пиротехника – Kurir.mk

Контроли на Бит Пазар, Зелен Пазар и пазарите во Тетово и Ченто: Запленети пиротехника и режан тутун кои нелегално се продавале (ФОТО)

Катерина Бојаџиева — Mon, 30 Oct 2023 19:46:09 +0000

Денеска (30.10.2023) полициски службеници од Одделот за криминалистичка полиција- Сектор за економски криминал и корупција и Одделот за сузбивање на организиран и сериозен криминал во координација со царински службеници од Секторот за контрола и истраги при Царинската управа и Државниот пазарен инспекторат на повеќе локации во Скопје спроведоа мерки и активности за сузбивање на криумчарење на акцизна стока и избегнување на давачки за продажба на режан тутун и производи од тутун без акциза и платени давачки. При контролата на Бит Пазар во Скопје констатирано е дека повеќе физички лица на импровизирани тезги вршат недозволена продажба на режан тутун, а со тоа избегнуваат плаќање акциза, како и поголема количина на пиротехнички средства, кои се одземени и по целосно документирање на случаите против лицата ќе бидат поднесени соодветни пријави, како и глоби од пазарните инспектори. Голема количина режан тутун и цигари се одземени и од пет физички лица кои вршеле продажба на импровизирани тезги пред зелениот пазар во Тетово, како и кај две лица на пазарот во населбата Методија Андонов Ченто во Скопје. На Зелен пазар во Скопје пак се одземени околу 180 килограми режан тутун, за што исто така ќе следуваат соодветни поднесоци.

Експлозија во фабрика за пиротехника кај Москва, 45 повредени

Ивана Ефремовски — Wed, 09 Aug 2023 12:16:42 +0000

Бројот на повредени во експлозијата во магацин со пиротехничка опрема, во фабриката Загорск во градот Сергиев Посад во близина на Москва, се искачи на 45, соопштија денеска локалните власти. Вкупно 23 лица се хоспитализирани, од кои шест се на интензивна нега. Руски медиуми објавија дека несреќата не е предизвикана од напад со дрон, туку дека е одговорен „човечкиот фактор“. Во експлозијата е уништен хангар со површина од 1.600 метри квадратни, кој бил закупен од приватна компанија на земјиштето на фабриката, а од силината на експлозијата пукнало стаклото на неколку куќи во близина на фабриката. Оптичко-механичката фабрика Загорск е водечки производител на оптички и електронски уреди што ги користат полицијата и здравствените работници. (МИА)

За продажба на пиротехника се лежи во затвор, еве што вели Кривичниот законик

Ивана Ефремовски — Tue, 20 Dec 2022 14:03:23 +0000

Показна вежба за последиците од употреба на пиротехника се одржа денеска на плоштадот Македонија во Скопје. Организатори беа СВР Скопје – Одделение за превенција и Црвениот крст на град Скопје. Вежбата беше во склоп на кампањата за превенција од употреба на пиротехнички средства, а во која се презентираа ризиците од употреба на пиротехника, со цел да се влијае на свеста на граѓаните да не ги употребуваат, информираат попладнево од Министерството за внатрешни работи. На граѓаните им биле поделени едукативни материјали изработени во соработка со Програмата за развој на Обединетите нации (УНДП). -Министерството за внатрешни работи продолжува со превентивни кампањи со цел на граѓаните да им се укаже за можните последици од употребата на петарди и други пиротехнички средства, посебно актуелна пред и за време на новогодишните и божиќните празници. МВР презема и репресивни мерки, со цел санкционирање на употребата на петарди и други пиротехнички средства и ги потсетува граѓаните за законските одредби во кои е санкционирана употребата на пиротехнички средства и нивната нелегална продажба. Така, Законот за прекршоци против јавниот ред и мир, во член 31 предвидува глоба за оној кој неовластено пука од огнено оружје, употребува пиротехнички средства или сличен експлозивен или лесно запалив материјал, или на сличен начин го нарушува мирот и безбедноста на граѓаните, нагласуваат од Министерството. Согласно Кривичниот законик, во член 396 е предвидено недозволеното изработување, држење и тргување со оружје или распрскувачки материи. -Притоа, тој кој што неовластено изработува, држи, продава, набавува или врши размена со огнено оружје, муниција или експлозивни материи, ќе се казни со затвор од три до десет години. Ако предмет на делото од ставот 1 е поголемо количество на огнено оружје, муниција или експлозивни материи, или огнено оружје, муниција или експлозивни материи кои на граѓаните им се забранети, сторителот ќе се казни со најмалку пет години затвор, потсетуваат од Министерството. (МИА)

Кривична пријава против светиниколец, пронајдени 3.066 парчиња пиротехнички средства

Катерина Бојаџиева — Tue, 04 Jan 2022 17:25:22 +0000

Полициски службеници поднеле кривичнa пријавa против жител на Свети Николе откако при претрес во домот на пријавениот пронашле и одзеле 3.066 парчиња пиротехнички средства, информира Министерството за внатрешни работи. – Надворешната канцеларија за криминалистички работи Свети Николе поднесе кривичнa пријавa против З.Р.(55) од Свети Николе поради постоење основи на сомнение за сторено кривично дело „недозволено изработување, држење и тргување со оружје или распрскувачки материјали“. На 23.12.2021, полициски службеници извршиле претрес во домот на пријавениот, при што пронашле и одзеле 3.066 парчиња пиротехнички средства, соопшти МВР.

Запленети околу 5000 парчиња пиротехника на плоштадот во Тетово

Катерина Бојаџиева — Thu, 23 Dec 2021 17:30:14 +0000

Тетовски полицајци денеска на градскиот плоштад приведоа 25 годишник кај кого се најдени 5000 парчиња пиротехника, поради сомнение за нелегална трговија. -Во 16.30 часот од страна на полициски службеници од Тетово при преземање мерки по план за откривање на лица кои продават пиротехнички средства, на плоштадот во Тетово е лишен од слобода Р.Ш. (25) од Тетово, кој бил затекнат при продажба на пиротехнички средства. Запленети се околу 5000 парчиња пиротехника и по документирање на случајот, ќе биде поднесен соодветен поднесок, информира Марјан Јосифоски, портпарол на СВР Тетово. Тетовската полиција во два случаи во текот на вчерашниот ден заплени над 2000 парчиња пиротехника.

Запленети близу 15.000 пиротехнички средства на Бит пазар

Ивана Ефремовски — Thu, 31 Dec 2020 15:04:03 +0000

Полициски службеници од СВР Скопје денеска (31.12.2020) на подрачје на Бит пазар запленија близу 15.000 парчиња пиротехнички средства. По документирање на случајот ќе следи соодветен поднесок.

Изминатиов период запленети над 147.000 пиротехнички средства

Ивана Ефремовски — Fri, 25 Dec 2020 19:02:37 +0000

Министерството за внатрешни работи во изминатиов период презеде зајакнати репресивни мерки, со цел санкционирање на употребата на петарди и други пиротехнички средства, но и неов властената трговија со нив, при што запленети се над 147.000 пиротехнички средства. За неовластена употреба на пиротехнички средства предвидена е глоба во износ од 200 до 500 евра, согласно член 31 од Законот за прекршоци против јавниот ред и мир, додека според член 396 од Кривичниот законик за недозволено изработување, држење и тргување со оружје или распрскувачки материи, следува казна затвор од три до десет години.

Запленети над 2000 пиротехнички средства во Тетово, приведени две лица

Ивана Ефремовски — Wed, 23 Dec 2020 18:29:41 +0000

Денеска (23.12.2020) околу 16.20 часот на градскиот плоштад во Тетово полициски службеници од СВР Тетово ги привеле Љ.А. (23) од тетовско Селце, кај кого се пронајдени 1759 парчиња пиротехника, и С.А(31). од Тетово, од кој биле одземени 314 парчиња пиротехника. пироПо документирање на случајот, против нив ќе бидат поденсени соодветни пријави.

Запленети 13.500 пиротехнички средства на Бит Пазар

Ивана Ефремовски — Wed, 23 Dec 2020 16:10:33 +0000

Денеска (23.12.2020) околу 13:00 часот на подрачје на Бит Пазар, полициски службеници од Одделот за криминалистичка полиција и СВР Скопје го приведоа И.К.(27) од Студеничани, Скопје. Кај него се пронајдени 13.525 парчиња пиротехнички средства. Против него ќе биде поднесена соодветна кривична пријава.

Запленети над 2500 пиротехнички средства

Ивана Ефремовски — Sun, 20 Dec 2020 14:11:28 +0000

Единиците за внатрешни работи во соработка со Државниот пазарен инспекторат вчера од 10 до 16 часот на подрачјето на СВР Скопје извршија контроли на трговија и употреба на пиротехнички средства. Како што соопшти МВР, реализирани се контроли на 18 пазари, три паркови, шест трговски центри, 12 крстосници и 13 маркети. Во текот на контролите, Бит-пазар се пронајдени и одземени вкупно: 2532 парчиња петарди, четири парчиња огномет, две петарди-бомба, две парчиња Мр-30 панда, две парчиња тандер флеш и 16 парчиња ракети. -По преземените дополнителни мерки и активности на наведените локации се констатирани вкупно 43 прекршоци од Законот за заштита на населението од заразни болести за носење на лична заштита на лицето, а од страна на Државниот пазарен инспекторат изречени се две мерки по чл.2 од Законот за трговија на подрачјето на Гази Баба. За време на преземањето на мерките и активностите, лишени се од слобода две лица – Ќ.Ш.(30) по чл.15 од Законот за лична карта и А.А.(23) по распишана телеграма, соопшти МВР. Министерството информира дека контролите се прават поради наближувањето на новогодишните и божиќните празници и за да се подигне свеста кај граѓаните во врска со опасноста и можните последици кои може да настанат од неконтролирана употреба на пиротехничките средства, од нестручно и невнимателно ракување од малолетни лица, од несоодветно транспортирање и чување. Контролите се прават и во однос на санкционирање на недозволената трговија од страна на физички и правни лица со пиротехнички средства и други запалливи средства и распрскувачки материјали, без поседување одобрение за тргување, со кои се нарушува мирот и безбедноста на граѓаните и имотот.