пинг-понг – Kurir.mk

Македонија домаќин на пинг понг Европски шампионат до 21 година

Бошко Тасиќ — Sun, 17 Sep 2023 18:33:17 +0000

Пинпонгарската федерција на Македонија во месец јануари следната година ќе организира Европски У21 шампионат. Со тоа, Скопје е повторно домаќин на првенство од највисок ранг, по одржувањето на турнирот од светските серии WTT Youth Star Contender Skopje 2023. Претседателот на Федерацијата Горан Тиловски е во Малме Шведска на годишен конгрес на Европската пинг понг фдерација(ЕТТУ), каде што се одржува и Европското тимско првенство, на која се потпиша договор за организација на Европскиот шампионат во Скопје. Ова е прв шампионат од вакви размери кој се организира во Македонија

Заврши Меѓународниот турнир во пинг-понг Зегин Опен 2023

Ивана Ефремовски — Mon, 04 Sep 2023 08:37:34 +0000

Заврши Меѓународниот турнир во пинг-понг Зегин Опен 2023 кој изминатиот викенд се одржа во Берово. Победници на турнирот на кој учествуваа околу 200 натпреварувачи од 12 земји се Аргентинецот Франциско Санчи и Србинката Анета Максути кои беа најдобри во апсолутна категорија. Во рамки на последниот ден од турнирот се одиграа натпреварите во кадетска и јуниорска конкуренција каде како најдобри се покажаа белорусинот Никон Шутов и Бугаринот Милан Жеков, додека во женска конкуренција славеа белорусинките Тимашкова и Жатко. Оваа година, како што истакна Роберт Николов од организациониот одбор на турнирот, наградниот фонд беше двојно зголемен за разлика од минатата година и истиот изнесуваше 10 илјади евра. -Од минатата година растеме како што растат и средствата. Имавме пет држави, оваа година учесници од 12 држави, годинава имавме околу 200 спортисти натпреварувачи. Се надеваме следната година ќе растеме со турнирот, ќе дојдат уште повеќе учесници, рече Николов. Честитајки им на сите победници, спонзорот Благој Механџиски - Зегин, рече дека со самиот факт што во една од конкуренциите победи најмалиот е доказ дека иднината на пинг-понгот е во младите. -Поздрав до сите 12 земји и преку 190 учесници. Поминавме успешно со преголем број гледачи на настанот кој се пренесуваше во живо на јутјуб. Посебна радост е тоа што најмалиот ја освои најголемата награда, што значи дека успехот и иднината е во младите и затоа ние не жалиме за средства, продолжуваме догодина со повеќе искуства, со поголем награден фонд, рече Механџиски. За победникот во јуниорска конкуренција Никон Шутов од Белорусија ова беше успешен турнир -Последниот натпревар со колегата од Србија беше доста тежок, се помачив, но успеав да преовладеам во однос на резултатот, истакна победникот во јуниорска конкуренција. Вистинско изненадување на турнирот приреди младиот 13 годишник, Милан Жеков од Бугарија кој победи во кадетска конкуренција совладувајки далеку покорпулентни противници од себе. - Сега ќе полнам 13 години, играм од пред 2,5 години, а според мене тајната на победата е да тренираш напорно и да бидеш постојан во својата игра, рече младиот Жеков. Зегин Опен 2023 започна со натпревари во ветеранска конкуренција на која учествуваа пинг-понгари од 40 до 70 години. (МИА)

Свечено отворен Меѓународниот турнир „Зегин Опен 2023“

Ивана Ефремовски — Sat, 02 Sep 2023 11:57:49 +0000

Во Берово започна вториот Меѓународен турнир во пинг-понг Зегин Опен 2023. Организатор на турнирот кој се одржува под покровителство на спонзорот Зегин е истимениот пинг-понгарски клуб од Берово, настан на кој учествуваат натпреварувачи од 11 земји во светот вклучително и домаќинот Македонија. -Турнирот започна вчера со натпреварите во ветеранска конкуренција од 40 до 70 години, многу сме задоволни од посетата имаме учесници од 11 земји, како турнир се шириме многу брзо. Денеска е апсолутна категорија, имаме голема конкуренција, светски играчи кои се меѓу првите 200 на светската ранг листа. Медиумски сме добр покриени имурниротод таме лајв стрим пренос турнирот. Верувам дека од година во година уште повеќе ќе раснеме и ќе имаме двојно повеќе учесници, истакна Јован Ковачовски, тренер на ППК „Зегин“. Претседателот на пингпонгарската федерација Горан Тиловски истакна дека ова е еден од поголемите Регионални турнири и за нашата федерација која со организирањето на овој турнир и поддршката која ја дава испраќа порака за развој на спортот особено за развој на пин-понгот. -Ние Берово го гледаме како еден од најбрзо растечките клубови во државата. Ова е продолжеток на еден хиперактивен дел бидејки се одржаа два настани во Берово каде сертифициравме 11 тренери со ITTF второ ниво, со поддршка на Пингпонгарската федерација и Олимпискиот комитет. Потоа се одржа младински камп за репрезентативци така што ова е само еден логички сплет на настани како трет настан од огромна регионална и државна значајност со поддршка на федерацијата, рече Тиловски. Целата вест прочитајте ја на Делчево365.мк

14 годишниот Андреј Стојановски е државен првак во пинг понг

Ристе Здравков — Sun, 30 Apr 2023 20:44:10 +0000

Денес во Крива Паланка се оддржа државно првенство во пинг понг за сениори до 21 година. За прв пат во историјата на макендоскиот пинг понг турнирот го освои 14- годишниот Андреј Стојановски. Стојановски титулата државен првак ја прослави со многу емоции.

Успешно завршен првиот Меѓународен турнир во пинг-понг „Зегин Опен 2022“

Super Admin — Tue, 20 Sep 2022 07:29:57 +0000

Заврши првиот Меѓународен турнир во пинг-понг „Зегин Опен 2022“ кој викендов се одржа во Берово. Првото место на завршниот ден од турнирот во машка конкуренција му припадна на Милан Миленковиќ од Србија, додека најдобра кај жените беше Дамла Хасанова од Бугарија. За победникот Милан Миленковиќ, Зегин Опен 2022 е најдобриот турнир на кој учествувал.

– Ова беше феноменален турнир, прв пат сум овде, многу јаки играчи дојдоа. Противникот со кој играв во финалето е доста перспективен, но добро се борев и го освоив првото место. Секоја чест за клубот од Берово кој со поддршка на својот спонзор ова го овозможија, рече победникот Миленковиќ.

Првопласираната во женска конкуренција Дамла Хасанова од Бугарија која настапува за ППК „Зегин“ исто така изрази задоволство од одличната организација на турнирот.

– Многу сум задоволна бидејќи победив и во јуниорска и во сениорска конкуренција. Од оваа година настапувам за клубот од Берово и се надевам на успешна сезона, рече Хасанова.

Најдобрите на турнирот поделија награди во висина од 5000 евра кој беше вкупниот награден фонд годинава. Организатор на првиот Меѓународен турнир со поддршка на главниот спонзор Зегин е Пингпонгарскиот клуб ,,Зегин” и Пингпонгарската федерација на Македонија.

Меѓународен турнир во пинг-понг „Зегин Опен 2022“ викендов во Берово

Super Admin — Wed, 14 Sep 2022 12:52:29 +0000

Пингпонгарскиот клуб „Зегин“ од Берово викендов (17 и 18 септември) ќе биде домаќин на Меѓународниот турнир во пинг-понг ,,Зегин Опен 2022″. Вкупно пријавени се 76 играчи од Македонија, Бугарија, Грција, Србија и Косово, кои ќе се натпреваруваат во четири категории.

-Натпреварите се во сениорска и јуниорска конкуренција и ќе бидат организирани во две нивоа на натпреварување и тоа квалификации по групи и систем на елиминација. Прво и второпласираните натпреварувачи од групите ќе се пласираат по систем на еднократна елиминација, додека сите натпревари се играат во систем подобар од 5 сетови, полуфинале и финале се играат во систем подобар од 7 сетови, информираа организаторите.

Наградниот фонд на турнирот изнесува 5000 евра, а за сите натпревари ќе бидат ангажирани сертифицирани судии.

-Жрепката е закажана за утре, 14 септември, а носителите на групи ќе бидат поставени согласно ИТТФ ранкинг. Натпреварите ќе започнат со почеток од 9 часот. Со ова се докажува дека Берово и нашиот беровски пингпонгарски клуб „Зегин“ кој е најбрзорастечки клуб во Македонија, полека го зазема приматот на град на пинг-понгот, додадоа организаторите.

Помагател на турнирот е Пингпонгарската Федерација на Македонија, а турнирот целосно се одржува под комплетно спонзорство на компанијата „Зегин“.

Шампион Фа најуспешен на 29. Државно првенство во пинг-понг

Тале Кристо — Tue, 29 Mar 2022 06:29:12 +0000

Берово изминатиот викенд беше домаќин на 29. Државно првенство во пинг-понг во сениорска конкуренција. Учество земаа околу 80 играчи од целата држава. По двегодишна пауза на ова државно првенство повторно се играа двојки во машка и женска категорија и двојки во мешана категорија. Најмногу медали освоија играчите на екипата Шампион Фа од Штип. Резултати: Сениори: Кристијан Станојковски – ППК Крива Паланка 2007 Филип Младеновски – ППК Шампион Фа Раиф Рустемовски – ППК Младост 96 и Петар Митков ППК Крива Паланка 2007 Сениорки: Амелиа Николов – ППК Шампион Фа Билјана Младенова – ППК Шампион Фа Катерија Лаура Михајлов – ППК Телеком Нец 2 и Ана Стојановска – ППК Крива Паланка Сениори двојки: Петар Костовски – ППК Младост 96 и Сашо Смолиќ ППК Рисови Филип Младеновски и Дамјан Стојчев – ППК Шампион Фа Кристијан Станојковски и Мартин Стаменковски – ППК Крива Паланка 2007 и Сашо Стојановски и Васко Манасијевски – ППК Работнички Сениори жени: Амелија Николов и Билјана Младенова – ППК Шампион Фа Ана Стојановска – ППК Крива Паланка и Катерина Лаура Михајлов – ППК Телеком Нец 2 Софија Хасану ППК Крушево – Моника Стајковска – ППК Берово и Димитриевска Ива и Михајловска Бојана – ППК Рисови Мешани двојки: Младеновски Филип и Амелиа Николов – ППК Шампион Фа Станојковски Кристијан – ППК Крива Паланка 2007 – Димитриевска Ива – ППК Рисови Стојчев Дамјан и Билјана Младенова – ППК Шампион Фа и Стомнароски Антонио ППК Младост 96 – Стојановска Ана – ППК Крива Паланка.

Кристијан Станојковски државен пинг-понг првак по единаесетти пат

Ивона Петрова — Mon, 28 Mar 2022 05:53:37 +0000

Кристијан Станојковски од пинг-понгарски клуб “Крива Паланка 2007” по единаесетти пат ја освои титулата државен првак во пинг-понг на РС Македонија во сениорска конкуренција. Станојковску ја одбрани титулата на вчерашното државно првенство што се одржа во Берово. Станојковски 11 години е неприкосновен во оваа конкуренција. – Задоволство е да се одбрани титулата по десетти пати,по освојувањето на неполни шеснаесет години. Единствено пред неколку години кога поради здравствени причини, повредата на рамениот зглоб, не успеав да учествувам на првенството. Благодарност до моите соиграчи од матичниот клуб “Крива Паланка 2007” и тренерот Мартин Стаменковски, со коишто од оваа сезона по моето враќање настапуваме во македонската суперлига и тоа ми помага за одржување на високо ниво на формата, изјави Станојковски. Посочи дека со тимот од ППК “Крива Паланка 2007” се први на суперлигашката табела и атакуваат на титулата. Кристијан Станојковски е еден од најталентираните македонски пинг-понг играчи со долгогодишно интернационално искуство во балканските држави, како и во Европа. Минатата сезона Станојковски направи кам-бек во матичниот клуб враќајќи се од Мајнц, Германија, кадешто ги прекина настапите поради Ковид-19 пандемијата.

СЕКОЈА ЧЕСТ: Кривопаланчанката Ана Стојановска државен средношколски пинг-понг првак

Магдалена Андонова — Sat, 04 Dec 2021 10:51:22 +0000

Успешната и докажана пингпонгарска репрезентативка од Крива Паланка, Ана Стојановска, ја потврди својата доминација во овој спорт и на училишниот државен натпревар за средни училишта, каде се закити со шампионската титула во поединечна конкуренција. Учениците од средното општинско училиште „Ѓорче Петров”, Антонио Крстевски, Ана Стојановска, Деспина Ристовска и Давид Георгиевски учествуваа на Државно првенство за средни училишта во пинг-понг што се одржа во Битола под менторство на професорите Жаклина Јовановска и Мартин Стаменковски. – Покрај зебележителниот резултат на овие наши ученици на кои сме горди, како и влезот на Антонио Крстевски во 8-те најдобри, посебна гордост е нашата Ана Стојановска која беше најдобра во својата конкуренција и го освои првото место со што донесе уште една нова златна титула во училишните спортски архиви, изјави Мартин Стаменковски, професор по физичка култура во СОУ „Ѓ.Петров”. Одговорните од гимназијата се особено горди на својата ученичка, која е трикратен освојувач на златен медал во оваа категорија, закитувајќи се со титулата во сите досегашни учества, со исклучок на минатогодишното неодржано првенство поради пандемијата со Ковид-19.

Македонските пинг-понгари се подготвуваат за европското првенство во Загреб

Тале Кристо — Fri, 16 Jul 2021 06:08:10 +0000

Македонските репрезентации во пинг-понг по настапот на европското првенство во Полска и балканското првенство во Бугарија го продолжуваат континуитетот на учество на меѓународните натпревари. Јуниорската и кадетскатата репрезентација ќе учествуваат на европското првенство во Загреб. Првенството ќе се одржува од 18 јули до 1 август, а во составот на репрезентацијата ќе учествуваат пет играчи. – И покрај строгите ковид-протоколи кои мора да се почитуваат од сите учесници, како и откажувањето на поголем број репрезентации, ППФСМ одлучи репрезентацијата да учествува на ова натпреварување со цел младите играчи да се добијат искуство од големите натпреварувања, соопшти ППФСМ.