пингвини – Kurir.mk

За прв пат во скопската ЗОО се изведоа бебиња пингвини (ВИДЕО)

Ристе Здравков — Tue, 14 Mar 2023 13:37:28 +0000

Најрадосната вест денеска доаѓа од Скопје ЗОО. -За првпат имаме бебиња пингвини и тоа вкупно четири, соопштија оттаму. – Бебињата дојдоа на свет на 06. 01, 07.01, 08.01 и 10.01 2023 година од два пара родители.Целиот период грижливо ги негуваа, а голем дел од денот со нив проаѓаа и татковците. Состојбата на малите пингвинчиња од видот хамболдт од ден на ден беше следена подеднакво и од нашите зоонегуватели Маја и Војо, како и стручни лица, велат од скопската Зоолошка градина. За да ја доживеете и вие магијата на напредокот и растењето на пингвинчињата во изминатите два месеци, од ЗОО подготвија видео каде што се прикажани најемотивните моменти од јајца, преку првите прегратки со мајките, па се до денес!

Криенка што ќе ве измачи: Ве предизвикуваме да пронајдете 3 мачки меѓу пингвините

Ристе Здравков — Fri, 03 Feb 2023 09:04:25 +0000

Многу од криенките на Дудолф досега ве измачиле, а веројатно и оваа каде што треба да најдете дури три мачки Криенката создадена од унгарскиот уметник Џерџели Дудаш, попознат како Дудолф, ве предизвикува да ги тестирате вашите перцептивни способности, пренесува „Hindustantimes“. Исто како и многу негови криенки, и оваа може добро да ве измачи да ги пронајдете скриените мачки. На фотографијата се прикажани многу пингвини, некои со капи на главите, а некои со шалови околу вратот. Меѓу пингвините има и неколку Снешковци. Ваша задача е да најдете три мачки меѓу нив, а отежнувачка околност е тоа што мачките се обоени како пингвините. Па, успеавте ли да ги најдете? Ако сè уште се мачите, погледнете го решението подолу.

Уште една убава вест од скопската зоолошка: Се очекуваат бебиња кај пингвините (ФОТО)

Ивана Ефремовски — Wed, 01 Jun 2022 16:21:52 +0000

Убава вест ни доаѓа од заливот на пингвините во скопската зоолошка градина. „Дел од овие прекрасни птици изведоа јајца и сега се постојано во своите гнезда каде лежат врз потенцијалните бебиња. За да ја зголемиме шансата да имаме за првпат малечки од овој вид, не сакаме да ги вознемируваме и да го чистиме базенот во наредните две недели. Водата е зелена поради сонцето и создавање на алги, но е исправна технички и микробиолошки, а пречистителната станица постојано функционира. Овој вид на птици е загрозен и е на црвената листа на видови во исчезнување, а со доаѓањето на свет на малечките ќе придонесеме во продолжување на видот. Апелираме до посетителите да не тропаат по стаклата и да не фрлаат храна во базенот и живеалиштето. Стискаме палци за бебиња пингвини“ - информираат од ЗОО Скопје.

Скопската зоолошка утре го отвора „Заливот на пингвините“

Ивана Ефремовски — Fri, 16 Jul 2021 18:34:17 +0000

Утре во 13:00 и официјално го отвораме „Заливот на пингвините", информираат од скопската зоолошка. -Отворањето беше закажано за вечерва, но поради временските неприлики и дождот се одложува за утре, кога сите посетители ќе имаат можност одблиску да ги запознаат деветте пингвини од Италија и Русија, информираат од Зоо Скопје.

Пингвините излегоа од карантин, погледнете ги најуникатните жители на скопската зоолошка

Ивана Ефремовски — Fri, 29 Jan 2021 14:06:32 +0000

Пингвините повеќе не се во карантин и се достапни и за посетителите. -Повелете во Скопје ЗОО, да ги запознаете нашите најуникатни жители, секој со свој различен карактер и темперамент, порачаа од скопската зоолошка.

ФОТО: Пингвини пристигнаа во Зоо Скопје

Ивона Петрова — Thu, 17 Dec 2020 08:39:54 +0000

Скопската Зоолошка градина од вчера е нов дом за пингвини. Од Зоо Скопје велат дека тие полека се адаптираат на новото живеалиште, а оствариле и прв контакт со своите нови зоо негуватели. -Периодот кој следува ќе бидат во карантин, за полесно да се приспособат на живеалиштето, а ние постојано ќе ве „частиме" со интересни фотографии и видеа се додека не дојде моментот да ги видите и во живо. Пингвинчињата ќе живеат во современо живеалиште правено по светски стандарди, со голем надворешен базен и внатрешен топол дел со затворен базен, велат од Зоо Скопје.

Кога ќе ја најде вистинската со која сака да го помине животот и го подарува ова- еве како пингвините се запросуваат (ВИДЕО)

Дарко Андоновски — Mon, 11 Nov 2019 14:23:27 +0000

Откако ќе ја пронајдат женката со која ќе го поминат целиот живот, мажјаците од одреден вид на пингвини лутаат по целата плажа трагајќи совршен камен кој е нивното свето нешто, како кај луѓето венчалниот прстен. Кога ќе го пронајдат го носат кај сојата избраничка и го спуштаат пред нејзината нога. Доколку женката го подигне каменот мажјакот тоа го сфаќа како „ДА“, а доколку не, тој е одбиен. Најпознатиот вид на пингвини кој на ваков начин стапуваат во интимен однос се нарекуваат аделијски вид (францускиот истражувач ги именувал така во 1983 година по својата сопруга Адел). Зошто баш камења? Со камења тие прават гнездо за да имаат удобно место за водење љубов и одгледување на новороденчињата, а камењата често ги крадат и од други гнезда.

Ќе посакате да ја посетите белградската зоолошка: Новата атракција се слатките пингвини (ФОТО)

Ивана Ефремовски — Mon, 03 Jun 2019 07:51:14 +0000

По цели 30 години најубавата Зоолошка градина на Балканот, белградската доби пингвини. Посетителите на Зоолошката ќе можат да другаруваат со пингвините во нов современ простор по налик на светските зоолошки градини.