пирин – Kurir.mk

РТС објави дека вториот починат турист на Пирин е српски државјанин, бугарските медиуми претходно објавија дека е со македонско потекло

Ивона Петрова — Tue, 03 Jan 2023 14:13:36 +0000

Радиотелевизија Србиаја (РТС) јави дека српски државјанин Д.Г. настрадал за време на планинарење во Бугаријa. РТС повикувајќи се на бугарските медиуми објави дека по повеќедневна потрага, при што е користен и дрон, пронајдени се телата на Д.Г. и на еден бугарски државјанин на Вихрен, највисокиот врв на планината Пирин. Телата ги пронашле планинските спасувачи од Банско, Разлог и Сандански. Претходно, бугарските медиуми објавија дека една од жртвите е со македонско потекло. https://kurir.mk/makedonija/vesti/otvorena-istraga-identifikuvan-vtoriot-pochinat-turist-pronajden-na-pirin-so-poteklo-e-od-makedonija/

Идентификувано и второто од двете пронајдени тела на Пирин, еве дали станува збор за македонски државјанин

Тале Кристо — Mon, 02 Jan 2023 18:24:45 +0000

Бугарската полиција го идентификуваше второто тело, кое беше пронајдено заедно со телото на бугарски турист по кој се трагаше една недела, објави локалното издание „24 Часа“. Како што јави дописникот на МИА од Софија, второто тело е на српски, а не на македонски државјанин. Српскиот турист ја прославил Новата година во семеен хотел во околината и на 1 јануари отишол на пешачење до врвот Вихрен на планинатата Пирин. На снимка направена со дрон се гледа дека во реонот каде што се пронајдени двете тела има и црвена јакна, но не е јасно дали има човек во неа или тоа е само надворешната облека. Спасувачите коментираат дека јакната била на многу поголема надморска височина од местото каде што ги нашле двајцата починати планинари и оти нема пристап во овој момент до локацијата. Хеликоптер на бугарското воено воздухопловство нема да може помогне во подигањето на телата, поради силниот ветер во таа областа. На овој начин нема да може да се погледне околу ова место за да се види дали има друго лице, коментираат планинските спасувачи. Нова група спасувачи со втора количка е на пат кон местото под планината Вихрен, за со неа да биде пренесено и второто тело на српскиот државјанин. Се очекува акцијата да заврши во ноќните часови.

Спасени петмината македонски скијачи на Пирин, пренесени се во Банско

Дарко Андоновски — Sun, 13 Jan 2019 20:21:20 +0000

Спасувачката акција на планината Пирин во Бугарија успешно заврши и петмината македонски скијачи и сноубордери кои скијале надвор од обележаните патеки и паднале во дол се извлечени. Информацијата ја потврди Горската спасувачка служба во Банско, пренесува МКД.мк Македонските скијачи, според службата, се добри, во добра здравствена состојба, неповредени и веќе се пренесени во хотелите во Банско, каде што биле сместени. Сигналот за помош стигнал до Горската спасувачка служба во Банско, и во 20 часот по локално време десет спасувачи ја почнале акцијата за извлекување на петтемина Македонци.

Акција за спасување на петмина Македонци на Пирин: Скијале надвор од обележаните патеки, па пропаднале во дол

Дарко Андоновски — Sun, 13 Jan 2019 18:56:11 +0000

Петмина македонски скијачи и сноубордери кои скијале надвор од обележани патеки на планината Пирин во Бугарија, пропаднале во дол и во тек е спасувачка акција за нивно извлекување од страната на Дамјанишка долина на Пирин, јавува агенцијата БГНЕС. Сигналот за помош стигнал до Горската спасувачка служба во Банско, и според агенцијата, во 20 часот по локално време десет спасувачи ја почнале акцијата за извлекување на петтемина Македонци. Сите петмина, како што јавиле спасувачите, се во добра состојба и не се во опасност.