Поддршка за народот на Украина: „Пинк Флојд“ по три децении објавија нова песна (ВИДЕО)

Ивана Ефремовски — Fri, 08 Apr 2022 07:50:11 +0000

Членовите на британската рок-група „Пинк Флојд“ денеска преку официјалниот „твитер“ налог соопштија дека снимиле нова песна после период од 30 години, со цел да се даде поддршка на жителите на Украина. Песната „Hey, Hey, Rise-Up!” е објавена пред десетина часа, а ќе се користи за хуманитарни цели поврзани со војната во Украина. Во песната е вклучен е Андриј Хливниук, член на познатиот украински бенд „BoomBox“, со неговиот клип снимен на плоштадот „Софискаја“ во Киев што веќе е објавен преку Интернет.

View this post on Instagram

A post shared by Pink Floyd (@pinkfloyd)

Хливниук ја прекина светската турнеја за да се врати во Украина и да помогне во одбрана на татковината. „Ние како и многу други, чувствуваме бес и фрустрација поради овој подол чин на агресија врз независна, мирна и демократска земја чиј народ е убиван од една од најголемите светски сили“, напишаа членовите на„Пинк Флојд“ на „твитер“. (МИА)

Гитара на основачот на „Пинк флојд“ продадена за над 27.000 долари

Катерина Бојаџиева — Fri, 29 Oct 2021 06:52:45 +0000

Гитара на еден од основачите на бендот „Пинк флојд“ – Сид Барет беше продадена на наддаввање во аукциската куќа „Шефинс“ во Кембриџ, Велика Британија, за 27.400 долари. Акустична гитара „Јамаха“, со 12 жици, која му припаѓала на Сид Барет (1946-2006), е оригинален музички инструмент од 1969 година. На аукција ја ставил внукот од брат на гитаристот – Марк Барет, и првично била проценета на 13.700 долари. – Мило ми е што гитарата ќе оди кај некој што ја цени. Се надевам дека купувачот ќе ужива во тоа исто како и мојот чичко, изјави Марк Барет. Аукциската куќа соопшти дека Сид ја спомнал гитарата и во интервју за списанието „Ролинг Стоун од 1971 година. – Ова е мојата нова гитара со 12 жици. Само што се навикнав, ја пробував вчера, рече тогаш музичарот. Марк изјави дека инструментот долго време го чувал неговиот татко, кој му го предал во ноември 2020 година, непосредно пред неговата смрт. Според „Шефинс“, гитарата ја купил Французин, кој купил и градинарска маса изработена од Сид – за 3.100 долари. Парите од продажбата внукот веќе ги наменил за добротворната организација „Мајнд“ која им помага на ментално заболени пациенти и за болницата „Артур Ренк“.

Пинк флојд – Kurir.mk

Поддршка за народот на Украина: „Пинк Флојд“ по три децении објавија нова песна (ВИДЕО)

Гитара на основачот на „Пинк флојд“ продадена за над 27.000 долари