питачи – Kurir.mk

Во земјава дневно питачат по две илјади лица

Магдалена Андонова — Thu, 28 Jul 2022 14:15:38 +0000

Во земјава дневно питачат по две илјади лица. Нашите истражувања покажуваат дека на територијата на цела држава има над четири илјади питачи, истакна на денешната прес-конференција Илија Јованов, претседател на Здружението „Градиме иднина“ – Скопје. – Ние како здружение за осум месеци успеавме да остраниме од питачење 1.500 лица. Ги предупредувавме, ги насочувавме каде да ја барат помошта и дека решението не е во питачењето и не им е тука работното место, рече Јованов. Тој информира дека денеска во Полициската станица Гази Баба оствариле средба со претставници од полициските станици Центар, Ѓорче Петров, Кисела Вода, Аеродром, Ново Лисиче, Карпош, Гази Баба и Сарај за да се изнајде решение и околу тоа дека организаторите и макроата ги злоупотребуваат децата, и кои им ги одземаат парите што. Како што рече, за жал децата не ги добиваат парите од дневниот промет кој го прават од три до пет илјади денари. Посочи дека претставниците на полициските станици истакнале дека професионално, совесно и одговорно ја вршат функцијата до постапувањето со поднесување на кривични пријави, приведување на малолетни деца, и на повозрасни лица кои прават прекршок, чествуваат во прекршокот и кои ги стават опасност – и самите себеси се ставаат во опасност, како и возачите на улиците каде што питачат. Апелира до бизнис заедниците и општините да се вклучат во проектот за извлекување на луѓето од питачење. – Овој проблем треба да се решава на општинско ниво. Значи, секоја општина треба да им го решава проблемот на Ромите и апелирам до сите градоначалници наместо партиски вработувања да преземат поголема општествена одговорност. Вие како градски татковци на секоја општина вработете ги ромските семејства, понудете им програма за работа, понудете им курсеви, обуки за да се стекнат со нови знаења, сертификати затоа што не знаеме колкава е бројката на незавршено средно и основно образование, рече Јованов. Исто така, упати апел и до министерката за труд и социјална политика Јованка Тренчевска, до Владата и до премиерот Димитар Ковачевски, оваа прашање да се реши институционално. – Замолувам институционално да им ги решиме проблемите, да бидат со закон заштитени, да бидат вработени, да им се доделат социјални станови, да бидат згрижени, да имаат дневни центри низ цела Македонија да работат со нив стручни лица. Барав да им се решат проблемите затоа што тие се без матични броеви, без нивни лични документи – лична карта, извод на родени, државјанства и се буквално препуштени сами на себе – ни на небо, ни на земја, посочи Јованов. Тој најави дека овој проект не застанува тука и оти ќе продолжи со остварување на средби со сите градоначалници и директорите на центрите за вработување од цела држава. Посочи дека од Владата и премиерот ќе побара да има ребаланс на буџетот за да се издвојат средства за покривање на трошоците на оваа ранлива категорија за посетување курсеви или обуки или да бидат ослободени од давачките кон државата за да има повратен ефект и да нема терет на државата.

Приведени 5 скопјани, со своите малолетни деца питачеле на улици

Магдалена Андонова — Sat, 12 Mar 2022 10:40:23 +0000

Одделенијата за криминалистички работи во единиците за внатрешни работи при СВР Скопје, во содејство со Јавната установа Меѓуопштински центар за социјална работа - Скопје, во текот на изминатата недела преземаа мерки и активности за спречување на „питачење“. Притоа, лишени од слобода биле Л.А.(32), С.М.(24), Ш.К.(30), Џ.С.(30) и И.М.(33), сите од Скопје, кои биле затекнати заедно со своите малолетни деца при питачење на улици, булевари и пред верски објекти на подрачјето на Скопје. Со нив бил извршен службен разговор и по целосното документирање на случајот против нив ќе следат кривични пријави, поради постоење основи на сомнение за сторено кривично дело по чл.201 од Кривичниот законик.

Децата просат по скопските улици, а за Царовска приоритет е да ја воведе двојазичноста

Ивана Ефремовски — Wed, 18 Apr 2018 13:38:44 +0000

Само скандали, неработа, неодговорност и негрижа е главната особина со која се карактеризираат последните 11 месеци во МТСП откако со него управува Мила Царовска и СДСМ. Наместо да се фати за работа и да ги почне да ги спроведува работите кои ги ветуваше за време на изборите, ниту едно од ветувањата кои ги даде не ги исполни. Таа дури и од собраниската говорница ревносно изјавуваше дека „нема деца питачи по скопските улици“. Но фактите кажуваат сосема поинаку. Не само што има деца питачи по главните сообраќајници, туку тие се буквално насекаде. Доволно е да е се прошета само по Камениот мост, Старата скопска чаршија, низ трговските центри и по главните пешачки улици, ќе се види десетина дечиња како просат. Но затоа Царовска може да се пофали со само еден реализиран проект. Таа наместо да се справи со ваквото питачење доследно ја спроведува двојазичноста на дело. Така на последното соопштение од МТСП до јавноста е напишано покрај македонскиот и на албанскиот јазик. Тоа се ќе беше во ред ако Царовска успееше да го среди хаосот во министерството која самата го води. Но наместо да ги решава проблемите на граѓаните очигледно Царовска има попаметна работа да средува. Така да граѓаните сеуште чекаат социјалната помош да биде 12 илјади денари која Царовска ја вети дека ќе ја донесе во првите 6 месеци како и редица други зголемувања за кои исто така ветуваше дека ќе ги донесе. Царовска исто така стана центар на внимание со огромниот мега скандал кој го потесе домот за деца “25 Мај“ каде беа силувани малолетни девојчиња но во исто време се соочува и секојдневни исчезнувања на малолетници од истиот дом.