пилинг – Kurir.mk

Спремете ја кожата за топлите денови: Направете сами пилинг од кафе и шеќер за мазна кожа

Ристе Здравков — Thu, 23 Mar 2023 14:22:41 +0000

Пристигна пролетта, а со неа повеќе сонце и полесна гардероба. Со цел да ги отстраните мртвите клетки од кожата, да ја вратите мекоста, сјајот и да обезбедите хидратација, направете пилинг со кафе и шеќер кој е подеднакво ефикасен како пилингот купен во продавница. Состојки: 80 гр мелено кафе 80 гр кокосово масло 80 гр шеќер 1 лажичка екстракт од ванила Добро измешајте ги сите состојки. Со кружни движења масирајте го пилингот на влажна кожа, но бидете внимателни да не притискате многу за да не ја оштетите кожата. Се препорачува само за тело, а не за лице. Исплакнете темелно. Се препорачува да се користи еднаш или двапати неделно за најдобри резултати. Смесата чувајте ја во херметички затворен сад. Складирана на овој начин, може да се користи до два месеци.

Лесен есенски пилинг од тиква за одлични резултати

Магдалена Андонова — Thu, 27 Oct 2022 07:47:23 +0000

Есента носи многу вкусни плодови, а еден од нив е дефинитивно тиквата, која можете да ја користите на различни начини. Веројатно веќе сте имале можност да направите вкусни јадења од тиква, но овојпат не станува збор за јадење, туку за грижата за убавина на вашето тело. Погледнете како да направите лесен есенски пилинг за тело од тиква. Потребни состојки: 250 грама кафеав шеќер 200 грама мелено кафе 1-2 лажици зачин од тиква или пире од варена тиква (ако немате зачин од тиква, направете го со мешање на овие состојки по ваш вкус: морско оревче, ѓумбир, каранфилче и цимет) 450 милилитри масло по ваш избор – ленено масло, масло од семе од грозје или маслиново масло Начин на подготовка: Истурете го шеќерот во сад и измешајте со дрвена лажица за да го скршите на помали парчиња. Потоа додајте ги меленото кафе и зачинот од тиква. Измешајте рамномерно пред да додадете масло. Додајте го маслото и мешајте додека не се соедини смесата. Истурете го пилингот во стаклена тегла и можете да го користите веднаш или да го чувате во фрижидер за понатамошна употреба. Примена: Нанесете мала количина пилинг на чиста влажна кожа по телото и истријте добро. Оставете да дејствува околу 15 минути и потоа исплакнете темелно.

Експертите објаснија: Дали ПИЛИНГОТ на телото е навистина неопходен и кога е НАЈДОБРО да се прави?

Ристе Здравков — Wed, 19 Oct 2022 07:04:21 +0000

Пилингот ги отстранува мртвите клетки од кожата Тој е клучен за одржување на мазна кожа – но колку често треба да го правите за да ги видите резултатите? Премногу пилинг може да предизвика иритација, додека премалку може да доведе до враснати влакна и сува кожа. – Кожата природно ги отфрла мртвите клетки на секои 30 дена, така што новите клетки можат да ги формираат горните слоеви на вашата кожа – објаснува Кетрин Денинг, естетски доктор. Овој процес, сепак, се забавува со возраста. Освен што ги отстранува мртвите клетки од кожата, загадувачите и секоја нечистотија што се наоѓа на површината на кожата, пилингот исто така може да создаде идеална основа за сите состојки кои се нанесуваат потоа. Колку често треба да правите пилинг на вашето тело? За да се избегнат последиците на кожата, експертите се согласуваат дека е доволно еднаш или двапати неделно. – Со одржување на режим на пилинг двапати неделно, можете да ја одржувате вашата кожа чиста без да ја соголувате од есенцијалните природни масла – вели Денинг. И додека многумина сметаат дека негата на кожата на лицето е приоритет, одржувањето на редовниот пилинг на телото може да направи огромна разлика. – Често ја занемаруваме кожата на телото во споредба со лицето, но, секако, кожата е најголемиот орган на телото и треба да внимаваме на нејзиното здравје – истакнува Софи Шотер, естетски доктор. – Пилингот на телото ќе помогне кожата да биде мазна и униформа, како на допир, така и на изглед – додава. Што ќе се случи ако не правите пилинг на вашето тело? – Неуспехот да се отстранат мртвите клетки од кожата може да доведе до темни и суви лушпести дамки на кожата. Исто така, може да ги затне порите – вели Мерјам Замани, естетски доктор. Некои од нас се склони кон затнати пори, што може да доведе до пукнатини ако не се прави редовен пилинг. Дали треба да правите пилинг пред или после бричење на нозете? Покрај тоа колку често треба да правите пилинг, многу вообичаени прашања за пилинг на телото се поврзани со бричењето. Најдобрата практика е да направите пилинг пред бричењето, а не после. – Ова ќе помогне да се ослободат сите влакна кои се заробени под мртвите клетки на кожата, така што резултатите од бричењето ќе бидат што е можно подобри – вели Денинг.

Не го фрлајте талогот од утринското кафе: Домашниот пилинг го отстранува целулитот, а кожата ја прави сјајна и мека

Магдалена Андонова — Sat, 21 Aug 2021 10:16:12 +0000

За повеќето луѓе, еден од омилените начини да го започнете денот е да пиете кафе. Меѓутоа, кога многу луѓе го пијат, го мијат талогот, не знаејќи за поволните ефекти што ги има кафето. На кожата на телото и лицето и е потребна постојана грижа за да остане мека и еластична, а еден од основните чекори е пилинг. Најдобар и најевтин начин да го отстраните слојот од мртви клетки од кожата на лицето и телото е сами да направите пилинг од домашно кафе, што е особено ефикасно за сува кожа. Како да направите смеса за пилинг од кафе? Со цел маската за лице да работи подобро, се препорачува претходно да направите пилинг на лицето и на тој начин да ги отстраните сите мртви клетки. Ќе ви требаат само три состојки што ги имате во кујната и 10 минути време за да го направите овој третман. Состојки: 1 лажица талог 1 лажица маслиново масло 1 лажица кафеав шеќер Комбинирајте ги сите состојки во сад, а потоа нежно нанесете ја смесата на кожата со кружни движења и масирајте. Исплакнете го лицето со млака вода и вишокот вода натапкајте го со мека крпа. Кога лицето ќе биде целосно суво, нанесете хидратантна крема. Пилинг за тело Кафето во пилинг за тело има неколку корисни ефекти, а едно од омилените на жените е борбата против „кора од портокал“, односно целулитот. Состојки: 3 лажици кафе 2 лажици кокосово масло 2 лажици кафеав шеќер Измешајте ги сите состојки и направете густа смеса. Нанесете го пилингот со кружни движења на вратот и остатокот од телото и масирајте, а потоа оставете 10 минути, така што кожата ќе ги апсорбира сите хранливи материи. Исплакнете го телото со млака вода, а потоа истуширајте се како и обично. Ако не ја искористите целата смеса, можете да ја чувате во сад што е херметички затворен и да го користите за три дена.

ПРИРОДЕН Пилинг: Потребни ви се само две состојки

Магдалена Андонова — Sun, 09 May 2021 20:50:03 +0000

Зима, загаден воздух, неправилна исхрана, недостаток на сон се најчестите причини за нездрава кожа. Сепак, здравјето и грижата треба да бидат наши приоритети. Затоа ви предлагаме природна маска од две состојки што ќе ја направат вашата кожа сјајна и сјајна. За оваа маска за пилинг, потребна ви е сода бикарбона и сок од портокал. Измешајте една лажица свежо исцеден сок од портокал со лажица сода бикарбона и држете ја на чиста кожа околу 10 минути. Сода го лупи горниот слој на кожата и се бори против акните, а сокот од портокал ги затегнува порите и му дава сјај на лицето. За дами со преосетлива кожа им предлагаме да го пробаат на мала површина и да видат како ќе реагира кожата.

Јогуртот е подобар за кожата од многу скапи креми: Рецепти за третмани и домашна нега

Магдалена Андонова — Wed, 13 Jan 2021 11:38:23 +0000

Не е секогаш правило дека само скапата козметика гарантира кадифена и сјајна кожа на лицето. Честопати, намирниците од кујната можат лесно и многу ефикасно да се користат во негата на убавината, а меѓу нив е и јогуртот. Јогуртот не само што е вкусен и здрав, особено за подобрување на дигестивниот систем, туку може да ја смири сувата и иритирана кожа со своите хранливи материи. Јогурт како маска за лице Можете да го користите и за лице и за тело. Во секој случај, јогуртот го чисти тенот и ја смирува иритираната или оштетена кожа. Едноставно нанесете јогурт, обилно на кожата и оставете го да се исуши. Ова ќе го регулира производството на себум и ќе го апсорбира вишокот, а исто така ќе спречите зголемени пори и црни точки. Може да направите и маска против оштетена кожа во комбинација со мед. За лицето, едноставно измешајте три лажици јогурт и лажичка мед, нанесете и оставете да делува 10 минути. Ако сакате маска против сува кожа, можете да измешате лажица јогурт и лажица зрело авокадо и да го држите на лицето 10 минути. Пилинг со јогурт Ако барате лесна алтернатива за груб пилинг со абразивни честички, можете повторно да користите јогурт. Млечна киселина од јогурт нежно ги отстранува мртвите клетки на кожата. Покрај тоа, тој апсорбира вишок на себум. За пилинг од јогурт навистина не ви треба многу. Само нанесете малку јогурт, оставете го да се исуши целосно и потоа нежно отстранете го со влажна крпа. Доколку сакате малку посилен пилинг, можете да измешате три лажици јогурт, лажичка мед, две лажици бадемови трици и нежно масирајте ја кожата. Потоа само исплакнете, а кожата ќе остане чиста, мека и негувана. Извор: Слободен печат

Направете сами: Рецепт за пилинг кој го уништува целулитот!

Магдалена Андонова — Wed, 30 Dec 2020 10:34:18 +0000

Пилингот е одличен препарат пред нанесување антицелулитни креми, а во комбинација со масажа, дава одлични резултати во борбата против целулитот. Можете да го купите, или можете да го направите сами. Ние ви донесуваме едноставен и ефикасен рецепт. За овој многу едноставен рецепт, ќе ви треба грубо мелен кафеав шеќер и малку маслиново масло. Со својата груба структура, шеќерот ги отстранува мртвите клетки од кожата и ја стимулира циркулацијата на крвта, а маслиновото масло осигурува дека пилингот полесно се шири на кожата и ја храни. Измешајте ги овие две состојки во сооднос 1: 1 во сад. При туширање, тријте го антицелулитниот пилинг со кружни движења на кожата. Потоа исплакнете го. За уште подобар ефект, туширајте ги нозете, колковите и задникот наизменично со топла и ладна вода. Извор: ПОПАРА

„Рацете ми станаа неверојатни меки по само првата употреба на овој домашен рецепт“

Магдалена Андонова — Tue, 15 Dec 2020 14:27:14 +0000

Честопати поради секојдневните навики и изложеноста на разните надоврешни фактори на влијание, нашата кожа, особено кожата на рацете и дланките станува почувствителна, а со тоа и посува и груба. Но, без грижи, токму денес ви го откриваме најдоброто домашно решение. Домашен пилинг со кафе За да го приготвите ова домашно лекарство, неопходно е да измешате половина кафена лажица сол и исто толку количество на талог од кафе. Добиената смеса внимателно нансете ја на вашите раце и масирајте нежно околу 10 минути, а потоа измијте ја кожата со млака вода. Бонус: Домашен пилинг со сода бикарбона За да ја приготвите втората верзија на пилингот, измешајте 1 кафена шолја сода бикарбона со 1 лажица гел за туширање или течен сапун за раце. Добиениот пилинг нанесете го на вашите раце и нежно масирајте неколку минути, а потоа исплакнете со млака вода. Извор: НАНЕ

Лесен есенски пилинг за тело од тиква

Магдалена Андонова — Tue, 13 Oct 2020 18:09:00 +0000

Есента носи многу вкусни плодови, а еден од нив е дефинитивно тиквата, која можете да ја користите на различни начини. Веројатно веќе сте имале можност да направите вкусни јадења од тиква, но овојпат не станува збор за јадење, туку за грижата за убавина на вашето тело. Погледнете како да направите лесен есенски пилинг за тело од тиква. Потребни состојки: 250 грама кафеав шеќер 200 грама мелено кафе 1-2 лажици зачин од тиква или пире од варена тиква (ако немате зачин од тиква, направете го со мешање на овие состојки по ваш вкус: морско оревче, ѓумбир, каранфилче и цимет) 450 милилитри масло по ваш избор – ленено масло, масло од семе од грозје или маслиново масло Начин на подготовка: Истурете го шеќерот во сад и измешајте со дрвена лажица за да го скршите на помали парчиња. Потоа додајте ги меленото кафе и зачинот од тиква. Измешајте рамномерно пред да додадете масло. Додајте го маслото и мешајте додека не се соедини смесата. Истурете го пилингот во стаклена тегла и можете да го користите веднаш или да го чувате во фрижидер за понатамошна употреба. Примена: Нанесете мала количина пилинг на чиста влажна кожа по телото и истријте добро. Оставете да дејствува околу 15 минути и потоа исплакнете темелно. Извор: кафепауза

Направете пилинг за да и помогнете на кожата да дише на жешкото време

Предраг Кукиќ — Wed, 17 Jul 2019 10:07:25 +0000

Кога е жешко и на кожата и треба да дише, бидејќи се поти и потребмо и е освежување. За да се исчити и освежи кожата на лицето, ви го претставуваме овој природен пилинг. Потребни состојки: Четвртина шоља кокосово масло шоља шеќер 2 лимента 3 лажици сок од лимента Изрендајте кора од лимента и оставете ја на страна. Шеќерот сокот од лимента и кокосовото масло измешајте ги додека да се соедини. На крај додадете кората и промешајте. Пилингот е готов. Користете го до три недели, а за да биде во цврста состојба чувајте го во фрижидер.