Пирс Морган – Kurir.mk

„Mојата облека нема врска со навреда на катарската култура“

Ристе Здравков — Mon, 12 Dec 2022 07:16:13 +0000

Ивана Кнол, најпознатата хрватска навивачка, се појави во шоуто на Пирс Морган каде зборуваше за критиките за нејзината облека што ја носи на трибините во Катар. Таа во шоуто се појави во градник кој ги имаше боите на хрватското знаме и рече дека откако пристигнала во Катар, не добила ниту еден негативен коментар за нејзината облека.

Пријателот на Роналдо, Пирс Морган негира дека Португалецот се договорил со Ал Наср (ФОТО)

Ристе Здравков — Mon, 05 Dec 2022 15:15:25 +0000

Новинарот и пријател на Кристијано Роналдо, Пирс Морган кој е во честа комуникација со Португалецот, вели дека не се точни информациите на „Марка“ дека тој потпишал за Ал Наср од Саудиска Арабија. Пирс Морган е човекот кој му го правеше мега интервјуто на Кристијано Роналдо, па веројатно тој е најинформиран кога станува збор за иднината на португалскиот фудбалер. Тој ја ретвитна информацијата која вели дека Роналдо ќе игра за Ал Наср од јануари и напиша дека тоа не е точно.

Again, not true. https://t.co/bWeLo4IUvp
— Piers Morgan (@piersmorgan) December 5, 2022

Островото се тресе по шок интервјуто на Роналдо: Јунајтед ме предаде, Руни ме напаѓа бидејќи изгледам подобро од него

Ивона Петрова — Mon, 14 Nov 2022 07:47:41 +0000

Репрезентативецот на Португалија и фудбалер на Манчестер Јунајтед, Кристијано Роналдо без влакна на јазикот зборуваше во ексклузивното интервју во емисијата „Без цензура“ за својот статус во клубот и случувањата со Тех Хаг. Призна дека се чувствува како црна овца на „Олд Трафорд“ и смета дека клубот го предадал. -Не е само во прашање тренерот, туку и други две, три момчиња во клубот кои се околу него. Не го почитувам Тен Хаг бидејќи тој не покажува почит кон мене. Ако немаш почитување кон мене, јас никогаш нема да го имам кон тебе, вели Роналдо. Новинарот Пирс Морган го праша дали смета дека челниците на Јунајтед се обидуваат да го истераат од клубот.

BREAKING: I’ve interviewed Cristiano Ronaldo at length for my show ⁦@PiersUncensored⁩ …. It’s the most explosive interview he’s ever given. Stand by for news at 10pm. pic.twitter.com/oK7gSXF0Dg
— Piers Morgan (@piersmorgan) November 13, 2022

-Искрено, не би требало тоа да го кажам. Не знам...Но, слушај, не ми е грижа. Јас сум секогаш...Луѓето треба да ја слушнат вистината. Да, се слувствувам предадено и чувствувам дека некои луѓе не ме сакаат тука, не само оваа, туку и претходната година, вели Роналдо кој се осврна и на критиките на поранешниот соиграч Вејн Руни. -Не знам зошт така жестоко ме критикува. Веројатно атоа што ја заврши кариерата, а јас се уште играм на високо ниво. Нема да кажам дека изгледам, подобро од него, што е точно, насмевнувајќи се кажал Рналдо. Тој вели дека Јунајтед му е и натаму во срцето, но дека клубот очигледно оди во погрешна насока. -По Сер Алекс Фергусон во Јунајтед повеќе ништо не е исто и како што треба. Го сакам Манчестер Јунајтед, ги сакам навивачите, тие секогаш се на мојата страна. Но, ако сакаат поинаку, мора да променат многу, многу работи. Некогаш треба нешто да уништите за да го изградите повторно и ако почнат со мене, за мене тоа не е проблем. По ова интервју стана јасно дека Роналдо по Мундијалот во Катар ќе го напушти клубот од „Олд Трафорд“.

Пирс Морган ѝ се обрати на Амбер Херд: Престани да се преправаш дека си жртва

Ристе Здравков — Wed, 15 Jun 2022 19:48:09 +0000

Актерката Амбер Херд во ексклузивно интервју за „NBC News“ повторно го обвини Џони Деп. Реакциите на нејзините изјави не престануваат, а се огласи и познатиот британски новинар Пирс Морган, кој е познат по тоа што нема влакна на јазикот. Тој ги коментираше нејзините зборови дека социјалните мрежи влијаеле на исходот на пресудата и дека Џони и таа „немале еднаков третман на социјалните мрежи“. „Не можете да ми кажете дека мислите дека е фер“, рече Амбер. „Поротниците не прочитаа ништо на социјалните мрежи, ги слушаа доказите и заклучија дека лаже. Предлагам г-ѓа Херд да престане да се преправа дека е жртва“, коментира Пирс Морган.

The jurors didn’t read any of the social media stuff, they listened to the evidence & concluded she was lying. I suggest it’s time for Ms Heard to stop playing the victim. https://t.co/P79K64UtIO
— Piers Morgan (@piersmorgan) June 13, 2022

Тој исто така ја спореди Амбер со Меган Маркл. „Амбер Херд е како Меган Маркл – колку повеќе моли и ја глуми жртвата, користејќи ги нејзините најдобри актерски способности, толку помалку ѝ верувам“, напиша тој.

Amber Heard is like Meghan Markle - the more she whines & plays the victim, utilising her best acting skills, the less I believe her.
— Piers Morgan (@piersmorgan) June 14, 2022

Да потсетиме, Амбер верува дека Џони бил фаворизиран од поротата. „Не ја обвинувам поротата. Јас всушност ги разбирам. Џони е омилен лик на многумина и луѓето мислат дека го познаваат. Тој е фантастичен актер. Не ми е гајле што мисли некој за мене или какви пресуди сакате да донесете за она што се случило во приватноста на мојот дом, во мојот брак, зад затворени врати. Мислам дека просечниот човек не треба да ги знае овие работи. И затоа и не го сфаќам тоа лично“, заклучи таа.

Познатиот водител повторно “распали“ по Меган и Хари

Ивана Ефремовски — Tue, 01 Jun 2021 15:00:08 +0000

Водителот на утринската програма „Добро утро, Британијо“, Пирс Морган е можеби најголемиот критичар на Меган Маркл и принцот Хари. По интервјуто на Меган и Хари кај Опра Винфри, тој често дава изјави во медиумите со кои има негативни коментари за кралското семејство, а тоа им дава материјал на критичарите. Водителот повторно ги коментираше случувањата во кралското семејство, посебно Меган и Хари. Тој ги нарече Меган и Хари „разгалени дечишта што го злоупотребуваат своето семејство“. Инаку, водителот истакна дека не верува на обвинувањата на Меган и Хари од расизам во кралското семејство до тајната венчавка. Исто така по интервјуто ја спореди Меган со Пинокио и истакна дека треба да се срами што толку лаже.

Познатиот водител за првпат проговори: Бев под напади на Меган Маркл

Тале Кристо — Tue, 06 Apr 2021 09:10:26 +0000

По, според многумина – скандалозното интервју на британскиот принц Хари и Меган Маркл кај Опра и по губењето на своето работно место во „Ај-ти-ви“, водителот Пирс Морган во интервју за шоуто на Такер Карлсон првпат јавно проговори за тоа. – Не ѝ верувам на Меган Маркл. Е сега, она што не го знаев и што беше „фасцинантно“, го открив откако заминав, а тоа е дека Меган Маркл вечерта меѓу понеделникот и вторникот (пред отказот), поднела лична жалба до шефот на „Ај-ти-ви“… Значи – јас бев под напад од „госпоѓица“ Маркл, директно кај мојот шеф и кај владиното Регулаторно тело… Под напад за да ја поддржам нејзината приказна за настаните. Морав да ѝ верувам, и ако не ѝ верувам – тогаш сум безобразен расист и треба да бидам осуден и на крај, како што и се покажа подоцна дента – да ја загубам работата. И мислам дека тоа е прилично опасна бездна, вели Морган. Натаму, Морган истакнува дека веродостојноста на она што Маркл го говори, како и сомнежите околу тоа, може да се споредат со оние околу поранешниот американски претседател Доналд Трамп… – Што значи тоа? Кога стигнавме до Вашата вистина? Ова е вид одбрана – нешто за кое би слушнале како либералите го напаѓаат Доналд Трамп, за повторно измислување факти, за создавање своја вистина. Но, кога Меган Маркл го прави тоа, истите либерали кои го нападнаа Доналд Трамп, навиваа за неа и ѝ ракоплескаа, велејќи: „Ова е нејзината вистина и мора да ѝ се верува! А пак, ако не ѝ веруваш, ти си расист.“ Е па, жал ми е, не сум расист. Јас, само, не ѝ верувам!, додава Морган.

По навредите кон Меган, ТВ водителот Пирс Морган си поднесе оставка

Ивона Петрова — Wed, 10 Mar 2021 08:56:09 +0000

Британскиот телевизиски водител Пирс Морган денеска поднесе оставка од Ај-ти-ви и повеќе нема да биде домаќин на емисијата по која е познат во цел свет – „Добро утро, Британија“, по навредливите коментари на сметка на Меган Маркл, сопругата на принцот Хари. „Разговаравме со Морган и тој одлучи дека е време да ја напушти емисијата, а одборот на Ај-ти-ви ја прифати одлуката и нема што повеќе да додадеме“, се наведува во соопштението. Пирс беше водител на шоуто во понеделник, вторник и среда и на последните емисии, имаше остри коментари за Меган и принцот Хари, по интервјуто кај Опра Винфри, во кое војвотката од Сасекс го критикуваше кралското семејство за расизам. Имено, Морган ја обвини младата двојка дека му нанела голема штета на кралското семејство, барајќи публицитет под свои услови, без да прифати одговорност и она што го подразбира нивната позиција. Тој, меѓу другото, рече и дека на „принцезата Пинокио“ не ѝ верува за ниту еден нејзин збор. – Се уште сум сериозно загрижен за се што рече Меган, но мора да ги искажам моите ставови за психичките болести и самоубиствените мисли. Таквите работи треба сериозно да се сфатат (Меган рече дека размислувала за самоубиство додека била во домот на кралското семејство) и треба да ѝ се помогне, доколку е потребно, со третман, рече Морган. Како што пренесуваат британските медиуми, тој дури влегол во конфликт со колегата водител Алекс Бересфорд, што го натерало и да истрча од студиото среде емисија. Коментарите и однесувањето на Морган предизвикаа 41.000 поплаки до британската Радиодифузна агенција. Наспроти се, Каролин Меккол, извршна директорка на телевизијата, изјави дека апсолутно верува во она што Меган Маркл го рече кај Опра.