пире – Kurir.mk

Есенско слатко на кое никој не може да му одолее! Едноставен рецепт за пире од костени со ванила (РЕЦЕПТ+ВИДЕО)

Ристе Здравков — Tue, 31 Oct 2023 08:28:34 +0000

Пирето од костен е вистински есенски десерт кој можете да го направите на безброј начини, а овој рецепт е совршен. СОСТОЈКИ: 400 гр костени 150 гр шеќер 1 лажичка екстракт од ванила 500 мл вода ПОДГОТОВКА:

Несекојдневна мусака со пире од компир: Оваа верзија на мусака не само што е вкусна, туку е и омилена на децата!

Ристе Здравков — Thu, 30 Mar 2023 07:54:23 +0000

Состојки: 1 кг компири 500 гр мешано мелено месо 1 главица кромид 1 чешне лук 1 дл сок од домати 2 јајца 1 дл млеко 2дл крем за готвење 1 лажица кисела павлака зачини по вкус магдонос Подготовка: Компирите сварете ги, па испасирајте ги, додадете малку путер, млеко и зачинете го пирето по вкус. На малку масло се пропржуваат ситно сечканите лук и кромид, се додава месото и зачините и се динста малку. По некое време, додадете сок од домати. Во лесно набрашнет сад за печење ставете половина од пирето, па смесата со месото, па другата половина од пирето. По желба одозгора може да се додаде и рендано сирење. Се пече 15-20 минути на 180-200 степени додека бојата на површината на мусаката не порумени.

Со ОВОЈ едноставен трик ќе направите вашето пире да стане деликатес

Ивана Ефремовски — Tue, 20 Dec 2022 14:26:33 +0000

Пирето од компири е вистинска класика помеѓу прилозите за јадење. За тоа потребно е да ги излупите компирите, да се сварат во вода, добро да се изгмечат, а потоа се додава малку млеко, маргарин сол и бибер. Но, професионалните готвачи тврдат дека со помош на овој едноставен трик пирето може да добие поразлична арома. Компирот е како мал сунѓер – ја впива течноста во која се готви (а поради тоа пирето подоцна може полесно да се гмечи). Но, водата не му дава никаква арома на компирот, а поради тоа најдобро е компирот да го варите во малку посолено млеко. Така компирот веднаш ќе преземе дел од аромата и подоцна во текот на процесот на правење ќе биде кремасто. Освен тоа, кога го правите пирето во млекото додадете малку густин. Доколку подоцна ви треба малку повеќе течност за пирето тогаш нема да мора да додавате ладно млеко од фрижидерот туку мешавина на густин и млеко – тоа ќе го згусти и ќе му додаде арома на пирето. За уште поинтензивен вкус може да го направите компирот во павлака за готвење и да го зачините со малку лук и свежи зачини (како мајчина душица или рузмарин).

Пире од морков, идеален прилог со месо

Ивона Петрова — Wed, 30 Nov 2022 09:35:10 +0000

Подгответе поразлично и вкусно пире кое може да го послужите како прилог со месо Состојки: 400 гр. исчистени моркови 1 лажица сушен зеленчук 1 лажица суви билни зачини 1 лажица путер 50-60 мл. млеко Морковите заедно со зачините и сувиот зеленчук варете ги заедно додека морковот да омекне. Вишокот вода исцедете го, па изблендирајте го морковот додадете малку млеко и путер и се добро измешјате. Ставете го кратко на оган на умерена температура.

Спој на пире од костени и џем од кајсии кој дава ЕКСПЛОЗИЈА на вкусови: Посна торта која ќе ја правите и во мрсните денови

Ристе Здравков — Wed, 16 Mar 2022 09:50:42 +0000

Доколку немате идеја што би можеле да подготвите од слатки за време на велигденските пости, оваа посна торта од пире од костен и џем од кајсии ќе биде совршен избор за целото семејство, но и за родендени, прослави… Костенот е неверојатно здрав, полн со влакна, протеини, здрави масти, а ако го јадете редовно, одличен е за здравјето на срцето, дигестивниот тракт, добар за крвен притисок, анемија, ги зајакнува коските и забите… И затоа не двоумете се да го вклучите во вашата исхрана секогаш кога имате можност. Состојки: За кората 200 гр мелени ореви 250 мл сок од портокал 300 гр брашно 150 гр мед 200 гр шеќер 2 ванилин шеќер лажица какао 1 прашок за пециво 100 мл масло За фил 750 гр пире од костен 50 гр џем од кајсии 200 гр сечкани ореви 3 лажици рум За глазурата 200 гр посно чоколадо лажица масло Подготовка: За кората: Измешајте ги сите потребни состојки за кората. Во загреана рерна се пече кората на 180 степени. Ќе ви требаат околу 40 минути. Кога ќе се излади, кората поделете ја на три дела. За филот: Соединете го пирето од костен, џемот, румот и измешајте, па додадете ги сечканите ореви. За глазура: растопете го чоколадото со маслото. Наредете ред кора, ред фил, а одозгора прелијте ја со глазурата.

Направете превкусно пире од моркови

Ивона Петрова — Sun, 30 Jan 2022 14:32:22 +0000

Превкусно, а неправедно запоставено. Подгответе пире од моркови и уживајте. Состојки: 3 моркови со средна големина помало чешне лук третина чаша бистра пилешка супа две лажици слатка павлака лажичка путер сол, бибер Морковите исчистете ги, исечете ги на парчиња и варете во солена зовриена вода додека не омекнат. Добро испасирајте ги, па додадете ја супата, лукот, путерот и слатката павлака. Кратко матете со миксер, посолете, додадете бибер и веднаш послужете. Добар апетит.

Сите заборавија на традиционалното пире од компири откако го вкусија ова

Дарко Андоновски — Tue, 07 Jan 2020 21:26:57 +0000

Компирите и сирењето се 2 незаменливи состојки во сечија кујна, од кои може да приготвите многу вкусни јадења. Но, што кога ќе ги комбинирате заедно? Оваа необична комбинација нема да ве остави рамнодушни.

Потребни состојки

800 гр компири
400 гр кашкавал
200 мл кисела павлака
30 гр путер
2 парчиња моцарела или обично сирење
Сол и мелен црн пипер по ваш вкус

Начин на подготовка

Излупете и сварете ги компирите. Додадете сол по ваш вкус за време на варењето. Добро истолчете ги сварените компири, откако ќе ги прецедите. Следно, поставете ги истите на мал оган, притоа додадете ги павлаката и путерот. Добро измешајте ги сите состојки заедно, додека путерот целосно да се растопи, а потоа додадете мелен црн пипер. Изрендајте го кашкавалот, со цел побрзо да се растопи. Постепено додадете ја и моцарелата кон компирите, без да го прекинувате мешањето. Сервирањето на ова чудесно пире може да го направите со месо или риба, а може да додадете и пржени печурки. Пријатен апетит!