пиперка – Kurir.mk

Почна бербата на кривогаштанската пиперка за ајвар, цените за откуп допрва ќе се знаат

Ивона Петрова — Tue, 29 Aug 2023 12:29:43 +0000

И, официјално започна бербата на пиперката „куртовска капија“ во Кривогаштанско, една од најквалитетните во државата за ајвар во Општина Кривогаштани, во чест на една од најзначајните земјоделски култури која е во основата на стопанството, востанови и Фестивал.Производителите очекуваат откупната цена да биде од 50 до 60 денари за килограм од прва класа. Во поглед на климатските промени оваа година е намалено производството за 30-тина отсто, иако високиот квалитет е задржан. -Познатата кривогаштанска пиперка се произведува 50-тина години, со оглед на тоа што традициите на производство на пиперки се многу постари. Се пласираше на сите пазари ширум поранешните ју-републики. Сега се стеснети пазарите, но благодарение на преработувачките капацитети што се отворија кај нас, пиперката ја произведуваме во поголеми количества и ја има. Квалитетот е убав, еве почна бербата и секој што има намера да приготвува ајвар, може да почне. Тешко е да се каже за цената, но околу 50 до 60 денари треба да биде за прва класа. Ако се намалуваат лужето се намалува и производството, објаснува производителот на пиперки од кривогаштанско, Зоран Манески. -Кривогаштанската пиперка е многу барана и во земјава и во Европа. Квалитетна е, се произведува во еколошки чиста средина. Се произведуваат: ајвар, пинџур, малиџано... Најпозната е „капијата“, вели производителката Снежана Бојческа. -Уште не е формирмирана цената на кривогаштанските пиперки за ајвар, но очекуваме да постигне добра цена за килограм. Производството е намалено поради временските промени. Во споредба со лани, количествата се намалени за преку 30 отсто. Освен временските услови, влијае и иселувањето на младите, зашто нема кој да работи, смета Благојче Дивјакоски, производител. Преработувачката индустрија уверува дека пиперката и преработките од неа се извезуваат во цел свет и се меѓу најбараните. Инаку, од оваа индустрија велат дека лани од конзервираните производи од државава што се извезве, а во кои значаен дел имаат преработките од пиперката, оствариле девизен прилив од околу 80 милиони евра. -Пиперката „куртовска капија“ што се произведува во Кривогаштанскиот регион е една од најквалитетните и најпозната не само во земјава, туку и во странство. Нашата фирма произведува ајвар исклучиво од оваа пиперка. Можам да се пофалам дека нашиот ајвар е еден од најпродаваните во Америка. Исклучиво работиме за извор. Моментално извезуваме во 15 до 20 држави во светот и секоја година тие количевства се зголемуваат. Годишно извезуваме околу 500 000 тегли, објаснува Бранко Петрески, стопанственик со фирма за преработка. Иницијатори за воспоставување Фестивал на пиперката во Кривогаштани се: невладиното здружение „Лаг Агролидер“ од Прилеп и Општина Кривогаштани за да се нагласат традицијата и културата од Регионот. -Одамна е промовирана идејата за општина Кривогаштани со нејзиното препознатливо производство, на пиперката. Ова е прв фестивал за време на почетокот на бербата на пиперката за ајвар и зимници. Ваква манифестација ги промовира културата и традициите на Кривогаштани, рече Марина Тошеска од невладиното здружение „Лаг Агролидер“. -За првпат Кривогаштани организира фестивал на пиперката. Целта ни е да направиме промоција на традицијата и културата во Кривогаштани, но и промоција на агросекторот, смета Николче Мојсоски, градоначалник на Кривогаштани.

Ќе се утврдат највисоките цени: Поевтинуваат кромидот, пиперките, гравот…

Ивана Ефремовски — Sun, 02 Apr 2023 15:43:41 +0000

Домати, краставици, кромид, карфиол, пипер, грав, леќа, банани, портокали, мандарини и лимон, се дел од зеленчукот и овошјето за кои утре ќе се утврдуваат највисоките цени. Како што соопшти министерот за економија Крешник Бектеши на својот фејсбук профил, анализите на податоците за овие производи се завршени. -Утре се определуваат највисоки цени за домати, крастивици, кромид, карфиол, пипер, грав, леќа, банани, портокали, мандарини и лимон. Ги повикувам граѓаните да дадат исто така придонес во делот на дополнување на листата на производи, како и на цените на кои тие сметаат дека треба да се замрзнат во делот на овошје и зеленчук или други производи. Се грижиме заедно, наведува Бектеши. Владата веќе ја замрзна цената на дел од производите за хигиена, на тестенините, млечните производи и на белиот и полубелиот леб до 450 грама.

Градинарите предупредуваат на проблеми со откупот на пиперката „куртовска капија“

Ивона Петрова — Fri, 13 Jul 2018 13:14:53 +0000

Градинарите од неколку здруженија од струмичко предупредуваат дека залихите кај преработувачите од пиперката „куртовска капија“ од ланската реколта може да предизвикаат проблеми за пласман на годинашново прозводство, рече денеска Драги Памуков од Здружението на земјоделци „Кукла градинар“ од село Куклиш. Според него, иако годинава површините засеани со оваа култура се намалени за 10 отсто во споредба со лани, лесно може да се случи да нема интерес за оваа пиперка, за која бербата треба да почне во средината на август. - Залихата што ја имаат од лани преработувачите нам ќе ни создаде проблеми. Затоа јавно ги повикуваме надлежните државни институции и преработувачите заеднички да седнеме пред сезоната и да ја разгледаме состојбата за да дојдеме до еден општоприфатлив заклучок како да функционираме во екот на бербата на „куртовската капија“, истакна Памуков. Според него, годинава производството на оваа сорта пиперка е намалено за 10 илјади тони во споредба со лани кога родот тежел скоро 60 илјади тони. Од вкупното производство преработувачите обично откупуваат околу 40-45 илјади тони, а околу пет до 10 илјади тони остануваат како вишок на производство.

Градинарите предупредуваат на проблеми со откупот на пиперката „куртовска капија“

Ивана Ефремовски — Fri, 13 Jul 2018 13:06:41 +0000

Градинарите од неколку здруженија од Струмичко предупредуваат дека залихите кај преработувачите од пиперката „куртовска капија“ од ланската реколта може да предизвикаат проблеми за пласман на годинашново прозводство, рече денеска Драги Памуков од Здружението на земјоделци „Кукла градинар“ од село Куклиш. Според него, иако годинава површините засеани со оваа култура се намалени за 10 отсто во споредба со лани, лесно може да се случи да нема интерес за оваа пиперка, за која бербата треба да почне во средината на август. - Залихата што ја имаат од лани преработувачите нам ќе ни создаде проблеми. Затоа јавно ги повикуваме надлежните државни институции и преработувачите заеднички да седнеме пред сезоната и да ја разгледаме состојбата за да дојдеме до еден општоприфатлив заклучок како да функционираме во екот на бербата на „куртовската капија“, истакна Памуков. Според него, годинава производството на оваа сорта пиперка е намалено за 10 илјади тони во споредба со лани кога родот тежел скоро 60 илјади тони. Од вкупното производство преработувачите обично откупуваат околу 40-45 илјади тони, а околу пет до 10 илјади тони остануваат како вишок на производство. (МИА)

Невреме во струмичко: Целосно оштетен родот на пиперка и пченица, надлежните никаде ги нема

Ивона Петрова — Sat, 07 Jul 2018 20:22:12 +0000

Големо невреме денеска го погоди струмичкиот регион, селата Муртино, Моноспитово, Робово, Бориево и Еднокукино беа зафатени од пороен дожд и град, кој целосно го уништи родот на пиперката, но и ја уништи пченицата, која за една недела требаше да се жнее. Земјоделците во очај коментираат дека невремето им зеде се. Буквално по слабиот откуп на доматот, краставицата, зелката и лубеницата, пиперот беше последна надеж за земјоделците од овој регион, сега велат дека се оставени на цедило, бидејќи се што имале е уништено. Надлежните не излегоа со став по невремето. Земјоделците очекуваат оштета, но коментираат дека досега државата за ништо им нема исплатено, а потсетуваат и на земјоделците во Тиквешијата, каде за ланското невреме се обештетени една десетина од тоа што првично им беше најавувано.