писмо бомба – Kurir.mk

Најверојатно писмо бомба испратено и во Амбасадата на САД во Мадрид

Дарко Андоновски — Thu, 01 Dec 2022 14:29:58 +0000

На социјалните мрежи се појави снимка на која се гледа како шпанската полиција е распоредена пред Амбасадата на САД во Мадрид. Се претпоставува дека се работи за уште едно писмо бомба. Претходно, шпанскиот весник „Ел Паис“ објави дека шпанската полиција пресретнала коверт со пиротехнички материјал адресиран до премиерот Педро Санчез во палатата Монклоа во Мадрид. Шпанското Министерство за внатрешни работи соопшти дека станува збор за коверт сличен на оние што вчера и денеска беа откриени во Министерството за одбрана, украинската Амбасада, Сарагоса и воздухопловната база Торехон. Писмо-бомба пристигнала во воздухопловната база Торехон рано утринава и истрагата е во тек. Експлозивна направа во Сарагоса била откриена синоќа во фабрика за оружје која произведува фрлачи на гранати што Шпанија ги испратила во Украина. Полицијата извршила контролирана експлозија на пакетот.

Пресретнато писмо бомба адресирано до шпанскиот премиер

Ивана Ефремовски — Thu, 01 Dec 2022 11:47:36 +0000

Шпанската полиција пресретнала коверт со пиротехнички материјал адресиран до премиерот Педро Санчез во палатата Монклоа во Мадрид, јави денеска шпанскиот весник „Ел Паис“. Шпанското Министерство за внатрешни работи соопшти дека станува збор за коверт сличен на оние што вчера и денеска беа откриени во Министерството за одбрана, украинската Амбасада, Сарагоса и воздухопловната база Торехон. Писмо-бомба пристигнала во воздухопловната база Торехон рано утринава и истрагата е во тек. Експлозивна направа во Сарагоса била откриена синоќа во фабрика за оружје која произведува фрлачи на гранати што Шпанија ги испратила во Украина. Полицијата извршила контролирана експлозија на пакетот. (МИА)

„Ел Мундо“: Трето писмо-бомба пронајдено во воздухопловна база во Шпанија

Катерина Бојаџиева — Thu, 01 Dec 2022 09:30:41 +0000

Шпанските безбедносни сили пронајдоа трета експлозивна направа скриена во пошта во воздухопловната база во Торехон де Ардоз, во близина на Мадрид, пишува денеска весникот „Ел Мундо“. Писма-бомби беа испратени вчера до Украинската амбасада во Мадрид и до шпанската компанија за производство на оружје во Сарагоса што произведува ракетни фрлачи и ги донира на Киев, соопшти полицијата, која ја истражува евентуалната поврзаност на двете писма-бомби. Во првиот инцидент, вработен во Украинската амбасада во Мадрид беше повреден кога отворил писмо-бомба упатено до амбасадорот, поради што Киев нареди зголемени безбедносни мерки во сите свои амбасади во странство. Неколку часа подоцна, компанија за производство на оружје во Сарагоса во североисточна Шпанија добила сличен пакет, потврди полицијата. По првиот инцидент, украинскиот министер за надворешни работи Дмитро Кулеба им нареди на сите украински амбасади во странство „итно“ да ја зголемат безбедноста и ја повика Шпанија да започне истрага за нападот, изјави портпаролот на Министерството.