писателка – Kurir.mk

Почина писателката Мери Хигинс Кларк

Тале Кристо — Sat, 01 Feb 2020 12:15:36 +0000

Писателката и авторка на бројни криминалистички бестселери Мери Хигинс Кларк почина во САД на 92-годишна возраст, потврди денеска нејзиниот издавач. Хигинс Кларк, која обожавателите ја нарекуваа „кралица на неизвесноста“, во текот на својата кариера продаде повеќе од 100 милиони книги. Позната е по бестселерите „Странецот набљудува“ (A Stranger Is Watching) и „Лулката ќе падне“ (The Cradle Will Fall), кои се и екранизирани. Беше мажена за Ворен Кларк, со кого имаат пет деца. Почнала да се занимава со пишување кратки приказни и сценарија по смртта на нејзиниот сопруг во 1962 година, но по совет на агентот почнала да пишува и книги. Нејзините книги се преведени на 35 јазици, а првата книга „Каде се децата“ (Where Are The Children?) е реиздадена дури 75 пати. Инспирација за своите дела наоѓала во новинските написи и судењата за убиства. Пред 20 години нејзината издавачка куќа ја наградила со 64 милиони долари за договор за пет книги, со што била најплатениот женски автор во тоа време.

ТАЖНА ВЕСТ: Почина македонска писателка и новинарка

Тале Кристо — Sat, 23 Nov 2019 10:40:10 +0000

Вo Белград синоќа почина истакнатата македонска писателка и новинарка Душица Илин-Шеќеровски. Душица Илин-Шеќеровски е родена во Тетово на 12 март 1944 година. Се школувала во Битола, Тетово, Скопје и Белград, а книжевните и новинарските студии ги усовршува во Белград, каде што живее и работи како дописник на повеќе македонски електронски и пишани медиуми. Член е на ДПМ од 1972 година. Таа е автор е на повеќе поетските книги, меѓу кои „Фреска на срцето“ (1971), „Сизифина“ (1976), „Ветер во кафез“ (1981), „Толкување на стравот“ (1989), „Бела линија“ (2006), „Вишок земја“ (2019), како и на „Златен венец – Антологија на струшките вечери на поезијата“ во три изданија. Песните на Душица Илин се објавени во Полска, САД, Турција, Романија и во други земји. Застапена е во повеќе антологии на македонската и југословенската поезија. Таа е дoбитник и на наградата Златен прстен за книжевен опус.

Почина писателката Олга Арбулјевска

Ивона Петрова — Fri, 06 Jul 2018 10:32:41 +0000

По кратко боледување, ноќеска на 68-годишна возраст почина македонската писателка Олга Арбулјевска. Арбулјевска беше новинарка, поетеса, есеистка, преведувачка, и сликарка. Родена во Ниш, во 1949, детството го минала во Берово и Скопје. Уште од училишна возраст пишувала поезија и драмски едночинки, изведувани на сцена. Автор е на четири поетски збирки: Канурки (1972), Икителија (1981), Светкамен (1991) и Животница (2006), како и на книгата есеи Ветрот на промените (1992). Во Историјата на македонската книжевност (1990) од М. Друговац, нејзината поезија е опишана како „игра, со мера и такт, меѓу архаичниот идиом и модерниот вербален знак“. Имаше дипломирано филозофија на Универзитетот „Св. Кирил и Методиј“ во Скопје. Работеше како новинар во весниците Борба и Нова Македонија, и беше уредник за култура во националната телевизија Телма. Беше член на Друштвото на писатели на Македонија од 1973 година и на Македонскиот ПЕН центар од 1974 година. Арбулјевска имаше преведено и неколку книги на македонски јазик, меѓу кои е Градина, пепелод Данило Киш. Погребот ќе биде извршен во недела, 8. јули, во 12 часот на Градските гробишта Бутел во Скопје.

Почина една од најзначајните американски писателки

Ивона Петрова — Wed, 24 Jan 2018 13:56:15 +0000

Американската писателка Урсула ле Гвин, една од најзначајните современи писатели на научна фантазија, почина во 89 година, соопшти денеска нејзиното семејство. Гвин има објавено неколку збирки куси раскази и поезија, како и книги за деца, но книгите со научна фантастика и донесоа светска слава и продажба на нејзините книги во милионски тиражи. Најпозната книга на Гвин е „Лева рака на темнината“ е класика во жанрот научна фантазија. Таа има напишано околу 20 романи во кои ја истражува човековата природа кон разни ситуации и различнио светови. Гвин, која почина во понеделникот, има освоено четири награди Небула, едно од најзначајните признанија за делата на научна фантазија и една Светска награда за фантазија (World Fantasy Award).