пиротехнички материјали – Kurir.mk

ИМА ЗАГИНАТИ И ПОВРЕДЕНИ – експлозија во фабрика за пиротехника во Словенија (ВИДЕО)

Дарко Андоновски — Fri, 17 Feb 2023 15:31:25 +0000

Експлозија се случи во компанијата за продажба на пиротехника Хамекс во Врхника, Словенија, при што едно лице загина, а двајца тешко се повредени. Како што јави „Н1 Словенија“, експлозијата се почувствувала во поширока област на градот. На местото на несреќата се испратени повеќе екипи на Брзата помош. Полицијата го обезбеди местото, а пожарникарите го гаснат пожарот.

Eksplozija Vrhnika? A kdo ve kaj o tem? pic.twitter.com/GGQFzobUt2
— Gregor Živec (@zivecgregor) February 17, 2023

Пожарникарите за Н1 потврдија дека имало пожар во споменатата компанија, и дека пожарот е веќе локализиран. Жителите на Врхник велат дека слушнале три експлозии. Компанијата е основана во 1991 година и ги продава своите производи на клиенти во Словенија, Хрватска и Босна и Херцеговина.

Запленети 560 парчиња разновидни пиротехнички материјали во Тетово

Дарко Андоновски — Thu, 29 Dec 2022 09:51:17 +0000

На 28.12.2022 во 12.30 часот на градскиот плоштад во Тетово, полициски службеници од СВР Тетово го привеле Ш.З.(50) од Тетово затоа што кај него биле пронајдени и одземени околу 560 парчиња разновидни пиротехнички средства. Лицето било задржано во полициска станица и по целосно документирање на случајот, против него ќе следи соодветен поднесок по член 69 став 1 од Законот за заштита од експлозивни материи.

Приведен 25 годишник на Бит пазар- еве што продавал на еден ден пред Новата година

Дарко Андоновски — Wed, 30 Dec 2020 14:57:33 +0000

Полициски службеници од Одделот за криминалистичка полиција и СВр Скопје денеска (30.12.2020) на подрачје на Бит пазар на ул. 192 запленија 5382 парчиња пиротехнички средства, а во врска со случајот е приведен О.Д.(25). По документирање на случајот ќе следи соодветен поднесок.

Не лутајте за џабе на Бит-пазар: Еве што заплени полицијата во пресрет на новогодишните празници

Дарко Андоновски — Mon, 21 Dec 2020 10:19:29 +0000

На 20.12.2020 во периодот од 10.00 до 16.00 часот, на подрачјето на СВР Скопје, беше спроведeна акцискa контрола, со цел спречување на трговија и употреба на пиротехнички средства. Од страна на Единиците за внатрешни работи во соработка и содејство со Државниот пазарен инспекторат извршени се 10 контроли на пазари, додека самостојно се контролирани осум пазари. Воедно, извршени се контроли и на два парка, пет трговски центри, пет раскрсници и седум маркети, при што се пронајдени и одземени над 1000 парчиња пиротехнички средства, сите на Бит Пазар. Од преземените дополнителни мерки и активности на наведените локации, констатирани се вкупно 62 прекршока од Законот за заштита на населението од заразни болести.

Мексико: Најмалку 24 жртви во експлозии во фабрики за пиротехнички материјали

Ивона Петрова — Fri, 06 Jul 2018 05:44:16 +0000

Најмалку 24 лица загинале, а десетици се повредени во две експлозии вчера во погони за изработка на огномет во мексиканскиот град Тулапек. Меѓу загинатите во вчерашните експлозии има работници во погоните како и пожарникари кои дошле да помогнат и случајни минувачи. Тулапек е голем центар за производство на огномет, и несреќните случаи се релативно чести таму, имајќи предвид дека некои од жителите произведуваат пиротехнички средства во своите домови. Во јуни седум лица загинаа, а осуммина беа повредени во слични експлозии. МИА