Pinterest откри кои модни трендови ќе владеат во 2023-та година – најави големо модно враќање на овој детал

Ристе Здравков — Thu, 22 Dec 2022 08:22:18 +0000

Популарната американска платформа, специјализирана за фотографија и инспиративни слики, штотуку го објави своето шесто Pinterest Predicts, годишен извештај за трендовите што ќе ја одбележат новата календарска година. Врз основа на истражувањето на повеќе од 400 милиони месечни корисници, платформата веќе неколку години предвидува трендови во бројни категории кои би требало да доживеат голем успех во следните 12 месеци. Во последната година, 80 проценти од трендовите предвидени во извештајот на Pinterest Predicts се покажаа како точни, што доволно зборува за неговата релевантност. Меѓу различните трендови кои ќе продолжат да доминираат во 2023 година, сосема очекувано, се оние инспирирани од трендовите од почетокот на милениумот. Таканаречената естетика на Y2K е вечен хит што особено стана тренд кај членовите на генерацијата Z и на социјалната мрежа TikTok. Настрана од Y2K, облеката и додатоците инспирирани од футуризмот, сајбер-уличната облека и пост-апокалиптичната мода воопшто би можеле да станат голем тренд според Pinterest. Карнерите, тантелата, тулот и другите проѕирни материјали ќе станат неизбежни на многу парчиња, а ресите како моден детал раководството на Pinterest ги гледа како голем тренд за враќање во годината што претстои.

PayPal во преговори за купување на Pintrest

Ристе Здравков — Thu, 21 Oct 2021 12:44:07 +0000

Сервисот за онлајн плаќање PayPal ја разгледува можноста за купување на друштвената мрежа Pinterest. Неколку неименувани извори споделија податоци дека компаниите се во напредна фаза на преговори. Вредноста на Pinterest е проценета на 45 милијарди долари. Ако навистина и се реализира зделката ќе биде најскапо купување во технолошкиот сектор годинава и највисока сума исплатена за друштвена мрежа до сега воопшто . Двете компании веќе се во преговори и цената која PayPal би ја исплатил е 70 долари за акција на Pinterest, вели Bloomberg. Ова е и најголема сума која PayPal досега ја платил за некоја компанија. Истовремено оваа сума ќе биде значително повисока од цената од 26,2 милијарди долари која Microsoft ја плати за LinkedIn. Друштвената мрежа во PayPal ќе биде дел од „супер апликацијата“. PayPal веќе има систем за плаќање, а со Pinterest ќе има и платформа за рекламирање и визуелна друштвена мрежа која е одлична за визуелно пребарување. Со ова друштвената мрежа треба да му помогне на PayPal да влезе на полето на е-трговијата во друштвени мрежи. Она што би можел да го направи PayPal со Pinterest е да се обиде да го копира моделот кој Facebook го прави со Instagram. Pinterest би можел да добие специјализиран дел за онлајн продавница, но продавањето на производи би можело да се прави и директно во постовите.

пинтерест – Kurir.mk

Pinterest откри кои модни трендови ќе владеат во 2023-та година – најави големо модно враќање на овој детал

PayPal во преговори за купување на Pintrest