Пирц Мусар – Kurir.mk

Пендаровски и Пирц Мусар положија венци на гробот на Гоце Делчев во црквата „Св. Спас“

Ристе Здравков — Tue, 13 Jun 2023 12:54:29 +0000

Во рамки на официјалната посета на Македонија, претседателот Стево Пендаровски и претседателката на Словенија Наташа Пирц Мусар денеска положија венци на гробот на македонскиот револуционер Гоце Делчев во црквата „Св. Спас“ во Скопје, а по завршувањето на церемонијата на положување венци, ги разгледаа иконостасот, иконите и фрескоживописот во црквата „Св. Спас“. Претходно, претседателот Пендаровски, на официјална церемонија со највисоки државни и воени почести во претседателскиот кабинет, ја пречека словенечката претседателка, а по тет-а-тет средбата и пленарниот состанок на официјалните делегации беше одржана заедничка прес-конференција.

Мусар: Треба да се оди 5-6 чекори напред за доброто на Македонија и македонскиот народ, и Словенија го промени Уставот

Ристе Здравков — Tue, 13 Jun 2023 09:52:53 +0000

Претседателката на Словенија, Наташа Пирц Мусар денеска од вила Водно порача дека двете земји се долгогодишни пријатели и дека како претседателка ќе настојува тоа пријателство да биде уште подлабоко и пошироко. -Македонија е во моето срце. Слвоенија секогаш ќе се грижи Македонија да ја добие помошта кон приближување во ЕУ. Тука ме врзуваат посебни чувства. Тука работев пред 10 години кога Македонија за усвојување на националното законодавство, се приближување кон законодавството на ЕУ. Како поранешен новинар, сакам да ги поздравам присутните новинари, бев во вашата професија и знам каква одговорна задача вршите. Словенија и Македонија соработуваат на повеќе полиња и настапуваме заеднички, кажа Мусар на прес-конференцијата со претседателот Пендаровски. Мусар потсети дека и Словенија требаше да го промени Уставот на патот кон ЕУ. -Тогаш во мојата татковина е слушаше како тоа не е добро за словенечкиот народ, дека ќе се изгуби јазикот. Го променивме Уставот во член кој дозволуваше странците да поседуваат имоти и да купуваат. Имаше жешки расправии и дебати, но успеавме во тоа. Словечената политика беше свесна дека треба да биде единствена во европските проекти. Се надевам дека политичарите ќе сфатат колку е битна единственоста и размислувањето дека треба да се оди 5-6 чекори напред за да се сфати што е добро за Македонија и македонскиот народ. Посакувам дека ќе имате доволна политичка мудрост и ќе го промените Уставот, додаде Мусар, потенцирајќи дека и ЕУ треба да ја заврши својата работа.

Пендаровски ја пречека претседателката на Словенија, Наташа Пирц Мусар

Ристе Здравков — Tue, 13 Jun 2023 08:59:21 +0000

Претседателот Стево Пендаровски денеска ја пречека претседателката на Република Словенија, Наташа Пирц Мусар која е во официјална посета на државата. Словенечката претседателка Пирц Мусар е пречекана со највисоки државни и воени почести за време на официјална церемонија во Кабинетот на претседателот. Претседателите Пендаровски и Пирц Мусар ќе имаат тет-а-тет средба а ќе се одржи и пленарен состанок на делегациите на Северна Македонија и Словенија. Во рамки на посетата, во црквата „Св. Спас“ во Скопје двајцата претседатели ќе положат венци на гробот на Гоце Делчев. Исто така, за време на официјалната посета, словенечката претседателка Наташа Пирц Мусар ќе оствари средби и со претседателот на Собранието, Талат Џафери, претседателот на Владата, Димитар Ковачевски и ќе се обрати на свечена седница во Собранието на Република Северна Македонија.

Пирц Мусар ја предупреди Австрија за спорот за граничната контрола

Ивана Ефремовски — Tue, 25 Apr 2023 11:04:31 +0000

Словенечката претседателка Наташа Пирц Мусар ја предупреди Австрија да не продолжува да го троши трпението на нејзината земја во спорот за граничната контрола меѓу двете земји. - Ако наскоро не се договориме, се плашам дека првата акција ќе биде сигнал до Европската комисија и соодветните понатамошни чекори во рамките на бриселската администрација, изјави Пирц Мусар, која е во официјална посета на Австрија. По осум години постојано продолжување на рокот, Виена „немаше никако аргумент“ за гранични контроли. Словенија во последните години покажа „дека може да биде трпелива и сака да постигне решавање на проблемите на различен начин“, нагласи Пирц Мусар. Таа рече дека е „тажна што Австрија не го следи европското право по ова прашање“. - Не сакам уште една летна сезона во која луѓето ќе седат во редици во своите автомобили, иако и Словенија и Австрија се во Шенген зоната и луѓето треба да можат непречено да ја минуваат границата, рече Пирц Мусар. - Борбата против илегалната миграција може да се води со помалку драстични мерки, нагласи словенечката претседателка. (МИА)

Наташа Пирц Мусар е првата жена претседател на Словенија

Катерина Бојаџиева — Sun, 13 Nov 2022 21:30:15 +0000

Наташа Пирц Мусар освои најмногу гласови на претседателските избори и стана првата жена претседател на Словенија. По затворањето на избирачките места со преброени над 90% од гласовите, Пирц Мусар има 53.91 отсто од гласовите. Нејзиниот противкандидат Анже Логар кој доби 46.09 отсто од гласовите го призна поразот.

Анкети: Пирц Мусар со најголема поддршка во вториот круг од претседателските избори во Словенија

Катерина Бојаџиева — Fri, 04 Nov 2022 17:45:05 +0000

Во вториот круг од претседателските избори во Словенија најверојатно ќе победи независната кандидатка, адвокатката Наташа Пирц Мусар, покажуваат резултатите од анкетата што агенцијата Нинамедија ја спроведе за словенечкиот весник Младина од 27 до 29 октомври. Според резултатите од таа анкета, Пирц Мусар би била избрана од 61,3 отсто од гласачите, додека парламентарниот претставник на опозициската Словенечка демократска партија (СДС), Анже Логар, наводно, би бил поддржан од 38,7 отсто од гласачите. Анкетата на Младина покажува дека Наташа Пирц Мусар во голема мера ја поддржуваат симпатизерите на сите три партии од владејачката коалиција (Движење за слобода, социјалдемократи – СД и Левица), но и од оние кои не можат да одлучат која партија да поддржат. Од друга страна, Логар е поддржан од симпатизерите на десничарските партии, СДС и Нова Словенија (НСи). Според податоците на Нинамедија, Пирц Мусар ја поддржале 84,3 отсто од оние кои гласале во првиот круг за заедничкиот кандидат на СД и Движењето за слобода Милан Брглез, 56,9 отсто од оние кои гласале за градоначалникот на Кочевје Владимир Пребилич, и речиси сите гласачи што го поддржаа кандидатот на Левица во првиот круг, Миха Кордиш. Според предизборната анкета на Нинамедија, Анже Логар го поддржале 95 отсто од гласачите на СДС и 77,8 отсто од гласачите кои во првиот круг гласале за претседателскиот кандидат на НСи Јанез Циглер Краљ. Агенцијата Нинамедија предвиде излезност на гласачите од 49,2 отсто за вториот круг од изборите што ќе се одржи на 13 ноември, но истовремено предупреди дека предвидената излезност на гласачите обично е поголема од реалната излезност. Резултатите од првиот круг на претседателските избори покажаа дека помалиот одѕив на гласачите бил во корист на Логар, пишува Младина.

Анже Логар и Пирц Мусар во вториот круг од претседателските избори во Словенија

Ивона Петрова — Mon, 24 Oct 2022 07:23:35 +0000

Поранешниот словенечки министер за надворешни работи Анже Логар освои најмногу гласови во првиот круг од претседателските избори. Според речиси конечните резултати кои покриваат 99,9 отсто од преброените гласови, Логар (46) доби речиси 34 отсто од гласовите, а неговата противкандидатка од левиот центар Наташа Пирц Мусар (54) нешто помалку од 27 отсто од гласовите. Околу 1,7 милиони гласачи ќе одлучуваат за новиот претседател во вториот круг од изборите закажан за 13 ноември.

Логар е член на Словенечката демократска партија (СДС) на поранешниот премиер Јанез Јанша, кој беше разрешен пролетта по контроверзниот мандат проследен со бројни демонстрации. Неговата противкандидатка, адвокатката Наташа Пирц Мусар, синоќа изрази надеж дека ќе стане првата жена што ќе ја предводи Словенија. Премиерот Роберт Голоб, чиј кандидат Милан Брглез освои 15,4 отсто од гласовите, навести своја поддршка за Наташа Пирц Мусар. Новиот претседател ќе го наследи Борут Пахор (58), кој беше во два мандати од пет години.