пиштол – Kurir.mk

Претреси на две локации во Куманово, пронајдени дрога, пиштол и куршуми

Тале Кристо — Mon, 23 Oct 2023 15:39:11 +0000

Полициски службеници од Отсекот за недозволена трговија со дрога и оружје од Одделението за криминалистичка полиција при СВР Куманово и службеници од Одделот за криминалистичка полиција при БЈБ на МВР, Сектор за недозволена трговија со дрога оружје и опасни материи и полициски службеници од Единицата за службени кучиња на МВР денеска извршија претрес на две локации кај М.Д.(29). Како што информираат од Министерството за внатрешни работи (МВР), при претресот во викенд куќа во место викано „Стари лозја“ во Куманово, атар на населба Карпош, била пронајдена марихуана, а при претресот во неговиот дом во Куманово пронајден бил пиштол „Валтер“ кал.7.65мм. и 11 куршуми кал.7.65мм. Лицето не било пронајдено во домот и по него се трага, а за случајот е известено ОЈО Куманово.

Пречекувал гости со полн пиштол кај себе: Приведен сопственик на угостителски објект во Арачиново

Ивана Ефремовски — Mon, 23 Oct 2023 10:43:03 +0000

Вчера (22.10.2023) околу 20:45 часот во рамки на „Безбеден град“ полициски службеници од ОСОСК во содејство со Одделот за специјални полициски операции извршија заедничка контрола во угостителски објект во скопско Арачиново, при што е приведен сопственикот на објектот С.Џ.(34) од Арачиново. При преглед на присутните во угостителскиот објект, кај сопственикот е пронајден пиштол со полна рамка. По документирање на случајот против него ќе биде поднесен соодветен поднесок по Законот за оружјето.

Претрес во Кичево, пронајдени пиштоли и муниција, приведен скопјанец

Ивана Ефремовски — Sun, 22 Oct 2023 10:19:32 +0000

На 21.10.2023 во 23:40 часот во с.Кнежино, кичевско, полициски службеници од Полициската станица Кичево го лишиле од слобода С.П.И.(50) од Скопје. Имено, при претрес во неговиот дом, извршен со судска наредба, биле пронајдени и одземени пиштол „Застава“, пиштол „Екол“ со рамка и додаток за испукување, рамка за пиштол со куршуми, маневарски и сигнални куршуми. Тој бил задржан во полициска станица и по целосно документирање на случајот ќе следи соодветен поднесок.

Претрес во Велешта, пронајден пиштол

Катерина Бојаџиева — Thu, 19 Oct 2023 07:31:37 +0000

На 18.10.2023 околу 15.30 часот во с.Велешта, струшко, полициски службеници од Полициската станица Струга го лишиле од слобода А.И.(36) од с.Велешта. При претрес во неговиот дом и неговото патничко возило „мерцедес“ со струшки регистарски ознаки, извршен со судска наредба, биле пронајдени и одзмени еден пиштол со калибар 6.35 мм од чешко производство, со рамка со пет куршуми калибар 6.35 мм и 33 куршуми калибар 9 мм. Лицето било задржано во полициска станица и по целосно документирање на случајот против него ќе биде поднесена соодветна пријава.

Претрес во Тетово, пронајдени пушка, пиштол и муниција, приведено едно лице

Ивана Ефремовски — Wed, 20 Sep 2023 09:35:37 +0000

На 19.09.2023 околу 17.15 часот во Тетово, полициски службеници на СВР Тетово во координација и содејство со Одделот за криминалистичка полиција - Сектор за недозволена трговија со оружје, дрога и опасни материи при МВР го лишиле од слобода 56-годишниот тетовец Љ.Ј.. При претрес во неговиот дом, извршен со судска наредба, биле пронајдени и одземени ловечка пушка калибар 16 милиметри, 22 патрони од ист калибар и оштетена пломба за деактивирање на пушката. Покрај тоа, биле пронајдени и одземени пиштол „цз“ калибар 9 милиметри, три рамки и 13 куршуми од истиот калибар. Тој бил задржан во Полициската станица Тетово и по целосно документирање на случајот, против него ќе биде поднесена соодветна пријава.

Ја нападнал сопругата, а на цело семејство му се заканувал со пиштол – маж од Тетово во притвор

Ивана Ефремовски — Fri, 18 Aug 2023 20:34:52 +0000

СВР Тетово поднесе кривична пријава против Н.С.(33) од Тетово поради постоење основи на сомнение за сторени кривични дела „загрозување на сигурноста“ при семејно насилство, „телесна повреда“ при семејно насилство и „неовластено производство и пуштање во промет на „наркотични дроги, психотропни супстанции и прекурзори“. На 15.06.2023 било пријавено дека Н.С. физички ја нападнал неговата 32-годишна сопруга, а на останатите членови од семејството со пиштол им се заканувал. Од извршен претрес во домот и помошните простории бил пронајден и одземен кокаин. На пријавениот му е одредена мерка притвор.

Затвореник фатен со огнено оружје: Викенд отсуството ќе го чини нова казна (ВИДЕО)

Ивана Ефремовски — Sun, 30 Jul 2023 09:02:18 +0000

На 30.07.2023 од страна на полициски службеници од Одделот за криминалистичка полиција, Сектор за недозволена трговија со дрога оружје и опасни материи заедно со СВР Штип на булевар „Гоце Делчев“ во Штип приведен е В.И. (51) од Кочани бидејќи кај него биле пронајдени автоматски пиштол „шкорпион“ и 21 куршуми калибар 7.65 мм. Лицето во моментот издржува казна затвор во траење од вкупно 18 години во КПУ Куманово, а користел викенд отсуство. Известен е јавен обвинител и од страна на СВР Штип по документирање на случајот ќе биде поднесена кривична пријава за извршено кривично дело по чл.396 од КЗ.

Обид за убиство во Скопје

Ивана Ефремовски — Wed, 26 Jul 2023 14:36:47 +0000

СВР Скопје поднесе кривична пријава против Н.Е.(43) поради постоење основи на сомнение за сторено кривично дело „убиство во обид“. На 16.07.2023 на улица „Јустинијан Први“ во Скопје, по претходна расправија поради нарушени меѓусебни односи, пријавениот со пиштол пукал кон Б.Р.(47) и му нанел тешки телесни повреди.

Сонувал дека некој му провалува во домот: Маж се застрелал во сон, следат две обвиненија против него

Катерина Бојаџиева — Thu, 15 Jun 2023 08:59:50 +0000

Американец се соочува со две обвиненија против него откако случајно се застрелал со пиштол во спиење, додека сонувал дека некој му провалува во домот. Марк Дикара (62), од сојузната држава Илиноис, помислил дека натрапник упаднал во неговиот дом ноќта на 10 април. Додека сонувал дека гони криминалец, според наводите, возрасниот човек го грабнал револверот и испукал истрел во темнината. Се разбудил оти така тогаш, случајно си пукнал во ногата, пишува „Дејли мејл“. Дикара бил однесен в болница, каде што полицијата утврдила дека изгубил значителна количина крв, а инспекторите подоцна откриле дека го користел револверот без потребните лични документи за поседување огнено оружје. Истрагата за пукањето утврди дека откако Дикара го испукал куршумот, тој минал низ неговата нога, па се забил во креветот. Откако полицајците виделе оти крв му блика од раната, му ставиле облога и го испратиле на лекување во блиската болница. Повредени други лица нема, а надлежните брзо утврдиле дека во домот воопшто и немало упад. Дикара го прекршил Законот за огнено оружје во Илиноис, бидејќи, иако претходно поседувал лична карта, таа му била укината. Надлежните не ги соопштија причините по коишто му е одземена дозволата и кога тоа се случило.

Го избркале од училиште поради лошо однесување, се вратил со пиштол: Детали за малолетниот напаѓач од БиХ

Ристе Здравков — Wed, 14 Jun 2023 09:13:06 +0000

Како што пренесуваат босанските медиуми, поранешниот ученик кој отворил оган во основното училиште во Лукавац и во таа прилика тешко ранил работник, пред неколку месеци бил избркан од училиштето поради лошо однесување. „Аваз“ дознава дека утрово дошол во училиштето со пиштол и го побарал вработениот во училиштето, а потоа пукал. Според официјалните информации, во престрелката нема повредени деца. Престрелката се случила околу осум часот утринава. Според информациите на „Аваз“, насилникот е уапсен. Со прострелна рана во пределот на вратот во УЗ Тузла е хоспитализиран ранетиот пациент со иницијали О.Н. „Пациентот е интубиран, операцијата во моментов е во тек“, велат од болницата.