пинтија – Kurir.mk

Ѓорѓиевски: По 40 години Пинтија добива фекална канализација

Ивона Петрова — Fri, 27 Oct 2023 14:02:03 +0000

Градоначалникот на општина Кисела Вода Орце Ѓорѓиевски, денес го означи стартот на градежните активности во населбата Пинтија за изградба на фекална канализација. Ова населено место 40 години е без фекална мрежа, а зафатот ќе биде во должина од 1400 метри кои ќе ги задоволат потребите на над 200 домаќинства. -Денес е убав ден за жителите од Пинтија. После четири децении лажни ветувања, лажни надежи пред секои избори, започнавме со она што го ветив, а тоа е изградба на фекална канализација и решавање на долгодишниот горлив проблем со кој се соочуваа граѓаните. Се работи за мрежа од 1400 метри која опфаќа над 200 домаќинства и која трајно ќе ја реши долгогодишната голгота и живеењето во супстандардни услови. Оваа фекална канализација привремено ќе биде приклучена во кругот на ОХИС до моментот кога ќе почнеме да ја градиме фекалната канализација за населбите Каменик 1 и 2, бидејќи за приклучување на оваа мрежа ќе треба да се премине преку булеварот ,,Борис Трајковски”. Веднаш откако ќе завршат градежните активности и сите домаќинства ќе бидат приклучени кон главните водови, ќе пристапиме кон санација на улиците со асфалт или бехатон, во зависност од постојната состојба или потреба. Ова е проект кој го ветив пред мојот народ, а денешното отпочнување со работа е доказ дека мојот збор вреди, изјави Ѓорѓиевски. Посочи дека нема да дозволи ниту еден жител на Кисела Вода да живее во услови кои не доликуваат за едно модерно општество.

Училиштето во Пинтија ќе добие затворен спортски објект

Ивана Ефремовски — Mon, 29 May 2023 11:55:17 +0000

Затворен спортски објект во „Рајко Жинзифов“ во Пинтија ќе гради Општина Кисела Вода. Оваа иницијатива на градоначалниот Орце Ѓорѓиевски која денес ја поддржа Советот, на младите од овој дел на градот ќе им овозможи осовременување на наставата по физичко образование и услови за дополнителни спортски активности. Воедно, изградбата на овој спортски објект ќе овозможи ослободување на простор во училиштето кој по преадаптивните зафати ќе биде искористен за нови училници, со што ќе се зголеми целокупниот капацитет на ова подрачно училиште. -Големо е моето задоволство што денес, со дадената поддршка од советниците, го отпочуваме процесот за изградба на затворено спортско игралиште во ПОУ „Рајко Жинзифов“ во Пинтија, каде во моментов настава следат 250 ученици. Сите тие ќе добијат поквалитетни услови за одвивање на наставниот процес, бидејќи покрај тоа што добиваат нов простор за наставата по физичко образование, добиваат и нови училници. Согласно предвиденото, ослободениот простор во училиштето ќе биде преадаптиран, со што ќе се зголеми комодитетот за следење на наставата и по другите предмети. Затвореното спортско игралиште, пак, кое ќе се протега на 380 квадратни метри, носи големи придобивки бидејќи ќе им овозможи на учениците и на младите од Пинтија, подобри услови и повеќе можности за различни спортски активности и игри, што има позитивно влијание врз нивното физичко здравје и развој. Средствата за започнување со изградбата на објектот, ги обезбедуваме од Буџетот на Општина Кисела Вода, преку Развојна Програма – НАА-основно образование, за период 2023-2024 година, изјави градоначалникот Орце Ѓорѓиевски. „Рајко Жинзифов“ во Пинтија е изградено во 1983 година. Работи во две смени со вкупно 12 паралелки.

Дел од Пинтија остана без вода

Ивана Ефремовски — Fri, 12 May 2023 07:21:04 +0000

На ден 12.05.2023 поради уличен дефект ф 2“ на ул.Јабланица бр81а, прекинато водоснабдување ќе имаат кориснициците на дел од Пинтија -стара мрежа. Прекинот ќе трае 09:00 до завршување на интервенцијата.

Тинејџерка нападната во Пинтија

Ивана Ефремовски — Mon, 20 Mar 2023 16:15:27 +0000

На 19.03.2023 во 14:00 часот во СВР Скопје, М.А.(18) од Скопје пријавила дека на 18.03.2023 околу 21:45 часот на подрачјето на Пинтија била физички нападната од Н.К.(26) од Скопје. Се преземаат мерки за расчистување на случајот.

Дел од Пинтија денес без вода

Ивана Ефремовски — Tue, 22 Nov 2022 08:23:57 +0000

На 22.11.2022, поради уличен дефект ф-100 мм на ул. „Јабланица“ 48а, прекинато водоснабдување ќе имаат корисниците на дел од населба Пинтија, односно корисниците кои се поврзани на старата водоводна мрежа. Водоснабдувањето ќе биде прекинато од 09:10 часот до завршување со санација на дефектот.

Во тек се подготвителни работи за изградба на нов потпорен ѕид на булеварот „Борис Трајковски“

Магдалена Андонова — Fri, 26 Aug 2022 12:42:35 +0000

Екипите на ЈП Улици и патишта по налог на Град Скопје деновиве ги започнаа активностите за изведба на нов потпорен ѕид на булеварот „Борис Трајковски“ кај семафорите во населбата Пинтија. Целосно се отстранува стариот и оштетен бетонски потпорен ѕид кој беше паднат заради временските неприлики. По изработката на проектното решение ЈП Улици и патишта во координација со службите од Градот Скопје започна со подготвителни работи за изведба на потпорниот ѕид, првенствено со обележување и заградување на просторот на градилиштето, а по овие фази следува ископ на земја на потпорната конструкција. Потпорниот ѕид на бул. Борис Трајковски има променлива висина, а вкупната должина е 152.45 метри. Откако ќе бидат изведени армирачко бетонските работи на потпорниот ѕид ќе се постави дренажниот систем кој се состои од дренажна цевка, филтерски материјал и барбакани. ЈП Улици и патишта заедно со службите од Градот Скопје изведбата на потпорниот ѕид ќе ја вршат по сите стандарди за долгорочно решавање на проблемите со наносот на вода врз овој потег, а откако ќе бидат завршени сите потребни активности ќе биде вратена во првобитна состојба и пешачката патека по должината на булеварот.

Градежни активности во Пинтија, санација на улицата “Саса”

Ивона Петрова — Fri, 12 Aug 2022 10:56:40 +0000

Започна првата фаза од санацијата на улица “Саса” во урбаната заедница Пинтија. Се работи на 500 метри должина, на кои се интервенира за првпат откако е направена оваа улица. По налог на Општина Кисела Вода веќе е отстранет дотраениот асфалт и интензивно се работи на подготовките за асфалтирање. -Паралелно, во Пинтија, течат градежни активности и на кракот 18 од улицата Саса, каде во завршна фаза е поплочувањето со павер елементи на повеќе улици со вкупна површина од околу 1500 квадратни метри. Покрај надземно, во оваа населба се работи и на унапредување и уредување на подземната инфраструктура. Имено, Општина Кисела Вода е во фаза на подготовка на техничка документација за изградба на околу 1600 метри фекална канализација, за улиците Саса 4 и Саса 2, кои за првпат ќе добијат канализациона мрежа, информираат од Општина Кисела Вода. Работејќи на постигнување на рамномерен регионален развој, во општина Кисела Вода со градежни зафати се зафтени и останатите месни и урбани заедници.

Можен прекин на водоснабдувањето во Пинтија

Ивона Петрова — Wed, 13 Jul 2022 06:55:14 +0000

Од „Водовод и канализација“ информираат дека е можен прекин на водоснабдувањето во населбата Пинтија поради прекин на електричната енергија во пумпната станица. – Доколку санацијата од страна на ЕВН потрае подолго, можен е прекин во водоснабдувањето во населбата Пинтија, се наведува во соопштението од „Водовод и канализација“

Пожарот во Пинтија е ставен под контрола

Ивана Ефремовски — Sun, 13 Feb 2022 18:20:50 +0000

Ставен е под контрола пожарот на далеководот, близу трафостаницата во Пинтија. Тој избил нешто по 17 часот, а пожарната експресно реагирала. Според градоначалникот на Кисела Вода, Орце Ѓорѓиевски, кој беше на увид, пожар имало и во Бунарџик, но нема потврда за ова. Тој кажа и дека нема жртви и дека се е под контрола. „Штотуку беше локализиран голем пожар спроти трафостаницата кај индустриската зона. Пожарната вложи максимални напори да го санираат пожарот. Службите на МВР брзо интервенираа. Ќе бидеме тука, бидејќи дел од далеководите се надвор од функција, па да видиме да не избие повторно пожар на некоја позиција. Нема човечки жртви, се е под контрола“, рече градоначалникот Орце Ѓорѓиевски.

Градоначалникот Ѓорѓиевски на терен каде што избувна голем пожар во Кисела Вода

Ивана Ефремовски — Sun, 13 Feb 2022 17:34:36 +0000

Градоначалникот на Општина Кисела Вода, од каде започна проблемот со немањето на струја во Скопје, веднаш излезе на терен со цел расчистување на причините за пожарот кој предизвика прекин на струјата во Скопје, пишуваат Инфомакс.мк. Ѓорѓиевски моментално излезе од партискиот настан во Филхармонија и за најскор можен рок стаса на местото на настанот, пишува порталот.