питачење – Kurir.mk

Тренчевска: Питачењето не може да се сузбие за еден ден, но ја намалуваме присутноста на децата на улица

Ивана Ефремовски — Tue, 10 Oct 2023 09:56:28 +0000

Питачењето на децата е појава која не може да ја сузбиеме за еден ден, меѓутоа ја намалуваме присутноста на децата на улица барем на раскрсниците, кажа министерката за труд и социјална политика Јованка Тренчевска одговарајќи денеска на новинарски прашања. -Имаме протокол за меѓусекторско постапување, односно за постапување на центрите за социјална работа, со министерот за внатрешни работи. Верувам дека колегите од центрите за социјална работа, интервентните тимови се постојано на терен, рече Тренчевска, во одговор на новинарски прашања по промоцијата на Протоколот за постапување со деца со дијабетес во училиштата и детските градинки, во градинката „Раде Јовчевски Корчагин“ во Скопје. Таа најави дека пред да настапи зимскиот период, ќе работат на поголема присутност на тимовите на оние места коишто се најфреквентни, каде често се среќаваат децата на улица. -Во исто време се разговара и со родителите, да се зајакне нивната свест за да децата наместо на улица ги пуштат во процесот на образование којшто ги тргнува од улицата и ги прави еден ден да бидат граѓани коишто самите заработуваат за егзистенција, додаде министерката. (МИА)

Мајка ќе одговара за запуштање и малтретирање на деца – еве на што ги принудувала ќерките

Ивана Ефремовски — Thu, 28 Sep 2023 15:16:58 +0000

Надворешната канцеларија за криминалистички работи Дебар поднесе кривична пријава против С.Н.(37) од Прилеп, со живеалиште во Струга, поради постоење основи на сомнение за сторено кривично дело „запуштање и малтретирање на дете“. На 11.08.2023, пријавената била затекната како ги подведува на питачење нејзините два малолетни ќерки.

Баба и тетка терале малолетно дете да питачи на улица

Ивана Ефремовски — Thu, 28 Sep 2023 15:10:31 +0000

Надворешната канцеларија за криминалистички работи Дебар поднесе кривични пријава против А.Џ.(58) и Б.К.(35), двете од Штип, поради постоење основи на сомнение извршено на кривично дело „запуштање и малтретирање на дете“. Пријавените, баба и тетка на малолетно дете, го подведувале на питачење на 12.08.2023 на ул.„Братство Единство“ и ул.„8 Септември“ во Дебар.

Скопјанка питачела на патарина, полицијата морала да реагира – еве што се случило

Ивана Ефремовски — Wed, 26 Jul 2023 20:20:42 +0000

На 25.07.2023 во 20:05 часот, полициските службеници од СВР Тетово ја привеле 42-годишната С.Ш. од Скопје. Таа била пријавена од раководител во Наплатна станица Желино дека врши питачење и го оневозможува движењето на возилата, движејќи се по коловоз на автопатот. Пријавената била оддалечена од автопатот и ќе се соочи со соодветен поднесок.

Албанец приведен поради питачење во Тетово, ќе одговара и за друг проблем

Ивана Ефремовски — Wed, 05 Jul 2023 14:40:00 +0000

На 04.07.2023 околу 12:55 часот, на улица „Илинденска“ во Тетово, полициски службеници на СВР Тетово го привеле М.Д.(35) од Република Албанија, поради непријавен престој на подрачјето и негова инволвираност во питачење. Тој е задржан во Полициската станица Тетово за натамошна постапка и ќе следува поднесок.

Со деца питачеле на улица, казнети пет лица

Ивана Ефремовски — Fri, 24 Mar 2023 15:37:13 +0000

На 23.03.2023 во периодот од 11:30 часот до 15:00 часот на повеќе локации во Тетово, полициски службеници на СВР Тетово во содејство и координација со претставници на Центарот за социјална работа спровеле активност за справување со питачење како незаконска појава. Во акцијата откриени и со соодветни поднесоци биле санкционирани четири женски и едно машко лице од Тетово и Скопје. Три од женските лица биле со малолетни деца.

Питачи санкционирани во Тетово

Ивана Ефремовски — Fri, 28 Oct 2022 14:28:22 +0000

На 27.10.2022 во периодот од 08:30 до 12:00 часот во Тетово, полициски службеници на СВР Тетово во содејство и координација со тетовскиот Центар за социјални работи спровеле заедничка контрола во рамките на планираните активности за справување со питачењето. Во контролата, реализирана на неколку улици во централното градско подрачје, затекнати и санкционирани биле две лица, женско на возраст од 48 години од тетовско село и 61-годишен тетовец, кои на различни места питачеле. На двајцата ќе им бидат изготвени соодветни поднесоци.

Приведена жена од Скопје- ги принудувала своите малолетни деца да питачат

Катерина Бојаџиева — Wed, 28 Sep 2022 08:48:39 +0000

На 27.09.2022 во 17.30 часот на подрачјето на Аеродром-Скопје, полициски службеници од Единицата за внатрешни работи Аеродром и Драчево ја лишиле од слобода Л.С.(46) од Скопје поради постоење основи на сомнение за сторено кривично дело „запуштање и малтретирање на малолетно лице“ по член 201 од Кривичниот законик. Претходно, истиот ден, на крстосницата од бул.„Србија“ со бул.„Јане Сандански“ биле затекнати нејзините две малолетни деца како питачат. Претставници на Центар за социјални работи извршиле службен разговор со малолетниците, а исто така и со неа бил извршен службен разговор во полициска станица, во кој таа во целост го појасни начинот на извршувањето на делото. По целосно документирање на случајот ќе следи соодветна пријава.

Приведена млада скопјанка, со своето малолетно дете питачела на булевар

Магдалена Андонова — Sat, 30 Apr 2022 10:17:43 +0000

Одделенијата за криминалистички работи во единиците за внатрешни работи при СВР Скопје, во содејство со Меѓуопштински центар за социјална работа - Скопје, во текот на изминатата недела преземаа мерки и активности за спречување на „питачење“ на најпогодените подрачја - ЕВР Центар и Бит Пазар, ЕВР Карпош, ЕВР Гази Баба, ЕВР Ѓорче Петров, ЕВР Чаир и ЕВР Аеродром и Драчево. Притоа, лишена од слобода била Е.С.(30) од Скопје, која била затекната со своето малолетно дете како питачи на булевар на подрачјето на Центар. По целосно документирање на случајот против неа ќе биде поднесена кривична пријава, поради постоење основи на сомнение за сторено кривично дело по чл.201 од Кривичниот законик.

Питачеле со своите деца, скопјани кривично ќе одговараат

Ивана Ефремовски — Sat, 16 Apr 2022 07:35:38 +0000

Одделенијата за криминалистички работи во Единиците за внатрешни работи при СВР Скопје, во содејство со Јавната установа Меѓуопштински центар за социјална работа - Скопје, во периодот од 08.04-15.04.2022 година преземаа мерки и активности за спречување на „питачење“. Притоа, лишени од слобода биле С.К.(26), Б.Б.(33) и Е.Л.(30) сите од Скопје.

С.К. и Е.Л. заедно со своите малолетни деца, и малолетник чиј старател/родител е Б.Б. биле затекнати при питачење на крстосници и булевари и пред верски објекти на подрачјето на Скопје, со нив бил извршен службен разговор и по целосното документирање на случајот против нив ќе следат кривични пријави, поради постоење основи на сомнение за сторено кривично дело по чл.201 од Кривичниот законик.