пирс броснан – Kurir.mk

Сопругата на Пирс Броснан има богатство од 100 милиони долари

Ивана Ефремовски — Thu, 27 Apr 2023 10:44:42 +0000

Повеќе од 20 години, Кили Шеј Смит е среќнo мажена за холивудскиот заводник Пирс Броснан, со кого има два сина - Парис и Дилан, но и заработила значителна сума пари. Иако е мажена за холивудски глумец од „А-листата“, и оваа наградувана американска новинарка, истражувачка и глумица има доста голем удел во семејното богатство, заработено низ годините. Според порталот „Селебритинетворт“ (Celebritynetworth), нето-вредноста на нејзиниот имот е 100 милиони долари. За споредба, уделот на Броснан е 200 милиони долари. Кили Шеј Смит, која е на самиот праг од седмото десетлетие од својот живот, има исклучително успешна кариера и како водителка и авторка на документарни ТВ-содржини. Таа била и дописничка за „Хоумс шоу“ на „Еј-би-ес“ а денес соработува со „Тудеј“ (Today) и „Ентертејнмент тунајт“ (Entertainment Tonight). Инаку, брачната двојка има купено и повеќе недвижни имоти ширум светот, на пр., куќа во Малибу, Калифорнија, купена во 1996., за 600 илјади долари, продадена 2012 година за 2,6 милиони долари... Натаму, во 2000 година заедно купиле куќа на плажа во Малибу за непозната сума, ја урнале и изградиле импресивна палата со поглед на океанот. Таа куќа служи за изнајмување налето и чини 250.000 долари месечно. За жал, во 2015., пожар уништи дел од имотот, вклучително и гаражата каде што биле сместени исклучително вредните возила на Броснан меѓу кои и „Астон Мартин В12 ванквиш“ од 2002 година, од последниот негов „Бонд“ филм - „Умри друг ден“ (Die Another Day). Во 2019 година двојката купи куќа во Санта Моника за 2,4 милиони долари, а поседуваат и неколку куќи на хавајскиот остров Кауаи, каде што соседи им се Бет Мидлер, Марк Закерберг и Бен Стилер. А, и самите Кили и Пирс минуваат голем дел од годината овде. (МИА)

ФОТО: Пирс Броснан стана дедо по четврти пат, објави фотографии од внукот

Ивона Петрова — Fri, 18 Nov 2022 11:09:57 +0000

Актерот Пирс Броснан стана дедо по четврти пат, на момчето Џексон Елија Броснан. Момчето се родило пред шест дена, а среќниот дедо веста ја сподели на Инстаграм. -Џексон Елија Броснан, роден во 15:06 12.11.2022. Благословено да си, мое драго внуче, добредојде. Честитам, мои драги Шон, Сања и Марли, напиша тој на Инстаграм. Синот на Пирс, Шон е во брак со Хрватката Сања Баниќ со која ја имаат ќерката Марли Меј (7).

Пирс Броснан како суперхерој, еве каква ќе биде неговата улога

Ивона Петрова — Thu, 25 Mar 2021 11:57:24 +0000

Пирс Броснан ја има својата прва улога како суперхерој. Имено, глумецот ќе ја толкува улогата на д-р Фејт (Судбина) во „Црниот Адам“ на продукциските куќи „ДЦ“ и „Њу лајн“ – филм со Двејн Џонсон во насловната улога. Д-р Фејт, со алтер-его Кент Нелсон, е основач на „Друштвото на праведните“ кој добива супермоќи преку „волшебниот шлем на судбината“. Другите улоги ќе ги глумат: Алдис Хоџ (како Хокман), Ноа Сентинео (Атом Смашер), Квинтеса Свиндел (Сајклон) и други. „Црниот Адам“ е приказна за истоимениот антихерој, кој ќе го глуми Џонсон. Ликот првпат се појави во стриповите на ДЦ во 1940-тите, како негативец заведен од својата моќ од третото илјадалетие. Филмот е во режија на Жом Колет-Сера. Рори Хајнс и Сохраб Ноширвани го напишаа последниот нацрт на сценариото, а Адам Штикиел го напиша првичното сценарио. Пирс Броснан лани глумеше во комедијата „Евровизија“ на Вил Ферел.

Пирс Броснан со ново хоби, подготвува изложба

Ивона Петрова — Sat, 28 Jul 2018 10:59:28 +0000

Пирс Броснан откри дека планира негова изложба да биде отворена подоцна оваа година. Шеесет и пет годишниот актер почнал да слика и смета дека вреди да имаш такво хоби. Сега тој размислува да претстави јавно поголемиот дел од своите дела. - Ми се допаѓа да се одредувам како уметник кој вешто ракува со боите, иако сум ниско во хиерархиска скала на оние кои знаат што да прават со нив. Сакам да правам обиди да создадам нешто што е убаво и е радост за окото. Уметноста е многу важна во мојот живот. Се надевам дека ќе биде организирана моја изложба на крајот на оваа или почетокот на следната година, изјави Броснан.