пироман – Kurir.mk

Приведен пироманот по кој трагаше полицијата

Ристе Здравков — Sat, 15 Aug 2020 09:28:12 +0000

СВР Скопје - Единицата за насилен криминал, до Основното јавно обвинителство Скопје ќе поднесе писмено известување за 17-малолетник од с.Мојанци, скопско, поради постоење основи на сомнение дека сторил кривично дело „предизвикување општа опасност“. На 04.08.2020 на социјалната мрежа „Тик-Ток“ тој објавил видео и фотографии како предизвикува пожар, односно потпалува нискостеблеста шума и трева на јавна површина. Фотографиите и видеата биле споделени на повеќе социјални мрежи, по што Секторот за компјутерски криминал и дигитална форензика презеде мерки и активности и на 05.08.2020 до СВР Скопје-Единицата за насилен криминал доставена е документација со повеќе снимени видео клипови на кои се гледа дел од фигура на лице како врши потпалување на повеќе дрва и грмушки на јавна површина - планина, како и фотографии од лице со профил на социјална мрежа „Тик-Ток“, под псевдоним Д.К.. Од страна на полициските службеници од Единицата за насилен криминал беа преземени мерки и активности, при што било утврдено дека лицето кое предизвикува пожар на јавна површина е 17-годишен малолетник од с.Мојанци, а местото каде што го извршува кривичното дело се падините на блиската шума над с.Мојанци. По утврдување на идентитетот, на 13.08.2020 малолетникот заедно со неговиот татко бил повикан на разговор во просториите на Единицата за насилен криминал, каде што во присуство на инспектор по малолетничка деликвенција, го признал делото и потврдил дека тој палел нискостеблеста трева и шума на падините на блиската шума над с.Мојанци. За настанот бил запознаен Јавен обвинител за малолетници и по негови насоки делото е квалификувано како „предизвикување општа опасност“, предвидено и казниво член 288 од Кривичниот законик.

Полицијата трага по пироманот што се снимаше како потпалува шума

Ристе Здравков — Wed, 05 Aug 2020 14:21:43 +0000

Нa 04.08.2020 до Секторот за компјутерски криминал и дигитална форензика при МВР, преку сервисот „Црвено копче“ пристигната е пријава за лице кое на сервисот за споделување на видеа ТИК ТОК се снима додека врши палење на јавни површини. Пријавата е доставена до СВР Скопје, како надлежна организациона единица која постапува по сторени кривични дела од таа област. МВР презема мерки и активности за утврдување на точниот идентитет на снимката и на учесниците во неа, како и за понатамошно расчистување на настанот. Станува збор за лице од Скопје кое на Тик-Ток објави видео од профилот „djeloking 2020“ и од „забава“, на некој рид запали намерно грмушка и предизвикува потоа голем пожар.

Истепал полицаец среде бел ден– не му дозволил на пироман да запали контејнер

Дарко Андоновски — Wed, 06 Jun 2018 16:29:26 +0000

На 05.06.2018 година во 13.25 часот на улица „Филип Втори Македонски“ во Битола додека полициски службеник вршел работи од областа на безбедноста на сообраќајот забележал лице кое сакало да фрли запалена хартија во контејнер, информираат од СВР Битола. Истиот усно го предупредил по што лицето започнал вербално да го навредува и физички го нападнал. По преземени мерки од слобода е лишен О.М.(47) од село Долно Агларци, битолско и по целосно расчистување на случајот ќе биде поднесен соодветен поднесок.

Никој не може да му застане на патот: Малолетен пироман запали бездомник, уништи гробишта, а сега пак НАПРАВИ ХАОС!

Александар Михаилов — Sat, 30 Dec 2017 19:52:14 +0000

Момчето А. К. (15), кој е осомничен дека последните неколку денови запали четири автомобили во Нови Сад, е малолетникот кој учествувал во палењето на бездомникот Драгутин Тодорчевиќ и уништување на еврејски гробишта. Тоа е истото момче, кое пред неколку недели избегало од Домот за деца без родители и родителска грижа во Панчево. Тој е осомничен дека учествувал во уривање на 47 споменици на еврејските гробишта во тој град. Исто така, А. К. минатата година, ноќта меѓу 12 и 13 декември, со двајца пријатели во Нови Сад, а еден од нив е С.Н. ноќта го запалија бездомникот Драгутин Тодорчевиќ кој почина од изгорениците. Ова не е првпат петнаесетгодишниот насилник да запали автомобили. - Само минатата година беше осомничен дека запалил три автомобили во Нови Сад. Сега тој повторно избегал од куќата од која многу често бега и веднаш почнал да пали автомобили. Запали два автомобила, а од огнот беа зафатени уште два паркирани автомобили - пишува Блиц. Полицијата работи на откривање на пироманот што го запалил автомобилот на нивниот колега пред три дена на булеварот на Нови Сад. Засега не е исклучено дека ова е дело на младиот пироман, но случајот не е целосно разјаснет. Да се потсетиме, АК беше фатен пред две недели на железничката станица во Нови Сад, а полицијата потоа го подочи како еден од оние кои се одговорни за вандализмот на еврејските гробишта во Панчево. Веднаш беше вратен во домот во Панчево, од каде што повторно избега и почна да пали автомобили. А проблематичниот малолетник беше сместен во домот откако избегал од згрижувачко семејство.