Пирогов – Kurir.mk

Хоспитализираните во „Пирогов“ се во стабилна состојба, еден денеска ќе биде опериран

Ивона Петрова — Thu, 25 Nov 2021 08:49:17 +0000

Сите пациенти повредени во автобуската несреќа на автопатот Струма се во стабилна општа состојба, и нема опасност по нивните животи, соопшти денеска болницата „Пирогов“. Вчера беа оперирани двајца пациенти кои исто така се во добра општа состојба. Повредените кои биле на интензивна нега денеска се пренесени на одделението на Клиниката за изгореници и пластична хирургија. Едно од повредените лица денеска треба да биде оперирано. Со оглед на шокот од несреќата и тешките психички трауми, хоспитализираните добија и специјализирана психолошка поддршка од болницата. Се уште нема јасна прогноза кога може да се отпуштат, велат од „Пирогов“. Во болницата се хоспитализрани седум лица кои беа донесени по автобуската несреќа на автопатот Струма во раните утрински часови на 23 ноември.

Османи смета дека повеќето загинати се од Скопје

Ивона Петрова — Tue, 23 Nov 2021 07:35:05 +0000

Министерот за надворешни работи на Македонија, Бујар Османи, пристигна во болницата „Пирогов“ во Софија да ги види преживеаните во автобуската несреќата на автопатот „Струма“ во Бугарија. Тој изјави дека туристичката агенција е од Скопје, а според непотврдени информации меѓу загинатите во несреќата има и повеќе од 10 деца. Жртви, како што рече Османи, се и млади парови кои го искористиле продолжениот викенд, имајќи предвид дека вчера беше празник – Ден на албанската азбука. Тој смета дека повеќето граѓани се од Скопје. Во „Пирогов“ беше и премиерот Стефан Јанев. Се очекува да пристигне и премиерот на Република Северна Македонија Зоран Заев.

Седумнаесетгодишно девојче и шест возрасни лица се хоспитализирани во Софија

Ивона Петрова — Tue, 23 Nov 2021 06:11:49 +0000

Во болницата Пирогов во Софија по несреќата со автобусот на автопатот Струма се примени 17-годишно девојче и шест возрасни лица, изјави за БТА д-р Маја Аргирова од Клиниката за изгореници при медицинската установа. Нема опасност по нивните животи. Девојчето и петмина од возрасните се на Клиниката за изгореници, а еден е упатен на Клиниката за трауматологија. На сите им се прават дополнителни прегледи во болницата. Несреќата се случи на магистралниот пат Струма нешто по 02.00 часот, кај селото Боснек. Автобусот со макеоднски таблици сообраќал во правец на Република Северна Македонија. Возилото во Бугарија влегло од Турција. Малку по полноќ автобусот застанал на бензинска пумпа во близина на Софија, по што продолжил. Несреќата се случила еден час подоцна. Засега нема потврда дали автобусот прво излетал од патот, а потоа се запалил или најпрво настанал пожар нво возилото. Според првичните информации, причината поради која луѓето не можеле да се спасат е тоа што автобусот се превртел.