додаде тој.

Лефков: Ковачевски и кумот, со длабоки врски во СДС наликуваат на злосторничко здружение кое свртело 26 милиони

Магдалена Андонова — Sun, 09 Oct 2022 10:02:22 +0000

Аферата „Броило“ го извади на површина соларниот картел, кој е сконцентриран околу дезертерот Ковачевски. Обелоденивме како две поврзани фирми „Пиксел Груп“ основана од Ковачевски и неговиот кум Паунов, и КМГ ЕОЛ Квазар основана само од кумот, откако е СДС на власт влегле во бизниси од над 26 милиони евра. Сите факти досега укажуваат дека соларниот картел околу Ковачевски наликува на злосторничко здружение кое се формира по доаѓањето на СДС на власт, изјави на денешната прес конференција пратеникот од редовите на ВМРО-ДПМНЕ, Миле Лефков. Тој ги наброја и фактите: 1. Ковачевски и неговиот кум, кој е функционер во СДС скоро 20 години ја основаат фирмата „Пиксел Груп“, околу која понатаму се врти аферата „Броило“. 2. „Пиксел Груп“ е фирмата која ги произведува фотоволтаичните панели, а КМГ ЕОЛ Квазар ги продава и монтира истите. 3. Преку фирмата на кумот на Ковачевски земени се 2 милиони евра државни тендери, и склучен е договор со ЕВН од дополнителни над 2 милиони евра. „Пиксел Груп“ основана од Ковачевски произведува фотоволтаици, а фирмата на кумот се јавува на тендери и продава. И така фирмата основана од Ковачевски не се јавува како директен извршител на работите пред државните органи, а практично кај неа завршуваат парите. 4. „Пиксел Груп“ основана од Ковачевски со СДС на власт добива и над половина милион државна помош, а исплати се вршени и додека е заменик министер за финансии и мандатар за состав на новата влада. 5. Злосторничкото здружение зазема димензии од десетици милиони евра кога Ковачевски станува премиер. Имено тогаш „Пиксел Груп“ основана од него влегува во фаза на градење на фабрика во ТИРЗ Тетово, каде има посебни даночни и царински ослободувања, а фирмата ќе преговара и за државна помош. - Јасни се цртите на аферата „Броило“, која го следи доаѓањето на СДС на власт и растот на Ковачевски во политиката, како тој напредува во хиерархијата во СДС и владата, така договорите и зделките на „Пиксел Груп“ и КМГ ЕОЛ Квазар се сѐ поголеми, додаде Лефков.

„Очигледно Пиксел Груп се нервозни поради фактот дека се отплеткува мрежата на Соларниот картел каде значаен дел е токму оваа фирма“

Дарко Андоновски — Sun, 02 Oct 2022 19:51:58 +0000

Очигледно Пиксел Груп се нервозни поради фактот дека се отплеткува мрежата на Соларниот картел каде значаен дел е токму оваа фирма, ова вечерва преку реакција до јавноста го истакнаа од ВМРО-ДПМНЕ. „Останува непознато само кој го пишуваше соопштението на компанијата. Дали тоа е сопственикот и управител Горан Паунов, кум на дезертерот Ковачевски. Или пак самиот Ковачевски кој своевремено е и основач на оваа компанија? Ковачевски е избезумен што јавноста дознава за трговија на влијание и богатење на сметка на грбот на народот. Аферата БРОИЛО покажува дека Ковачевски е кризен профитер“, велат од партијата. Од таму додаваат дека со објавениот демант од Пиксел и КМГ ЕОЛ Квазар кои не знаеме кој го пишувал, само го потврдија она што го говориме, дека последните 4 ипол години на фирмите Пиксел и КМГ ЕОЛ Квазар им одело најдобро.