пиротехничари – Kurir.mk

Авионски и рачни бомби, тенковски мини: За три дена пронајдени над 800 неексплодирани убојни средства од двете Светски војни

Ивона Петрова — Tue, 15 Nov 2022 10:07:37 +0000

Пиротехничарите на Дирекцијата за заштита и спасување во изминатиот период пронашле голема количина на неексплодирани убојни средства. Како што информираат од ДЗС дел од нив датираат од Првата Светска Војна и дел од нив се од Втората Светска Војна. - На ден 11.11.2022г. во реонот на Битола се пронајдени 837 рачни бомби, два дена подоцна на 13-ти ноември, на патот Извор, Дебар се пронајдени 4 авионски бомби SB германско производство и истите се уништени на лице место при што се превземени сите безбедносни мерки за нивно ништење. Веќе следниот ден во село Плетвар биле пронајдени две тенковски школски мини, информира ДЗС. Истовремено се интервенирало и во Гевгелија, Дојран, Ресен каде се пронајдени девет неексплодирани убојни средства. Дел од гранатите се уништени на лице место, а дел се безбедно подигнати за понатамошно ништење.

Во Јемен загинаа петмина пиротехничари, од кои тројца Балканци

Ивона Петрова — Mon, 21 Jan 2019 18:57:31 +0000

Во експлозија во Јемен загинаа петмина пиротехничари, од кои двајца Јужноафриканци и по еден државјанин на Хрватска, Босна и Херцеговина и Косово, соопшти денеска саудиската фирма во која биле вработени жртвите. Во соопштение од Центарот за хуманитарна помош на саудискиот кралот Салман, пак, се наведува дека во експлозијата што се случи вчера, е повреден и еден британски државјанин. Пиротехничарите, ангажирани во рамки на проектот за деминирање што во Јемен го спроведува Саудиска Арабија, загинале во експлозија што се случи додека во возило превезувале противпешадиски мини и други експлозивни направи, што требало да се уништат. Несреќата се случи во покраината Марибу во централниот дел на Јемен. Во војната во Јемен провладините сили со помош на Саудиска Арабија војуваат против бунтовниците Хутите, на кои им помага Иран и кои се обвинуваат за масовно користење мини. МИА