пилешко месо – Kurir.mk

Рецепт за сочни пилешки ролни

Ивона Петрова — Tue, 17 Oct 2023 12:07:23 +0000

Рецепт што го погледнале повеќе од пет милиони луѓе. Состојки: 4 парчиња пилешки гради 100 гр пармезан 100 гр путер 50 гр свеж копар 50 гр презла 1-2 јајца сол и бибер по желба Подготовка: Пилешките гради исечете ги на половина за да добиете вкупно осум шницли. Наредете ги шницлите, додадете сол и бибер по вкус. Измешајте го ренданиот пармезан со сечканиот копар и оставете го на страна. Исечете го путерот на осум еднакви делови. На секое парче пилешко ставете парче путер и премачкајте го преку површината на месото. Поголемиот дел од пармезанот измешајте го со сечканиот копар и ставете го во посебен сад. Остатокот од пармезанот измешајте го со презлата и ставете го во чинија. Врз намачканите пилешки гради ставете ја смесата од пармезан и копар. Завиткајте го пилешкото во ролат. Потопете го ролатот во изматеното јајце, па валкајте го во смесата од пармезан и презла. Повторете го процесот додека не ги направите сите осум пилешки ролни. Наредете ги ролните во тава. Печете ги во загреана рерна на 200 степени околу 50 минути. Послужете ги ролните со омилениот сос. Пријатно!

Пилешко со зеленчук во сос

Ивона Петрова — Thu, 05 Oct 2023 18:34:01 +0000

Пилешко кое се топи во устата. Состојки: 400 гр пилешко бело месо една главица свежа брокула 150 гр рендан кашкавал сол, бибер, лук 2 лажици презла Сос: 50 гр путер 2 лажици брашно 600 мл млеко 150 гр кашкавал сол, бибер, морско оревче по желба 200 мл крем за готвење Подготовка: Брокулата исчистете ја и одделете ја на помали парчиња, ставете ја да се вари пет минути во зовриена солена вода. За тоа време пилешките гради исецкајте ги на коцки и пропржете ги на путер. Подгответе го сосот. Во путерот се пропржува брашното, се трга од оган и се додава млекото со постојано мешање да не се формираат грутчиња. Додадете ги кремот за готвење и кашкавалот, зачинете и варете на тивок оган додека не се згусне. Намачкајте длабок сад со путер и посипете со презла. Брокулата и пилешкото измешајте ги и ставете ги во сад. Прелијте го готовиот сос, а на крајот посипете со рендан кашкавал. Печете 20 минути во рерна загреана на 200 степени.

Во ЕУ над 134 случаи на салмонела, веројатно поврзани со пилешко месо од Полска

Тале Кристо — Wed, 30 Aug 2023 20:15:21 +0000

Европските здравствени власти регистрирале најмалку 134 случаи на салмонела, за кои веруваат дека се поврзани со контаминирано пилешко месо, јави ДПА. Европскиот центар за превенција и контрола на болести во Стокхолм соопшти дека случаи на салмонела биле откриени во 10 земји на ЕУ и Норвешка. Едно лице почина од последици од салмонела во Австрија. Најголем дел од случаите се регистрирани помеѓу јануари и август 2023 година. Интервјуата со пациенти во Австрија и Данска сугерираат дека инфекциите со салмонела веројатно се поврзани со консумирањето пилешко. Пред две недели, австриските здравствени власти изразија загриженост за можна поврзаност помеѓу болестите на салмонела и пилешкото месо со потекло од Полска. Според ДПА, речиси сите оние кои се разболеле во Австрија, непосредно претходно јаделе пилешко. Понатамошните истраги открија дека сите погодени ресторани користеле пилешко за ражничи увезени од Полска.

Салата со пилешко идеален оброк во летните месеци

Ивона Петрова — Tue, 15 Aug 2023 19:38:21 +0000

Салатите како главно јадење се идеален оброк, особено во лето поради високите температури. Ладната салата со пилешко содржи совршен сооднос на месо и зеленчук, а по подготовката може да се чува во фрижидер ден-два, што може да ве спаси од готвење за време на топлината. Состојки: 150 гр пилешки гради 40 гр тестенини 2 тврдо варени јајца 3 листови зелена салата 50 гр авокадо 80 гр шери домати сушен магдонос и сол 2 супени лажици јогурт Подготовка: Пилешкото се сече на тенки парчиња, се зачинува со сол и бибер и се пржи на малку кокосово масло. Гответе ги тестенините. Сварете ги и јајцата. Авокадото и шери доматите исечкајте ги на коцки и ставете ги во сад. Додадете ја салатата исечена на помали ленти. Кога пилешкото и тестенините ќе се изладат, додајте ги во салатата. Тврдо варените јајца исечкајте ги на помали парчиња и додајте ги во салатата. Сè убаво измешајте, по потреба додајте сушен магдонос и сол и прелијте со 2 лажици јогурт.

Одлична идеја за викенд ручек, потпечено пилешко со печурки

Ивона Петрова — Fri, 03 Feb 2023 13:13:23 +0000

Одлична и вкусна комбинација на состојки во кои ќе уживате. Состојки: – 500 гр пилешко бело месо – 400 гр свежи печурки Бешамел сос: – 30 гр путер - презла - 1 1/2 лажица брашно – 300 мл млеко – 100 гр павлака - кашкавал за посипување Подготовка: Белото месо исецкајте го на тенки шницли и исчукајте го. Месото и печурките посолете ги малку пред да се пржат. Секој стек пропржете го на малку масло, колку да добие боја. Печурките се пржат посебно, во маслото во кое се пржело месото. Бешамел сосот се прави така што путерот се топи, во него се динста лажица ипол брашно, се додава млекото и кога ќе почне да врие, се промешува павлаката. Огроотпорен сад намрсете го и посипете со презла, па наредете ред бело месо, па ред шампињони, па прелијте со бешамел сос. Направете го тоа додека не се искористат сите состојки. На крај изрендајте го кашкавалот и ставете го во рерна да се пече околу 20 минути на умерена температура.

САД: Првпат е одобрена продажба на пилешко месо одгледувано во лабораторија, остануваат уште неколку проверки за да биде достапно на јавноста

Магдалена Андонова — Fri, 18 Nov 2022 09:33:47 +0000

По одлука на американската Администрација за храна и лекови, компанијата „Апсајд фудс“ (Upside Foods) наскоро ќе може да продава пилешко произведено од животински клетки и одгледувано во биореактори. Остануваат само два помали регулаторни чекори пред месото произведено на овој начин, без убивање животни, да биде достапно за јавноста. Производните капацитети на „Апсајд фудс“ мора да бидат подложени на дополнителна проверка од Министерството за земјоделство, а крајниот производ ќе мора да има етикета за потврдена извршена проверка пред месото да излезе на пазарот. Ова месо засега и натаму ќе биде наменето за тесен круг ексклузивни ресторани во САД. Ума Валети, извршен директор на „Апсајд фудс“ нагласи дека намерата е – јавноста прво да го проба нивното пилешко во одредени (специјализирани) ресторани, пред тоа да може да се купи и да се готви дома. Готвачката со „Мишелин ѕвезда“, Доминик Крен веќе најави дека ќе го послужува „култивирано месо“ во нејзиниот ресторан во Сан Франциско. Ова месо, инаку, се разликува од растителното, бидејќи содржи вистински животински клетки и – во теорија, не се разликува од вистинското месо. Клетките првично се изолирани од животното и се развиваат во клеточни линии коишто потоа се замрзнуваат. Мали примероци од овие клеточни линии потоа се пренесуваат во биореактори – обично големи челични комори, каде што клетките се „хранат“ во соодветен раствор што содржи хранливи материи кои поттикнуваат клеточна делба. Кога клетките се размножуваат и се диференцираат во соодветен вид ткиво, тие можат да се соберат и да се користат во култивирани месни производи. Но, месото одгледано на овој начин сè уште е исклучително скапо. Компаниите ги држат вкупните трошоци во тајност, но веројатно, ваквото месо сепак ќе биде неколкупати поскапо од конвенционалното месо. Затоа, првите култивирани месни производи би можеле да бидат мешавина од лабораториски животински клетки и растително месо. (МИА)

ЧИСТ ОТРОВ! Никогаш не јадете ги овие делови од пилешкото, содржат многу бактерии и паразити!

Магдалена Андонова — Thu, 03 Nov 2022 21:36:38 +0000

Пилешкото е најпопуларниот вид на месо во Македонија, покрај свинското. Една од причините е достапноста, благиот вкус без силен мирис, но и цената која е попристапна од, на пример, говедско, телешко или свинско месо. Бонусот е што ова месо е богато со различни хранливи материи, корисни за здравјето на организмот. Сепак, не сите делови од пилешкото се сметаат за добри за човечкото тело, според една неодамнешна кинеска студија. Благодарение на искуството на бројните готвачи кои своето готвачко искуство го пренесоа на експерти, како и знаењето на технолозите, откриено е кои делови од пилешкото не треба да се консумираат бидејќи се штетни за здравјето. Значи, кога јадете пилешко, подобро е да не ја консумирате кожата, која целосно се состои од маснотии и, покрај тоа, може да содржи и голем број бактерии. Исто така, се препорачува да не се јадат белите дробови, бидејќи дури и високотемпературната термичка обработка не е во состојба целосно да ги отстрани сите паразити од нив. Кинеските експерти советуваа и да не се користи главата (која кај нас ретко се користи), бидејќи во овој дел од пилешкото се акумулираат сите штетни материи што животното ги јаде во текот на својот живот. Нутритивна вредност на пилешко (100 g): Енергетска вредност 120 kcal Протеини 22,50 гр Јаглехидрати 0,00 гр Шеќери 0,00 гр Влакна 0,00 гр Масти 2,62 гр од кои заситени 0,563 г Високото количество на протеини што го содржи белото месо му помага на телото да изгради мускули, додека неговата екстремно ниска калорична содржина го прави совршена храна за диетални режими.

Подгответе го пилешкото на бабски начин: Овие вкусни рендани шницли од БЕЛО МЕСО сигурно нема да ги направите само еднаш (ВИДЕО)

Магдалена Андонова — Wed, 13 Jul 2022 14:34:55 +0000

Пилешкото никогаш не е лош избор, а можностите за негова подготовка се многубројни. Во денешниот рецепт, баба нуди посебен и интересен начин за совршен ручек со пилешко со прилози. Состојки: - половина од замрзнато пилешко месо - 1 главица кромид - 1 поголем компир - 1 кафена лажичка лук во гранули - Малку бибер - 1 лажичка мелен црвен пипер - 1 лажичка сув зачин - лист магдонос (по избор) - 1 јајце Подготовка: Замрзнатото месо изрендајте го на ренде. На истиот ренде изрендајте ги компирите, па исцедете ги. Изрендајте го и кромидот. Во смесата додадете јајце, лук, бибер, мелена пиперка, зачин и јаглика. Потоа изедначете сè. Во тавата сипете масло и со раце обликувајте ги шницлите, па наредете ги во тавата. Покријте ја тавата и пржете додека не порумени. Послужете додека е топло со пире од компири и супа.

Пикантна салата со пилешко месо

Ивона Петрова — Fri, 17 Jun 2022 11:55:09 +0000

Направете салата со пилешки стек и чили. Пикатна и вкусна Состојки: 250 г. пилешки стек 3 домати 1 пиперка 1/2 црвен кромид 1 лажица пире или сос од домати 1/2 лажичка чили во прав малку рендан кашкавал маслиново масло зелена салата Прелив: 2 лажици маслиново масло 1 лажица балсамико 1 лажичка сенф сол, бибер Подготовка: Месото исечете го на поситни парчиња. Посолете и малку пропржете заедно со ситно сецкан кромид. Доволно е околу пет минути. Додадете малку вода, 150 мл., во доматното пире и оставете на оган тивко да зоврие околу пет минути заедно со чилито. Доматите и пиперката исечете ги на помали парчиња и ставете ги во длабок сад. По избор може да додадете и зелена салата. Измешајте ги сите состојки за преливот и така подготвен прелијте со него преку салатата, додадете го ренданиот кашкавал и добро измешајте. Во сад за послужување прво ставете салата, додадете месо заедно со сосот од динстањето. На крајот додадете уште малку рендан кашкавал. Уживајте

Нови детали: Двајца уапсени за кокаинот откриен во контејнер со пилешко месо, еве која е фирмата

Ивона Петрова — Thu, 16 Jun 2022 10:44:13 +0000

Албанската полиција привела две лица во врска со запленетите 45,5 килограми кокаин во пристанишниот град Драч, чија дестинација била Северна Македонија. Станува збор за Арбен Феризи (30), жител на Приштина и администратор на компанијата „Апетит груп”, која била нарачател на пратката-контејнерот со пилешкото месо од Бразил, каде била отриена е дрогата. Второпритворениот е Егерт Варгу (39) жител на Тирана, царински агент договорен од компанијата „Апетит груп”. Бродот во кој бил контејнерот во Драч пристигнал на 12 јуни од грчкото пристаниште Пиреа, а отпловил од Драч на 13 јуни. По добиените информации по оперативен пат албанската полиција вчера доцна попладне почнала со детална контрола. Синоќа соопшти дека во контејнерот со пилешко месо, нарачка за трговски субјект во Северна Македонија откриени се 40 пакетчиња со кокаин, односно 45,5 килограми. Пакетчињата биле обвиткани со фотографии од анимираниот филм „Драгон бол”. Администраторот на компанијата негирал било каква поврзаност со дрогата, додавајќи дека „неговата компанија работи добро и нема потреба да се занимава со дрога”.