пингвин – Kurir.mk

ФОТО+ВИДЕО: Пингвин во Зоолошката градина во Сан Диего си доби ортопедски чевли

Магдалена Андонова — Wed, 31 Aug 2022 10:51:45 +0000

Пингвин во Зоолошката градина во Сан Диего, Калифорнија, САД, си доби ортопедски чевли, заради олеснување на симптомите од дегенеративна болест на екстремитетите. Пингвинот Лукас, кој е четири години стар, има проблеми со нозете поради пододерматитис – хронична болест, честа кај птиците… Ако не се лекува, болеста може да доведе до сепса и смрт, според соопштението на Алијансата за диви животни во Сан Диего. Зоолошката се обрати и до организација што развива производи за рехабилитација за животни со посебни потреби за помош. Така беа создадени обувки од ортопедскиот материјал неопрен и гума што треба да го олеснат одењето на Лукас.

Пингвин „со став“: Не јаде евтина риба

Ивона Петрова — Fri, 08 Jul 2022 08:32:07 +0000

Зголемувањето на цените ширум светот сите нѐ тера да бираме поевтини опции заради заштеда. Така, вработените во еден аквариум во Јапонија се обиделе да му дадат поевтина риба на еден пингвин, при што тој одлучно реши да одбие. Пингвинот вешто, „елегантно“ „со став“ и „со стил“ го врти клунот, со што јасно дава до знаење дека не го прифаќа овој „економичен избор“ на храна. Иако вработените дадоа сѐ од себе, се чини дека обидите да го нахранат животното беа неуспешни. Аквариумот се наоѓа недалеку од Токио и е дом на 32.000 животни, меѓу кои и ајкули, фоки и видри. Раководството деновиве се префрли на обична скуша како храна, откако цените на поквалитетната риба претходно пораснаа за 20-30 отсто. Но, откако доби решително „не“ од пингвинот, раководителот Даики Шимамото нагласи дека нема да ги принудува животните да јадат тоа што не го сакаат. Тој исто така, посочи и дека засега не се планирани поскапи билети. Целта е да се привлечат што повеќе луѓе, за што повеќето посетители и љубители се благодарни.

Пронајдете го пингвинот кој држи чаша: Само упорните можат да го забележат за помалку од 25 секунди

Ристе Здравков — Wed, 12 Jan 2022 06:45:11 +0000

Ширум отворете ги очите Унгарскиот уметник Џерџели Дудаш, попознат како Дудолф, е познат по своите интересни загатки за криенки кои за рекордно време стануваат вирални. Дудолф реши да ги израдува своите многубројни обожаватели со уште една интересна илустрација. Овој пат уметникот нацртал многу пингвини, а само еден од нив држи шолја топло чоколадо. Ваша задача е да го пронајдете и да го соборите моменталниот рекорд од 25 секунди. Внимателно погледнете го секој пингвин и обидете се да го забележите оној што ужива во топол пијалок. Дали го најдовте? Да ви помогнеме – пингвинот е во долниот десен агол на фотографијата. Ако ни сега не го забележавте, погледнете го решението подолу.

НАЈСЛАТКИОТ ПИНГВИН НА СВЕТОТ – неговото име е Куки, а еве што прави кога ќе го погалите по стомакот (ВИДЕО)

Магдалена Андонова — Mon, 30 Nov 2020 09:22:39 +0000

Малото пингвинче Куки, е вистинска сензација на социјалните мрежи поради еден потег. Имено, тој бил маскота во американска зоолошка градина и не е тешко да се процени зошто. Тој ги сака луѓето, а неговите сонародници му го враќаат вниманието. Поради својот изглед и однесување, тојна сите им е симпатичен. Уште посладок е кога ќе го погалите на стомакот. Потоа тој почнува да се тресе со благодат и мавта со крилјата, и поради неговото однесување ќе се стопите.

Гинисов рекорд: Пингвинот Олде наполни 41 година

Ивана Ефремовски — Fri, 30 Oct 2020 08:13:07 +0000

Пингвин женка од Зоолошката градина во градот Одензе, Данска, по име Олде, влезе во Гинисовата книга на рекорди како најстариот пингвин во светот откако доживеа 41 година. Видот, кој потекнува од Антарктикот и околните острови, обично живее само триесет години. -Целата зоолошка е горда на тивката и мирна Олде, коментираат одговорните лица. Поради возраста, Олде сега има малку поинаков третман во споредба со другите пингвини. На пример, нејзината риба се служи одделно за да не мора да ја дели со помладите пингвини.

Се намалува бројот на пингвини на Антарктикот

Ивона Петрова — Wed, 12 Feb 2020 08:47:24 +0000

Новата научна експедиција на Гринпис на Антарктикот, утврди драстично намалување на бројот на пингвините таму. Во една од колониите што биле цел на истражувањето, тоа намалување е 77 отсто во однос на 1971 година. – Ова укажува на огромни промени во екосистемот околу Јужниот пол последниве 50 години. Тоа подразбира и промени во синџирот на исхрана, што влијае и на пингвините, изјави д-р Хедер Линч, професорка при Универзитетот Стоуни Брук во Њујорк, САД, и една од раководителите на експедицијата. Д-р Линч смета дека на тоа влијаат повеќе фактори, но главниот се климатските промени. Со тоа се сложува и нејзиниот колега – зоологот Ноа Страјкер, кој истакна дека „нешто не чини“ во екосистемот. – Пингвините, фоките и китовите зависат од криловите (планктони), а тие пак, зависат од мразот. Значи, ако климатските промени влијаат на мразот, тоа влијае на сè друго, вели Страјкер.

Неверојатна приказна: Секоја година пингвин препливува 8.000 километри за да го посети човекот кој го спасил (ВИДЕО)

Предраг Кукиќ — Mon, 11 Feb 2019 15:03:20 +0000

Жоао Переира (71), Бразилец од остров во близина на Рио де Жанеиро во 2011 година спасил еден пингвинот од сигурна смрт. Тој го нашол заглавен меѓу карпите, прегладнет и покриен со нафта додека бил уште млал. Откако пингвинот го негувал во својот дом и го вратил во живот , Переира го пуштил во дивината, а тој, во знак на благодарност, секоја година плива повеќе од 8000 километри за да го посети својот спасител. „Го сакам Диндим како да е мое дете, а верувам дека и тој мене ме сака. На никој друг не му дозволува да го погали и почнува да крешти ако некој му се приближи премногу блиску. Јас го хранам со сардини, го бањам и го галам додека ми седи во мојот скут “, вели Переира. Биолозите се изненадени од оваа неверојатна врска. Жоао Паоло Краевски тврди дека никогаш порано не видел такво нешто. „Кога Диндим ќе го види старецот, тој се движи да ја вртат опашката како куче, а сигурен сум дека тој верува дека Перез е дел од неговото семејство”, вели зачудениот биолог. Диндим доаѓа да го посети Переира веќе петта години по ред. Се појавува во јуни, а во февруари оди до крајбрежјето на Аргентина и Чиле за да се пари.

Every Year, This Penguin Swims 5,000 Miles To Visit The Man Wh… This penguin swims 5,000 miles every year to visit the man who saved his life ! ❤️——-Join Pet Alert UK today to help bring lost pets home http://mypetsitter.today/4yz0c Gepostet von The Holidog Times am Freitag, 31. März 2017

Редок пингвин претепен до смрт во Нов Зеланд

Катерина Бојаџиева — Wed, 30 Jan 2019 09:50:06 +0000

Новозеландски конзерватори изразија вознемиреност откако најмалку еден син пингвин е претепан до смрт, а неколку други биле украдени во една ноќна акција на ловокрадци. Државниот Оддел за конзервација соопшти дека се загрижени за потенцијалниот шверц на мали сини пингвини (корора), кои важат за најмалите од својот вид. Кражбата се случила во градот Напир. Пингвините, кои достигнуваат тежина од само околу еден килограм и висина до 30 сантиметри, се заштитен вид. Престапниците би можеле да се соочат со две години затвор и парична казна од 100.000 новозеландски долари (68.495 американски долари). Надлежните соопштија дека кражбата ја извеле професионалци кои добро ја проучиле природата на овие ретки животни.

Неверојатна приказна: Пингвин секоја година минува повеќе од 8.000 километри за да посети еден човек

Катерина Бојаџиева — Sat, 06 Oct 2018 20:21:27 +0000

Бразилски рибар пронашол пингвин во критична состојба. Покриен со масло и залепен за карпа. Добриот човек го избањал и нахранил и очекувал дека животното ќе оздрави и отиде во потрага по своето семејство. Пингвинот го добил името Диндим и одбивал да си замине од својот нов пријател. Останал полни осум месеци, а потоа едноставно исчезнал. Човекот кој го спасил и негувал бил тажен, но знаел дека така мора да биде. Она што не го очекувал е дека Диндим некогаш ќе се врати. Но, малечкиот пингвин знаел дека мора да го посети својот спасител и последните години секоја година го посетува и некое време минува со него. Диндим доаѓа кога ќе посака и исто така си заминува. Ова пријателство е навистина прекрасно и неверојатно, а дури и научниците ги оставил изненадени, бидејќи Диндим препливува повеќе од 8.000 километри за да се сретне со пријателот.