питер шмајхел – Kurir.mk

Де Хеа го израмни рекордот на Шмајхел

Ивона Петрова — Wed, 16 Feb 2022 10:19:47 +0000

Манчестер јунајтед синоќа го победи Брајтон со 2:0 во одложениот натпревар од 18. коло на Премиер лигата. Голманот на „црвените ѓаволи“ Давид Де Хеа го одигра својот 128- ми натпревар без примен гол во англиската Премиер лигата и го повтори клупскиот рекорд. Шпанецот го дели ова достигнување со легендарниот Данец, Питер Шмајхел, кој бранеше за Манчестер јунајтед од 1991 до 1999 година. По синоќешната победа Јунајтед се проби на четвртото место во поредокот на Премиер лигата со освоени 43 бодови, 20 помалку од лидерот Манчестер сити.

Данскиот голман проговори за натпреварот со Финска: УЕФА изјави дека фудбалерите инсистирале да го завршат мечот, но тоа не е точно!

Магдалена Андонова — Mon, 14 Jun 2021 12:45:43 +0000

Легендарниот дански голман Питер Шмајхел проговори за ситуацијата со натпреварот Данска – Финска (0:1) во првото коло од групната фаза на ЕВРО 2020 по срцевиот удар на играчот од средниот ред Кристијан Ериксен. – Видов изјава од УЕФА, во која беше забележано дека тие донеле таква одлука по совет на играчите, демек фудбалерите инсистирале да го завршат мечот. Но, ова не е точно. На играчите им беа понудени три опции. Првата беше да се заврши натпреварот веднаш. Втората опција беше следниот ден напладне да се доиграат преостанатите минути. Третата беше службен пораз со 3:0. Па сега видете сами, дали навистина беше желбата на играчите да завршат со играта веднаш? Дали имаа избор? Мислам, не, изјави Шмајхел. (МИА)

Де Хеа го сруши рекордот на Шмајхел

Ивона Петрова — Mon, 27 Jul 2020 10:45:21 +0000

Голманот на Манчестер Јунајтед, Давид Де Хеа, не прими ниту еден гол на вчерашниот натпреварот во Премиер лигата против Лестер (2:0) и постави нов рекорд. Шпанецот по 113-ти пат ја зачува „сува“ мрежата на Јунајтед во Премиер лигата. Де Хеа во оваа статистичка категорија го престигна Питер Шмајхел кој 112 пати бранел за Манчестер без да прими гол. Едвин ван дер Сар е на третото место по однос на бројот на „суви“ мрежи за Манчестер Јунајтед во Премиер лигата, со 90 такви натпревари, Фабиан Бартез на четвртото место со 30, додека ТОП 5 се затвора со Рој Керол кој има 24 „суви“ мрежи.

Каспер Шмајхел подобри рекорд на својот татко

Дарко Андоновски — Sun, 17 Jun 2018 12:43:26 +0000

Данскиот голман Каспер Шмајхел подобри рекорд на својот татко - легендата Питер Шмајхел. Вчерашниот рекорд на „црвениот динамит“ да победи во петти последователен натпревар без да дозволи гол е рекорд на самиот голман, кој има повеќе последователни натпревари без примен гол од неговиот татко, кој на четири дуели не дозволил да се затресе неговата мрежа. Постои уште еден рекорд запишан зад името на Каспер. Тој не примил гол во 534 минути, а рекордот на неговиот татко е 470 минути без дозволен погодок.