пирло – Kurir.mk

Пирло по поразот од Порто во ЛШ: Тешко е кога ќе примите гол во првите минути

Тале Кристо — Thu, 18 Feb 2021 07:11:03 +0000

Тренерот на Јувентус, Андреа Пирло, ги кажа своите впечатоци по првиот натпревар со Порто во осминафиналето во Лигата на шампионите против Порто. Португалскиот тим синоќа победи со 2:1. – Кога ќе примите го во првите минути, станува многу тешко, особено кога играте против тим како Порто, кој се брани со две компактни линии и малку дозволува да го загрозите. Ние им допуштивме да играат како што посакуваа. Моравме да играме со топката подобро и побрзо. Порто беше одличен во покривањето на слободните зони во центарот на теренот и требаше подобро да ги искористиме крилните позиции, но со бавно играње со топка, ова не е лесно. Се надевам дека во реваншот ќе бидеме поуспешни, изјави Пирло. Возвратниот натпревар е закажан за 9 март на теренот на Јувентус.

Пирло: На Јувентус не му треба шлаканица за да се разбуди

Тале Кристо — Mon, 26 Oct 2020 10:34:26 +0000

Тренерот на Јувентус, Андреа Пирло ги сумираше впечатоците од синоќешниот натпревар од 5. коло на италијанскиот шампионат против Верона (1:1). – Нашето прво полувреме не беше доволно агресивно, но сепак создадовме шанси. Одлично одговоривме на начинот на кој поведоа, но не ни треба шлаканица за да се разбудиме и да започнеме интензивно да играме. Се обидовме да го избегнеме нивниот висок притисок, а во второто полувреме функционираше подобро. Тешко е со нив, можевме и подобро. Можеме да играме во напад со Роналдо, Мората или Дибала, во зависност од карактеристиките. Класична позиција на Роналдо е да започне малку лево и да се движи кон центарот. И Дибала и Кулушевски можат да го сторат тоа, истакна Пирло во изјавата за „Sky Sport Italia“.

Пирло: Роналдо е симбол на светскиот фудбал, на 35 години работи како младинец

Тале Кристо — Tue, 13 Oct 2020 16:46:30 +0000

Тренерот на Јувентус, Андреа Пирло, го пофали напаѓачот на тимот Кристијано Роналдо. Да го тренираш Кристијано е одлично чувство. Многу е пријатно и за мене и за тимот. Тоа е симбол на светскиот фудбал. На 35 години, тој сè уште работи како младинец претставува пример за другите, го цитира Пирло „Скај Спорт Италија“. Оваа сезона, Португалецот одигра два натпревара во Серија А, на кои погоди трипати и забележа една асистенција.

Роналдо го спаси Јувентус од пораз на дербито со Рома

Ивона Петрова — Mon, 28 Sep 2020 05:22:28 +0000

Кристијано Роналдо постигна три гола на два натпревара за Јувентус под водство на Пирло. Португалецот синоќа на дербито со Рома два пати се запиша во листата на стрелците и го спаси шампионот од пораз. Рома водеше со 1:0 и 2:1, имаше и играч повеќе од 62.минута, но на крајот мораше да се задоволи само со бод. Јувентус има четири, Рома еден бод по првите две кола во Серија А.

ВИДЕО: Играше со Роналдо, Пирло и Сидорф, а сега работи како пекар и сече дрва

Тале Кристо — Sat, 14 Dec 2019 08:13:08 +0000

Фудбалот е спорт кој им овозможува секакви задоволства на играчите кои на крајот успеваат да дојдат до професионално ниво, но огромните финансиски бенефиции, не се секогаш гаранција за мирен и сталожен живот, особено поради тоа што има случаеви кои ни докажуваат дека парите навистина знаат да ги однесат играчите на лош пат. Праксата во безброј наврати ни има докажано дека постојат фудбалери кои едноставно не знаат добро да управуваат со своите заработени пари, а последен ваков пример ни е поранешниот познат италијански дефанзивец, Фабио Мачелари. Левиот бек најмногу натпревари одигра за Лече и Калјари, но беше дел и од страшниот тим на Интер во 2001-ва година и ја делеше соблекувалната со играчи како Роналдо, Пирло и Сидорф. За жал, големата слава влијаела многу лошо врз Мачелари, кој сега на 45-годишна возраст е приморан да го издржува своето семејство на начин на кој никој не би го замислил. Во гостувањето во „Медиасет“, Мачелари открива дека во изобилство на пари станал и зависник од дрога, а само семејството му помогнало да се врати на прав пат, па сега како обичен граѓанин работи како пекар, а во слободното време работи и како сечач на дрва. – Постојано излегував, ноќта ја минував надвор и доцнев на тренинзите. Дрогата ме тресна од земја, брзо ги снема моите пари и мојата кариера. Ако можам да се вратам назад, ќе променам многу нешта, – порачува Италијанецот и додава. – Толку се забавував и трошев, што на една обична личност ќе и требаат четири животи да го направи тоа. За среќа, со поддршка од семејството се вратив на правиот пат. Сега работам во пекарница и повремено одам со трактор и сечам дрва, – се исповеда Мачелари.

Извор: Дерби.мк