пирот – Kurir.mk

Градоначалникот на Пирот по истекувањето амонијак: Оптимистички прогнози, утре најверојатно ќе ја укинеме препораката за училиштата

Катерина Бојаџиева — Tue, 27 Dec 2022 09:30:00 +0000

Владан Васиќ, градоначалник на српскиот град Пирот, каде во сила е вонредна состојба по истекување на амонијак од превртен вагон, изјави дека има простор за оптимизам со оглед на тоа што вчера во индустриската зона беше поставена уште една мобилна станица за мерење на квалитетот на воздухот, а сега ги има две. Тој појасни дека граѓаните можат да го проверат квалитетот на воздухот и концентрацијата на амонијак преку веб-страницата pirot.kosava.net. Кога станува збор за квалитетот на водата, пред се Нишава, Васиќ вели дека според синоќешните податоци на Институтот за јавно здравје, кај Бела Паланка може да се забележи пад на концентрацијата на амонијак, пренесува РТС. – Доколку продолжат таквите оптимистички прогнози, очекувам да ја укинеме препораката за затворање на училиштата и од утре да почнат со физичко присуство, како и да почнат да работат работните организации, вели Васиќ, додавајќи дека вонредната состојба нема да се укине додека не се отстрани сиот товар од шините и околината.

Во Пирот се уште вонредна состојба, и натаму има протекување на амонијак

Ивона Петрова — Tue, 27 Dec 2022 08:23:34 +0000

Во Пирот се уште е на сила вонредната состојба поради истекување на амонијак од вагон-цистерна кој излета од шините на десетина километри од градот, а според последните анализи на воздухот, во градот нема амонијак, но гасот од резервоарот се уште протекува, па концентрациите во тој дел се зголемени, јави денеска РТС. Училиштата и градинките и денеска нема да работат. Двајца мажи починаа, а обдукцијата ќе покаже дали причината за смртта е труење со амонијак. Од околу 50 повредени во болниците во Пирот и Ниш, 11 се задржани на лекување. Директорот на ЈП „Водовод и канализација“ Пирот Зоран Николиќ за РТС изјави дека водоснабдувањето на градот не е доведено во прашање, бидејќи не се снабдува од отворени водотеци, реки и езера, туку од извори. -Сè е затворено и затоа постои минимална веројатност да се случи некакво загадување во однос на квалитетот на водата, рече Николиќ и истакна дека Пирот има и фабрика за вода, која, како што вели, може да помогне доколку се случи некој проблем. Тој посочува дека водата во Пирот е сосема исправна, дека водоснабдувањето е редовно, но поинаква е ситуацијата во Станичење каде се излизга вагонот-цистерна.

-Ситуацијата е поинаква, локалниот извор во Станичење е на 150 метри од Нишава. Иако анализите покажаа дека и водата е исправна, дека нема присуство на амонијак, рече Николиќ. Како што вели, квалитетот на водата се следи дење и ноќе, а се вршат и вонредни и редовни контроли. Градоначалникот на Пирот, Владан Васиќ изјави дека резултатите се многу подобри кога станува збор за контаминација на воздухот и водата со амонијак во тој град и дека очекува од утре децата да се вратат во училишните клупи, а вработените на своите работни места. Васиќ за РТС вели дека е поставена мобилна станица која го мери квалитетот на воздухот во индустриската зона, која го мери амонијакот. -Од час во час присуството на амонијак е во белата зона. Не е ни во зелената зона, што е прифатливо, туку под границата. Исто така, голем пад на амонијак е забележан во Нишава кај Бела Паланка, изјави Васиќ. Градоначалникот Пирот очекува на денешната седница на Кризниот штаб да биде укината препораката за затворање училишта и работни организации.

Возот кој излетал од шините во Србија бил натоварен во Бугарија

Дарко Андоновски — Mon, 26 Dec 2022 07:00:55 +0000

Товарниот воз со амонијак што излета од шините во источна Србија бил натоварен во Бугарија. Тоа го изјави бугарскиот заменик министер за транспорт Красимир Папукчииски за БТВ. Несреќата се случи кај Пирот. Според Папукчииски, нема начин да се бара одговорност од бугарска страна, бидејќи инцидентот се случил на територијата на Република Србија. Товарот бил префрлен од бугарската инфраструктура во српската, во моментот на излетувањето со составот стопанисувале српската железница. Единствениот кој ќе учествува во истрагата е сопственикот на цистерните. Сите 20 вагони се француски и германски, а биле транспортирани од бугарски приватен оператор, посочи бугарскиот заменик министер. Тој ги советува бугарските граѓани да го ограничат патувањето во Србија.

ПРОГЛАСЕНА ВОНРЕДНА СОСТОЈБА, УЧИЛИШТАТАТА НЕМА ДА РАБОТАТ – нови детали за труењето кај Пирот, меѓу хоспитализираните има три деца!

Дарко Андоновски — Mon, 26 Dec 2022 06:30:31 +0000

Владан Васиќ, градоначалник на Пирот и шеф на Градскиот штаб за вонредни состојби, на прес-конференција рече дека во тој град е прогласена вонредна состојба. По тој повод рече дека училиштата нема да работат во понеделник, како и дека водата во тој дел не е за пиење. Да потсетиме, на делот од автопатот Ниш - Димитровгад, меѓу Пирот и Станичење, надвор од населено место, се преврте вагон со амонијак. Повеќе од 50 лица побарале лекарска помош поради труење со амонијак. Од нив седуммина се повредени во незгоди предизвикани од истекување на амонијак, односно излетување од патот, а еден од нив бил тешко алкохолизиран и пренесен во КЦ Ниш. Српските медиуми наведуваат и дека меѓу хоспитализираните има и деца, а засега само во Универзитетската клиника во Ниш има на лекување три деца.