Пинета Секондо Пино – Kurir.mk

ДРАМАТИЧНО СВЕДОШТВО НА МАЈКАТА НА ПИНО- Ангела уште истата вечер била сомнителна

Катерина Бојаџиева — Wed, 27 Nov 2019 14:53:38 +0000

Обвинетата Ангела Ѓорѓиевска не се чувствува виновна за убиството на Пино Секондо. „Разбрав за што сум обвинета. Не се чувствувам виновна за кривичното дело, бидејќи ништо од наведеното во обвинението не сум сторила, рече Ѓорѓиевска денеска во судницата. Според нејзиниот адвокат, Еленко Миланов, таа е обвинета без ниту еден доказ. Тој смета дека ќе биде докажано оти Ангела немала ништо со убиството на Пино. Младото момче Пино Секондо беше убиен на 11 декември минатата година. Ѓорѓиевска е обвинета дека во убиството му била соучесник на првообвинетиот Фуркан Али, кој е во бегство, а по него беше распишана меѓународна потерница. Според тврдењето на Обвинителството, Ѓорѓиевска го повикала Пино, присуствувала на моментот на убиството, а потоа учествувала и во сокривање на телото. Или подетално, Обвинението гласи дека Ангела Ѓорѓиевска го повикала оштетениот, сега починатиот Пинета Секондо Пино, и договорила да се сретнат на насипот во населбата Ѓорче Петров. Таму веќе бил пристигнат и другиот осомничен, Фуркан Али, со возило Опел Аскона, носејќи со себе пушка. Тој го оставил неговото возило на насипот и седнал да управува со автомобилот Шкода, со кое дотаму дошол Пино. На совозачкото место седнала обвинетата Ѓоржиевска, додека Пино седнал на задното седиште. Понатаму, во обвинението се вели дека тројцата се упатиле по обиколница кон атарот на селото Арачиново, и во една нива започнале вербална расправија, а потоа и тепачка. Во еден момент осомничениот со пушката го застрелал во главата оштетениот Пинета Секондо. А во судницата мајката на убиениот Пино, Маја Трпковска, долго раскажуваше за животот на нејзиниот сега убиен син, за тоа како дознала дека исчезнал и за целото натамошно патешествие. Интересно беше што додека таа сведочеше, обвинетата Ѓорѓиевска за цело време гледаше во неа. На ова мајката Трпковска оцени дека обвинетата ја гледа крвчнички, по што судот тоа го оквалификува како „дрско“. Ѓорѓиевска, пак, на ова праша, дали не смее да гледа. Инаку, мајката на Пино во судот дојде како прв сведок на обвинителството. Таа раскажа дека на тој критичен ден, во декември лани, Пино не се вратил дома, а мајката не била во Македонија. Таа во земјава стигнала следниот ден, со нејзиниот помлад син. Нејзиниот сопруг бил дома, наместо да биде на работа, и тогаш и кажал дека Пино не се вратил дома претходната вечер, откако претходно излегол со некоја девојка. Таткото кога сфатил дека нешто не е во ред почнал да му ѕвони на Пино и на двата мобилни телефони што ги имал. А по одреден тајминг, и двата снемале сигнал, и тоа во исто време. Потоа родителите почнале да се јавуваат кај неговите другари. Тие, пак, им рекле дека претходниот ден Пино бил излезен со Ангела. Мајката, по неколку часа, отишла во полициската станица во Петровец за да пријави дека Пино не се вратил. А додека биле, пак, во станицата, телефонски контактирале со Ангела, која признала дека биле претходната вечер заедно со Пино, но била децидна дека тој само дошол кај неа пред зграда во Ѓорче, таму се задржал петнаесетина минути, по што си отишол. На мајката уште тогаш и била сомнителна Ангела и не поверувала во нејзините тврдења. Потоа цели пет месеци го бараше со истражните органи, се додека во април, на ридот на селото Љуботен, беа пронајдени коски, а за нив потоа се потврди дека се на Пино. „Дента кога разбрав дека коските се на Пино, пред мојата куќа имаше преполно полиција, но кога ја видов колата од италијанската амбасада, се ми беше јасно“, низ плач зборуваше мајката на Пино. Пино и татко му, пред да исчезне, работеле на изградба на патот Крива Паланка – Бугарија. Според мајката, Пино имал девојки во земјава, кои, според неа, биле вистински и ги носел и дома да се запознаат со семејството, и со сите нив и потоа останува другар. „А си имаше работа и со ороспиички, девојки кои излегуваа со него заради пари, да се покажат низ Скопје со големи коли“, рече Трпковска, објаснувајќи дека Ангела со Пино била за пари. Пино, кој е роден во 1992 година, многу и недостасува на мајката. Таа вели дека Пино бил многу мирно дете, и не бил воопшто проблематичен. Инаку, адвокатот на обвинетата, Еленко Миланов, побара како доказ да се прифатат резултатите од двете полиграфски тестирања во текот на истрагата, низ кои минала Ангела Ѓорѓиевска, но тоа барање не беше прифатено. Извор: Фактор

Почнува судењето за убиството на Пино

Ивона Петрова — Fri, 15 Nov 2019 07:52:58 +0000

Во Кривичниот суд денес започнува судењето за убиството на Пинета Секондо - Пино. Дваесет и двегодишната скопјанка Ангела Ѓорѓиевска е обвинета како соучесник во убиството на тогаш 26-годишниот Секондо, настан кој се случи на 11 декември лани. Таа денес ќе седне на обвинителна клупа и ќе се соочи со обвинителката Лидија Раичевиќ. Безмалку една година по убиството, на 5 овој месец, најблиските и пријателите за последен пат се простија од Пино Секондо на Реквиемска Миса во неговата татковина Италија. Пинета (Пино) Секондо беше исчезнат од 11.12.2018 година, а исчезнувачењето во полиција беше пријавено од мајка му Маја. После повеќе од пет месеци истрага, на 29 април годинава, од страна на непознат граѓанин во полиција беше пријавено дека на место викано Башинец во атарот на скопското село Љуботен е пронајден човечки скелет покриен со камења. На 31 мај годинава, пак, МВР до Основното јавно обвинителство во Скопје поднесе кривична пријава против Ф.А. (27) и А.Ѓ. (22), двајцата од Скопје, за сторено кривично дело „убиство“. За време на истрагата првообвинетиот Али Фуркан избега од Скопје. МВР по него распиша меѓународна потерница.

Утре судење за убиството на Пино: Се огласи неговата мајка- верува дека ќе има правда

Катерина Бојаџиева — Thu, 14 Nov 2019 11:37:34 +0000

Утре во Кривичниот суд почнува судењето за убиството на младиот Пино. -Ако има правда во Македонија, вистинска правда, верувам дека обвинетата Ангела Ѓорѓиевска ќе биде казнета. Верувам дека нејзината казна нема да биде пример само за во Македонија, туку за цел Балкан, вели за „Слободен печат“ Маја Трпковска, мајка на свирепо убиениот Пино Секондо. Дваесет и двегодишната скопјанка Ѓорѓиевска е обвинета како соучесник во убиството на тогаш 26-годишниот Секондо, настан кој се случи на 11 декември лани. Таа утре ќе седне на обвинителна клупа, а во судница во Кривичниот суд ќе се соочи со обвинителката во овој предметот Лидија Раичевиќ. Безмалку една година по убиството, на 5 овој месец, најблиските и пријателите за последен пат се простија од Пино Секондо на Реквиемска Миса во неговата татковина Италија. Пинета (Пино) Секондо беше исчезнат од 11.12.2018 година, а исчезнувачењето во полиција беше пријавено од мајка му Маја. После повеќе од пет месеци истрага, на 29 април годинава, од страна на непознат граѓанин во полиција беше пријавено дека на место викано Башинец во атарот на скопското село Љуботен е пронајден човечки скелет покриен со камења. На 31 мај годинава, пак, МВР до Основното јавно обвинителство во Скопје поднесе кривична пријава против Ф.А. (27) и А.Ѓ. (22), двајцата од Скопје, за сторено кривично дело „убиство“. За брзо време, ОЈО, врз база на доказите од МВР и собраните искази, поднесе обвинение во кое се вели: „На 11.12.2018 година, обвинетата го повикала оштетениот, сега починатиот Пинета Секондо – Пино, и договорила да се сретнат на насипот во населбата Ѓорче Петров. Таму веќе бил пристигнат и другиот осомничен со возило „опел аскона“, носејќи со себе пушка. Тој го оставил возило на насипот на Вардар и седнал да управува со автомобилот „шкода“ со кое до насипот дошол оштетениот Секондо. На совозачкото место седнала обвинетата, додека оштетениот седнал на задното седиште. Тројцата се упатиле по обиколница кон атарот на селото Арачиново и во една нива започнале најпрвин вербална расправија, а потоа и тепачка. Во еден момент осомничениот со пушката го застрелал во главата оштетениот Пинета Секондо. Обвинетата дала особен придонес кон извршување на делото, така што овозможила да се сретнат, иако знаела за нивната меѓусебна нетрпеливост. Таа го повикала оштетениот, била присутна во моментот на неговото лишување од живот, а потоа заедно со другиот осомничен го ставиле телото на починатиот во багажникот на возилото. Заедно тие се упатиле кон гробиштата во селото Сингелиќ, а потоа се движеле низ планината кон Љуботен. На едно место здогледале дупка, па обвинетата и нејзиниот соизвршител го оставиле телото во дупката, покривајќи го со ќебе“. Додека траеше истрагата, првообвинетиот Али Фуркан избега од родното Скопје. МВР по него распиша меѓународна потерница. Додека трае потрагата по него, медиумите нагодуваа дека тој се крие во земјава или избегал во Косово. И додека Фуркан е во бегство, а по него трага и Интерпол, утре Ѓорѓиевска ќе седне на обвинителна клупа. Таа во судница во Кривичниот суд ќе се соочи со обвинителката во овој предметот Лидија Раичевиќ. До денес, како што е веќе познато, полицијата и покрај толку обемната истрага не успеа да ја најде пушката со која беше убиен Секондо, ниту пак неговиот бел автомобил „шкода“ кој последен пат го возел дента кога бил убиен. Извор: Слободен печат

Мајката на Пино со шокантни детали: Во каква врска бил тој со Ангела и која е причината за монструозното убиство?

Ивана Ефремовски — Mon, 24 Jun 2019 09:48:02 +0000

Во ексклузивен разговор за Магазин, мајката од убиеното момче Пино, откри до сега необјавени детали за животот на Пино, неговото детство, моментите кога биле среќни со семејството како и детали за убиството и обвинетата, Ангела Ѓорѓиевска. Трпковска одговори и на прашањето дали нејзиниот син бил во врска со Ангела. „Тој не беше со неа, меѓутоа Пино ја знае преку негов другар кој и беше дечко на Ангела. Ангела беше девојка на другар од Пино. Мојот син уште кога беше во врска со едно девојче што го имаше порано, Ангела почнала да му се удвара. Сега зборуваме за пред 4 или 5 години не е ова од сега, не дефинитивно Ангела не ми беше девојка. Пино од месец октомври почна да си излегува со друго девојче многу фино, таа учи медицинска сестра, на факултет тука во Скопје, цимерка на другар од Пино. Така ја запозна. И уште тогаш мојот син почна да ја избегнува Ангела, но таа се надевала дека ќе биде богата снаа „Италијанка„. Ангела доаѓала кај нас овде во куќава, одела по собите горе од радозналост, раскажува со вознемирен глас мајката од Пино. Последната девојката на Пино , ми рече “Тетка Мајо кога ќе дојдевме кај вас овде во куќава дали на кафе или скара, Ангела се шеташе по собите и се сликаше со автомобилите”, уште тогаш таа имаше намера да влезе во нашата фамилија. Но Пино не беше заинтерсиран за неа. Вечерта пред да дојдат Пино и девојката кај нас на гости во Италија, , истата вечер пред да тргнат за Италија, се собрале сите дома да пијат кафе. Тогаш Ангела била со нејзиниот дечко и Пино со неговата девојка. Во тој момент кога пиеле кафе, Ангела во присуство на нејзиниот дечко и рекла на девојката од Пино, колку тоа таа би сакала да биде еден ден, на нејзиното место“- вели мајката Маја во интервјуто за Магазин. Што мислите зошто го има смислено ова монстроузно убиство? „Од љубомора, ова го има направено за да му се одмазди. Таа му пишуваше нон стоп. Пред да биде Пино убиен на 21 октомври јас ги читав пораките. Ангела му рекла дека ќе има собир со коли, бидејќи Пино сакаше многу коли и го прашала дали ќе одат заедно. Тогаш Пино и одговорил на Ангела дека нема пари, но тоа тој го рече бидејќи му беше срам со неа да излегува. Пино беше на собирот, ја имам благодарницата, ја најдов во кола и по се изгледа таа тогаш дознала за тоа дека Пино бил исто така на собирот и се налутила дополнително“-одговара таа. Целото интервју со многу детали раскажани од мајката на убиениот Пино, прочитајте го на МАГАЗИН.

Мајката на Пино објави разговор од осомничената Ангела и нејзиниот син Пино

Предраг Кукиќ — Tue, 18 Jun 2019 10:54:30 +0000

На социјалните мрежи не запираат постовите на Маја Трпковска, мајката на Пино која неуморна бара правда за убиениот син. Таа на Фејсбук објави комуникација која тврди дека е меѓу осомничената девојка Ангела која во моментов се наоѓа во притвор . Во пораката која мајката тврди дека е помеѓу нејзиниот убиен син и осомничената Ангела која прва ја почнува комуникацијата Пино ја прашува од каде се знаат и зошто ја интересира девојката каде живее Пино.

Полицијата ги сопрела Али и Ангела неколку часа по убиството на Пино: Познато е што правеле таа вечер

Ивана Ефремовски — Sun, 09 Jun 2019 18:27:23 +0000

Патрола на сообраќајната полиција ги сопрела Ангела Ѓорѓиевска и Али Фуркан неколку часа откако го убиле Пинета Секондо, додека со автомобилот „опел аскона“ на Фуркан се возеле од Ѓоре Петров кон Скопје, дознава „Код“. Полицајците не ни претпоставиле што се случило претходно, па по легитимирањето ги пуштиле. Како што дознава „Код“ од извори на истрагата, на убијците им помогнал пријател на Фуркан, кој им донел облека за да се пресоблечат, но наводно не знаел дека двајцата извршиле убиство. Тие наводно со автомобилот на Пино, „шкода фабија“ заминале кон Сингелиќ каде го убиле момчето, а потоа се вратиле во Ѓорче Петров, каде наводно Али ја оставил својата кола „Опел аскона“. Тие со пријателот се сретнале во Топанско Поле, каде се пресоблеке и заминале во Ѓорче, па кога возеле кон Центар ги сопрела полиција. Двајцата наводно биле и во кафуле пред да се вратат во Сингелиќ каде се префрлиле во „шкодата“ и заминале на Башинец каде го закопале. Според она што досега е познато, вечерта на 10 декември 2018 година Ангела го повикала Пино да се најдат кај насипот во Ѓорче Петров, иако знаела дека ќе им се придружи и Али со намера да го убијат. Кога пристигнал Аи со пушка се заканил кон жртвата, по што сите тројца се упатиле со автомобил кон Арачиново. Откако пристигнале осомничените започнале вербална расправија со жртвата, по што првоосомничениот го застрелал оштетениот и го лишил од живот. ИЗВОР: 24Инфо.мк

Мајката на Пино даде исказ во Обвинителство: Убијците не треба да излезат од затвор, ќе се борам да добијат доживотна казна!

Катерина Бојаџиева — Wed, 05 Jun 2019 12:21:52 +0000

Очекувам доживотна казна и ќе се борам за доживотна казна, истакна мајката на убиениот Пино Секондо, Маја Трпковска, која денеска даде исказ во скопското обвинителство. -И Ангела и тој што треба да го фатат, тие не треба да излезат од затвор, затоа што човечки ум, поготово на девојка од 22 години да убие свој другар и 6 месеци да си нема гајле, да си спие, да си шета, тоа е нечовек, монструм. Не знае со сигурност, но се сомнева дека љубомора е причината, односно мотив за убиството.

Девојката на Пино е одведена во притвор

Предраг Кукиќ — Mon, 03 Jun 2019 20:36:56 +0000

Дваесет и двегодишната А. Ѓ. од Скопје, второосомничена за убиството на 26-годишниот Пинета Секондо, вечерва е одведена во 30-дневен притвор одреден од Основниот кривичен суд Скопје, кој го прифати барањето од Јавното обвинителство таа да биде притворена поради опасност да избега. По дополнителната истрага на МВР по наредба од Обвинителството, А.Ѓ. е осомничена дека го повикала сега починатиот Секондо, била присутна кога тој бил лишен од живот и учествувала во пренесување на телото и негово криење во близина на село Љуботен, заедно со првоосомничениот, 27-годишниот Ф.А., кој е во бегство. Обвинителството денеска соопшти дека по дополнителната истрага постои основано сомнение дека го извршила кривичното дело „убиство“. Вечерта на 11 декември 2018 година таа го повикала Пинета Секондо да се најдат кај насипот во Ѓорче Петров, иако знаела дека ќе им се придружи и првоосомничениот со намера да го лиши од живот оштетениот. Кога пристигнал првоосомничениот и со огнено оружје – пушка се заканил кон жртвата, сите тројца се упатиле со патничкото моторно возило кон атар во скопското село Арачиново. Откако пристигнале осомничените започнале вербална расправија со жртвата, по што првоосомничениот го застрелал оштетениот и го лишил од живот. Како што денеска соопшти ЈОРМ, осомничената придонела во вршење на кривичното дело со тоа што го повикала Секондо, била присутна во моментот на неговото лишување од живот и учествувала во пренесување на телото на починатиот и негово криење во близина на село Љуботен. Надлежниот јавен обвинител предложи притвор ценејќи дека има околности што укажуваат на постоење опасност од бегство и на основан страв дека осомничената ќе ја попречува кривичната постапка со влијание на сведоци.

НАЈНОВА ВЕСТ: Ангела знаела дека Пино ќе биде убиен

Предраг Кукиќ — Mon, 03 Jun 2019 18:19:10 +0000

По преземање на истражни дејствија од страна на надлежен јавен обвинител од Основното јавно обвинителство Скопје, денеска е донесена Наредба за спроведување истражна постапка против второ пријавеното лице за убиството на лицето П.С. Обвинителството издаде наредби до МВР за вршење дополнителни проверки и од јавниот обвинител беа испитани повеќе сведоци. Врз основа на направените проверки Основното јавно обвинителство поведе постапка и против осомничената поради постоење на основано сомнение дека го извршила кривичното дело Убиство од член 123 став 1 во врска со член 22 од Кривичниот законик. Вечерта на 11 декември 2018 година, осомничената 22-годишна жителка на Скопје го повикала сега починатиот да се најдат кај насипот во Ѓорче Петров, иако знаела дека ќе им се придружи и првоосомничениот со намера да го лиши од живот оштетениот. Кога пристигнал прво осомничениот и со огнено оружје – пушка се заканил кон жртвата, сите тројца се упатиле со патничкото моторно возило кон атар во скопското с. Арачиново. Откако пристигнале осомничените започнале вербална расправија со жртвата, по што првоосомничениот го застрелал оштетениот и го лишил од живот. Осомничената дала придонес кон вршење на кривичното дело со тоа што го повикала сега починатото лице, била присутна во моментот на неговото лишување од живот и учествувала во пренесување на телото на починатиот и негово криење во близина на с. Љуботен. Надлежниот јавен обвинител ценеше дека постојат околности што укажуваат на постоење опасност од бегство и на основан страв дека осомничената ќе ја попречува кривичната постапка со влијание на сведоци, поради што до Судија на претходна постапка при Основниот кривичен суд Скопје ќе достави предлог за определување на мерката притвор против осомничената.

Мајката на Пино гневна: Животни го распарчиле, од моето дете останаа само четири коски

Предраг Кукиќ — Sun, 02 Jun 2019 14:20:44 +0000

Мајката на Пино и понатаму гневна се огласива на социјалните мрежи за смртта на нејзиното дете кое со месеци беше исчезнато, па се дозна дека е свирепо убиено. Таа вели детето и го убиле, животни го распарчиле и од него останале само четири коски. Маја Трпковска со со месеци бараше помош од МВР и водеше битка со институциите за пронаоѓање на нејзиниот син, кој го пријави за исчезнат на 11. декември минатата година. Министерството за внатрешни работи соопшти дека е поднесена кривична пријава за две лица, осомничени дека го убиле Пинета Секондо. Единица за насилен криминал при СВР Скопје денеска до надлежното Основно јавно обвинителство во Скопје, поднесе кривична пријава против Ф. А. (27) и А. Ѓ. (22), двајцата од Скопје, за сторено кривично дело „убиство“ предвидено и казниво по член 123 од КЗ на РСM, соопшти вечерва полицијата. Како што се појаснува, се работи за убиство на Пинета Секондо, кој на 11 декември 2018 година од страна на неговата мајка, бил пријавен за исчезнат во ПС при СВР Скопје. На 29.04.2019 година во Единицата за известување и команда при СВР Скопје од страна на граѓанин пријавено е дека на место викано Башинец во атарот на село Љуботен пронајден е човечки скелет покриен со камења. По преземени оперативно тактички мерки дојдено е до сознание дека извршители се наведените лица, по што е добиена Наредба за претрес во дом и други простории од Основно јавно обвинителство Скопје и извршен е претрес во домовите на пријавените како и на уште две лица, роднини на првопријавениот. Во домот на првопријавениот пронајдени се СИМ картици, лични документи, мобилен телефон, УСБ, мемориска картица, една фантомка и возило Опел Аскона. По Ф.А. распишан е централен распис. На 30.05.2019 година второпријавената А.Ѓ. е лишена од слобода во просториите на СВР Скопје, се наведува во соопштението од МВР. Осомничениот, 27-годишен жител на Скопје, делото убиство од член 123 став 1 од Кривичниот законик го сторил на 11 декември 2018 година, околу 2 часот, откако претходно се сретнал со сега починатиот. Тие заедно со патничко моторно возило „опел аскона“ пристигнале во атарот на село Арачиново во Скопје. Осомничениот извадил огнено оружје – пушка и го застрелал оштетениот во пределот на главата. Од нанесените повреди Секондо веднаш починал. По стореното дело, во обид да се скријат трагите, телото на починатиот било пренесено во село Љуботен, каде е оставено во дупка и покриено со ќебе. Осомничениот се дал во бегство и во моментов е недостапен за органите на прогонот. Ценејќи дека се исполнети законските основи, надлежниот јавен обвинител до Основниот кривичен суд Скопје достави Предлог за определување на мерката притвор против осомничениот.