Пит Михалик – Kurir.mk

Адвокат на ѓаволот: Кој е Пит Михалик кој беше изрешетан пред своите деца во Јоханесбург?

Катерина Бојаџиева — Tue, 30 Oct 2018 11:49:05 +0000

Пит Михалик (50) кој е убиен пред приватното училиште на своите деца, познат е во адвокатските кругови и како адвокат на ѓаволот, бидејќи ги бранел најпознатите криминалци на јужноафриканското подземје. Тој исто така беше и адвокат на убиецот на Аркан, Добросав Гавриќ. Според непотврдени извори, за време на пукањето повреден е и неговиот 8- годишен син. Неговата ќерка не е повредена. Локалните медиуми наведуваат дека адвокатотот имал телохранители, но дека убиецот пришол до неговиот автомобил и пукал низ прозор во неговата глава. -Брзата помош набрзо стигнала на лице место, но лекарите можеле само да констатираат смрт на адвокатот, рекол извор за локалните медиуми. Михалик бил самохран родител, бидејќи неговата сопруга, мајката на нивните две деца, извршила самоубиство пред неколку години. Тој непосредно по семејната трагедија, фатен е во прегратка со јужноафриканската манекенка Тасмин Тобит. Инаку, ова е уште едно во низата убиства кој во Јужна Африка се поврзани со Србите.

Крвава пресметка: Убиен е адвокатот на убиецот на Аркан, повреден е и неговиот син (ВИДЕО)

Катерина Бојаџиева — Tue, 30 Oct 2018 11:35:50 +0000

Пит Михалик, познат адвокат од Јоханесбург и адвокат на убиецот на Аркан, Добросав Гавриќ, убиен е пред приватното училиште во Грин Поинт додека ги водел децата во училиште. Михалик е ликвидиран со пукање во главата, а убиецот, после заседата заминал со метлик сиво „поло“. Според некои информации ранет е и осумгодишниот син на адвокатот, кој со сестра му бил во автомобилот. Михалик во адвокатските кругови е познат по тоа што застапувал голем број мафијашки водачи. Неговото убиство се поврзува со убиството на адвокатот Нурудин Хасан кој исто така работел на случајот Гавриќ. Ова е уште едно од низата ликвидации кои во Јужна Африка се поврзани со Срби. Добросав Гавриќ осуден е на 35 години поради убиство на Аркан Ражнатовиќ и двајца негови пријатели Миленко Мандиќ и Драган Гариќ Гагиќ, се уште се наоѓа во домашен притвор во Јужноафриканската Република, каде е уапсен во декември 2011 година, а тамошните власти не го испорачуваат на Србија, за што многу придонел и убиениот адвокат.