пилот – Kurir.mk

СЕ МАЖИ ТАЊА САВИЌ: Вљубениот пар закажа свадба, свршеничкиот прстен сјае како Лас Вегас – но имаат еден голем проблем со нејзиниот поранешен сопруг!

Дарко Андоновски — Sat, 23 Sep 2023 09:44:45 +0000

Тања Савиќ веќе некое време ужива во љубовта со 11 години помладиот пилот Мухамед Бешиќ. Двајцата се верија, а сега, судејќи по видеото кое се појави на социјалните мрежи, закажаа и свадба. -Тања, многу ти е убав тој прстен – и’ рекла пријателката додека ја снимала. – Дали сјае – праша пејачката. – О, сјае како Лас Вегас. Од кого го добивте, ох, тука е овој господин. Па, ајде да наздравиме бидејќи ја закажавме свадбата. Сè уште нема да го откриеме датумот! На здравје – одговори тој.

Инаку, Мухамед е родум од Бјелина, а живеел во Германија и Белгија, а сега живее и работи во Америка. Иако нивната врска беше откриена на почетокот на годината, пејачката дури неодамна го потврди тоа. Таа се огласи на мрежите и изјави колку е среќна.

– Дали некогаш сте застанале и сте помислиле: „Леле, се молев за ова, а сега е тука и ми се случува“ – изјави Тања на Инстаграм, која се уште официјално не сe развела од сопругот Душан Јованчевиќ. Mухамед ја запроси Савиќ на романтична вечера во Египет, а парот планира да се венча по разводот на Тања со Душан Јованчевиќ и заедно да се преселат во Америка, објавија локалните медиуми.

Немојте да носите апостолки: 5 совети од пилот за побезбеден лет со авион

Ристе Здравков — Mon, 27 Mar 2023 11:11:25 +0000

Пилот со десетгодишно искуство во возење комерцијални патнички авиони за Dailymail ги открил советите што треба да ги следат патниците за да уживаат во безбеден и удобен лет, особено во случај на турбуленции. Не носете апостолки Повеќето луѓе ќе изберат удобна облека кога ќе знаат дека ќе летаат. Но, наместо апостолки, папучи и слични парчиња обувки кои брзо се ставаат и соблекуваат, дајте предност на постабилни обувки. „Сакате да носите удобни чевли каде што можете брзо да се движите во итен случај“, советува пилотот. Подот на авионот не е најчист, па затоа најдобро е да носите затворени обувки, на пример, висококвалитетни патики. Секогаш врзувајте се за време на турбуленции Секогаш врзувајте се за време на турбуленции. Идеално, треба да се врзете пред да започне турбуленцијата, односно кога ќе добиете инструкции од пилотот и/или екипажот во кабината. Но, ако не сте врзани со ремен и почнете да чувствувате тресење – врзете го безбедносниот појас. На овој начин можете да спречите сериозни физички повреди – како што се повреди на главата и слично. „Исто така, отстранете ги сите предмети од масичката во предниот џеб или дури и на подот. Секој лабав предмет за време на силни турбуленции може да се претвори во проектил што ќе предизвика повреда“, предупредува пилотот. Избегнувајте ја кујната Избегнувајте го просторот каде што кабинскиот екипаж загрева храна, подготвува кафе и чаеви. Овој простор е полн со отварачи за конзерви, ножеви и други вообичаени кујнски алатки кои во случај на турбуленции се претвораат во оружје што може да ви наштети. Нема да ви биде забавно ако случајно во скутот ви се истури содржината на термос со топла течност. Пијте вода со секој алкохолен пијалок За некои, пиењето алкохолни пијалоци во воздух е забавна навика, а за плашливите летачи е неопходен потег што го олеснува поднесувањето на авионскиот лет. Доколку консумирате алкохолни пијалоци во воздухот, секогаш пијте вода со нив. Пожелно е да се пие една чаша вода со секој пијалок. Промената на надморската височина влијае на намалување на нивото на кислород во крвта, поради што можеме побрзо и полесно да се опиваме и дехидрираме. Одете во тоалет на земја Ако имате можност, секогаш завршете со тоалет пред да се качите во авионот. Не само што тоалетите во авион се места каде што луѓето практикуваат сомнителни хигиенски навики, туку тие се и дизајнирани да нудат мала заштита доколку се најдете во нив за време на турбуленции.

Потврдена смртта и на пилотот на грчкиот воен авион

Ивона Петрова — Wed, 01 Feb 2023 13:24:05 +0000

Загинат е и пилотот на авионот Ф-4 фантом на грчката воено воздухопловство, што во понеделникот се урна во Јонското Mоре, според соопштението на Генералштаб на военото воздухопловство, што го пренесуваат грчките медиуми. Според истите информации, операцијата за спасување и потрага по 31-годишниот пилот завршила, а од пронајдените остатоци и анализата била потврдена смртта. Авионот се урна во морето во понеделникот наутро за време на едукативен лет, откако полета од градот Андравида во северозападниот дел на Пелопонез, а неколку часа по падот беше потврдена смртта на копилотот, а потрагата по пилотот траеше над 48 часа.

Продолжува потрагата по пилотот на грчкиот воен авион

Ивона Петрова — Tue, 31 Jan 2023 09:24:40 +0000

Потрагата по пилотот на авионот Ф-4 фантом на грчката воена морнарица што вчера се урна во Јонското море, траеше во текот на ноќта, а продолжува и денеска, објави грчката државна телевизија „ЕРТ“. Несреќата се случи вчера наутро, од засега непознати причини, а животот го загуби 29-годишниот копилот, чие тело беше пронајдено вчера. Во потрагата по 31-годишниот пилот, според „ЕРТ“, во текот на ноќта учествувале еден авион Ц-130, хеликоптери Супер пума и С-70, како и пловни средства на грчката крајбрежна служба. Авионот полетал во 10.15 часот од градот Андравида во северозападниот дел на Пелопонез, а се урнал 15 минути подоцна, 25 наутички милји јужно од аеродромот за време на едукативен лет.

Пронајден и вториот пилот на МиГ-от што се урна во Хрватска

Ивана Ефремовски — Tue, 06 Dec 2022 16:34:36 +0000

Авион МиГ-21 на Хрватската армија денеска се урна во близина на Дарувар, јавија хрватските медиуми. Авионот се урна кај Слатина во ненаселена шумска област во Вировитско-подравинската жупанија за време на обука. Хрватските медиуми јавија дека е пронајден и вториот пилот по кој се трагаше. Првиот беше пронајден веднаш. Според хрватското Министерство за одбрана, авионот се урнал кусо пред 14 часот во областа Слатина. Пилотите се катапултирале пред да се урне авионот. (МИА)

ВИДЕО: Драма во Мисисипи, украл авион и заканува дека ќе го урне во Волмарт

Ивона Петрова — Sat, 03 Sep 2022 13:56:58 +0000

Американските медиуми јавуваат дека 29 годишник украл авион и со него кружи над Волмарт во Мисисипи. Мажот се заканувал дека ќе го урне авионот во маркетот Волмарт, а кружи над него околу еден час. Медиуми јавуваат дека тој авионот го украл од локалниот аеродром во градот Тупел. Посетителите на маркетот и персоналот се евакуирани, полицијата ја расчистува областа.

BREAKING: Pilot threatening to crash plane into Walmart in Tupelo, Mississippi, police say pic.twitter.com/znMlDj5M2N
— BNO News (@BNONews) September 3, 2022

Малолетник напредува во потфатот да стане најмладиот пилот кој го обиколил светот

Ивана Ефремовски — Thu, 19 May 2022 08:17:15 +0000

Британскиот ученик Мек Радерфорд вчера слета во Најроби, Кенија, како дел од африканската етапа во неговиот потфат да стане најмладиот човек кој сам го прелетал светот. -Се надевам дека ова патување ќе ги инспирира младите луѓе да ги следат своите соништа, рече Радерфорд по симнувањето од неговиот ултралесен авион на аеродромот „Вилсон“ во кенискиот главен град. Патувањето на Мек, кој има 16 години, почна од аеродромот близу бугарската престолнина Софија во март и тој се надева дека ќе го исфрли од Гинисовата книга на рекорди актуелниот рекордер, неговиот сонародник Тревис Ладлоу. Производителот на авиони „Шарк аеро“ го нарече патувањето премногу опасно и одби да го подржи проектот на Радерфорд. „Мек без сомнение е вешт пилот. Сепак, не сакаме да ја спуштиме старосната граница на најниска можна точка за летање каде што е невозможно да се исклучи одреден ризик“, соопшти компанијата. Радерфорд на пат ќе посети уште четири земји од Африка и Индискиот Океан, потоа ќе се упати кон Блискиот Исток, Азија и Северна Америка и на крајот ќе се врати во Европа. Мек Радерфорд е од семејство пилоти и првпат „ја презел командата“ како седумгодишно дете, седејќи до својот татко. На 15 години беше најмладиот пилот на светот, а сега ги следи стапките на својата постара сестра Зара, најмладата авијатичарка што го прелетала светот на 19 години. (МИА)

Пилотот му соопшти дека ќе стане татко, а неговата бремена сопруга го сними моментот – никој не очекуваше ваква реакција (ВИДЕО)

Дарко Андоновски — Tue, 30 Nov 2021 09:34:31 +0000

По одмор во Лас Вегас, млад брачен пар се враќаат од патувањето. Меѓутоа, изгледа дека не е вистинска онаа поговорка „Што се случува во Вегас, останува во Вегас“. Сопругата одлучила веста за бременоста да ја соопшти пилотот на авионот. Изнесувањето на интимни работи пред луѓе не е секогаш пријатно. Тоа го доловува и ликот на сопругот кога ќе ја слушне веста. Бремената жена сигурни сме дека очекувала друга реакција од онаа што ја имаше нејзиниот сопруг. Погледнете го видеото во продолжение:

Се сруши борбен авион во Турција: Пилотот загина (ВИДЕО)

Магдалена Андонова — Wed, 07 Apr 2021 12:46:13 +0000

Пилотот на турскиот борбен авион Нортроп НФ-5 загина кога авионот се урна денес во централниот дел на Турција, потврди тамошното Министерство за одбрана. Авионот се сруши во провинцијата Коња околу 14 часот и 45 минути по локално време, а причината за падот на авионот се уште не е позната. Спасувачките екипи се на терен, а властите веќе започнаа истрага за да се откријат причините за падот. Турскиот претседател Реџеп Таип Ердоган изрази сочувство до семејството на загинатиот пилот.

#SonDakika Konya'da askeri eğitim uçağı düştü... Olay yerine sağlık ve itfaiye ekipleri sevk edildi pic.twitter.com/2zEUtAyuEd
— Habertürk TV (@HaberturkTV) April 7, 2021

Според локалните медиуми, авионот што се срушил бил дел од аеробатскиот тим на турското воено воздухопловство, а несреќата се случила за време на тренинг летот.

ФОТО: Пилот во Германија спроведе необична кампања за вакцинација

Ивона Петрова — Sun, 27 Dec 2020 14:30:49 +0000

Германскиот пилот Сами Крамер со својот авион прелета 200 километри при што на небото трасира инјекција за да ги потсети своите сограѓани на почетокот на вакцинацијата против коронавирусот. Кога на мапата ќе се погледне маршрутата на авионот на Крамер, јасно е дека станува збор за шприц за инјектирање, што може да се провери и на веб-страницата flightradar24. – Сè уште има релативно многу луѓе кои се противат на вакцинацијата. Мојата акција е смислена да ги потсетам да размислат за тоа и да ги придвижат работите од ќор-сокакот, рече Крамер (20), истакнувајќи дека неговата цел не била директно да ги повика Германците да се вакцинираат. Планот на германските власти е да доставуваат повеќе од 1,3 милиони дози вакцини до федералните држави до крајот на годината, и по 700 илјади секоја недела за следната година.