пирели – Kurir.mk

Пирели останува во Формула 1 до 2027

Тале Кристо — Thu, 12 Oct 2023 19:44:42 +0000

Италијанскиот производител на пневматици Пирели ќе биде ексклузивен снабдувач на гуми за Формула 1 до крајот на 2027 година, објави Меѓународната автомобилистичка федерација (ФИА). Договорот предвидува опција за продолжување на соработката за уште една година „Посветеноста на оваа компанија кон квалитетот, иновациите и нејзиното длабоко познавање на нашиот спорт ќе биде од суштинска важност во годините кои доаѓаат, како што ќе се приближуваме до новите прописи во 2026“, рече првиот човек на Формула 1, Стефано Доменикали. Пирели, кој е ексклузивен снабдувач на Формула 1 од 2011 година, ќе продолжи да биде генерален спонзор и во Формула 2 и Формула 3.

Пирели го продолжи договорот со Формула 1 до 2027 година

Бошко Тасиќ — Wed, 11 Oct 2023 05:52:14 +0000

Италијанскиот произведувач на пневматици Пирели, ќе продолжи да биде ексклузивен добавувач на гуми за Формула 1 и во следните четири години, до крајот на 2027 година, со опција соработката да биде продолжена до 2028 година. Пирели ги снабдува тимовите со гуми од 2011 година, а ќе продолжи да ги снабдува и тимовите во Формула 2 и Формула 3. „Посветеноста на квалитетот на оваа компанија, иновациите и нејзино длабоко познавање на нашиот спорт, ќе биде од суштинско значење во годините кои доаѓаат, кога ќе се приближуваме до новите правила во 2026 година“, рече претседателот на Формула 1, Стефано Доменикали.

Интер по 25 години го менува „Пирели“ со азиски спонзор на дресовите

Ивона Петрова — Sun, 03 Jan 2021 08:49:12 +0000

Еден од најтрофејните италијански фудбалски клубови Интер наскоро може да добие нов спонзор, откако веќе 25 години на своите дресови го носи логото на производителот на автомобилски гуми „Пирели“. Како што објавија италијанските медиуми, Интер се надева дека ќе успее да склучи зделка со азиска компанија и во иднина на својот дрес да го носи логото на „Evergrande“, „Hisense“ или „Samsung“. Кинеската „Evergrande“ се занимава главно со продажба на станови и во последните неколку години е највредна компанија во светски рамки на пазарот на недвижности. „Hisense“, исто така, е кинеска компанија, што се занимава со производство на телевизори и бела техника, додека јужнокорејскиот „Samsung“ е најголем светски производител на електронски апарати. Во Интер се надеваат дека новиот спонзорски договор ќе им носи годишен приход меѓу 30 и 35 милиони евра.

Формула 1 тимовите ги отфрлија гумите на Пирели за 2020 година

Тале Кристо — Tue, 10 Dec 2019 19:14:17 +0000

Тимовите од Формула 1 не се задоволни од понудата на пневматици за 2020 година што им ја испрати италијанскиот производител на гуми, Пирели. Од Пирели се надеваа дека новиот дизајн ќе биде чекор напред во плановите за воведување на помалку чувствителни гуми за Ф1 болидите. Но, на тестирањата во Абу Даби, тимовите не ги користеа новите гуми, туку старите од штотуку завршената сезона 2019. Договорот на Пирели со Светската автомобилска федерација ФИА, е до 2023 година, па ова е голем удар за производителот кој ги снабдува тимовите од 2011 наваму. Возачите сакаат поиздржливи гуми, со кои ќе може и подобро ќе се тркаат. Гумите на Пирели се користат во Формула 1 од 2011 година и имаат тенденција на прегревање кога силно се користат што значи дека возачите не може долго време да возат до противникот.

Пирели ќе започне со тестирање на нови гуми за 2021 веќе оваа сезона

Ристе Здравков — Tue, 29 Jan 2019 19:21:00 +0000

Ексклузивниот производител на гуми за тимовите од Формула 1, Пирели, планира оваа година да започне тестирање на пневматици кои ќе се употребуваат сезоната 2021. Како што објави Ф1, компанијата го направи овој чекор со цел најдобро да се подготви за големи промени во техничките прописи што ќе важат од 2021 година. Меѓу другите, ќе се воведат 18-инчни гуми наместо сегашните 13-инчни. – Прототипите веќе се развиваат во истражувачкиот центар на Пирели во Милано. Во втората половина од 2019 година тие ќе бидат тестирани, објавија од компанијата. За потсетување, Пирели победи на тендерот за снабдување со гуми на Ф1 тимовите до 2023 година.