питон – Kurir.mk

ПИТОН ПРЕДИЗВИКА ХАОС ВО ЦЕЛО МААЛО: Се качил на кров, па влегол низ прозорецот – соседите само беспомошно гледале тоа што следувало

Дарко Андоновски — Fri, 26 Aug 2022 08:29:31 +0000

Семејство од Велика Британија имало непоканет гостин во својот дом – бурмански питон долг речиси шест метри кој се симнал од покривот и преку прозорецот влегол внатре во куќата. Соседите во предградието на Саутемптон првично беспомошно гледале како змијата се пробива по покривот пред „да се лизне“ низ прозорецот… Сосетка, по име Џени вели дека првпат го видела питонот околу 5:30 часот наутро. – Видов нешто на покривот и помислив дека тоа мора да е пластична цевка, но потоа неговата глава почна да се движи. Му го кажав тоа на мојот сопруг Стивен, а тој ми рече „не биди смешна“. Имаме куче Родни, па и тој лаеше и лудуваше… Сфативме дека тоа дефинитивно е змија и дека се движи по покривот обидувајќи се да најде влез внатре, се присетува таа. За среќа, расплетот говори дека змијата е питома и била чувана од сосед од околијата, но избегала од својот терариум. Во овој настан, за среќа, никој не е повреден. Влекачот е безбедно вратен во својот дом.

ФОТО: Уловен питон долг речси шест метри

Тале Кристо — Sat, 10 Oct 2020 09:32:07 +0000

Двајца ловци во Флорида фатија бурмански питон долг 5,71 метри, што е рекорд за американската сојузна држава богата со влекачи од сите видови. Змијата, чиј вид е меѓу најголемите во светот, тешка е 47 килограми, наведе локалната Агенција за заштита на животната средина. Питонот е заловен 60 килоемтри источно од Мајами. Бурманскиот питон на Флорида се смета за инванзивен вид, кој е донесен од Југоисточна Азија кон крајот на 20 век и во мочуриштата на националниот парк Еверглејдс, пронајде идеален екосистем за размножување.

ФОТО: Уапсиле маж во Загреб, па во станот пронашле питон долг 5,5 метри

Ивона Петрова — Sat, 04 Jul 2020 10:37:26 +0000

Откако полицијата уапсила маж во Загреб, во неговиот стан пронашле огромен миленик. -Акција на зачудувачки димензии во петокот навечер! Нашиот тим никогаш немал таков влекач во нивното возило! Тоа е бурмански питон долг 5,5 метри и тежи околу 50 килограми. Колегите го однеле на повик на полицијата. Питонот, кој пристигнал таму, предизвикал восхит затоа што најдолгиот питон во Зоолошката градина е повеќе од два метри пократок од впечатливиот гостин, објавено е на Фејсбук страницата на Загрепската зоолошка градина со фотографии од импресивната змија.

Инстант карма во зоолошка: Питон се обиде да изеде цел елен, но потоа… (ВИДЕО)

Ивана Ефремовски — Tue, 02 Jun 2020 06:08:55 +0000

Посетител на зоолошката градина под отворено небо во тајландската провинција Чонбури спаси елен од питон, пренесува Азија Еден. Видеото, како што наведуваат, е снимено минатата сабота и покажува дека влекачот се обидува да го проголта пленот. Сепак, пред да го проголта целиот елен, човекот почнува да го удира со гранка. Питонот го испушта еленот и бега во шумата. Интернет-корисниците брзо не се согласија дали посетителот на зоолошката градина ја направил вистинската работа.

เหตุเกิดเมื่อวานนี้ ณ สวนสัตว์เปิดเขาเขียว pic.twitter.com/btHDDlDkXh
— Visit Arsaithamkul (@papakrab) May 30, 2020

Оваа жена ќе ја прогласите за луда: Се вратила дома, а на новогодишната елка ја чекало изненадување од кое и се заледило крвта (ФОТО)

Дарко Андоновски — Fri, 13 Dec 2019 19:36:28 +0000

Постојат многу начини како да ја украсите новогодишната елка, но една жена прилично се изненадила од нејзиниот новогодишен украс на елката. Имено Австралијанката Лијен Чапмен кога се вратила дома на новогодишната елка начекала змија питон долг три метри. Како што таа раскажала за тамошните медиуми секојдневно на нејзината тераса се собирале птици, а кога нејзиниот сопруг сакал да ги сними во нивната новогодишна елка начекал изненадување. Змијата тие ја оставиле на мира, па самата си заминала доцна во ноќта од нивната новогодишна елка и дом. -Остана таму неколку часа и ја гледавме низ прозор, вели таа.

Паника: Триметарски питон способен да изеде човек шета по универзитетот Кембриџ

Ивана Ефремовски — Mon, 01 Jul 2019 16:46:48 +0000

Мрежест питон, долг околу 2,7 метри, кој може да изеде човек, му побегнал на својот сопственик во Кембриџ и сега слободно скита по универзитетот. Полицијата добила известување дека е забележана змија во близина на Ловел роуд и почнала потрагата, меѓутоа питон оттогаш не е виден. Полицијата го пронашла сопственикот, кој потврдил дека неговата змија, по име Турин, избегала.

#cambscops In the early hours of this morning Officers attended the area of Lovell Rd Cambridge, Reports of a three meter snake seen in the area. Police have located the owner but not the Reticulated Python confirmed to be 9ft long. Any sighting please notify Cambs Police on 101.
— Cambs police (@CambsCops) June 30, 2019

Иако мрежестиот питон не е отровен и ретко ги напаѓа луѓето, возрасната единка може да ја отвори својата вилица доволно широко за да проголта човек. Овој вид питон знае да порасне и до 9,6 метри и се смета за најдолгата змија во светот. Лондонската полиција упати апел секој што ќе го види рептилот, кој не е отровен, но може да го обвие и да го задуши својот плен, да се јави кај нив.

Од глетката ќе останете во неверување- уловен најголемиот питон на Флорида (ФОТО)

Дарко Андоновски — Mon, 08 Apr 2019 09:11:49 +0000

Група истражувачи од Флорида уловија женка питон долга 5,2 метри и тешка 140 килограми, која според зоолозите, е доволно цврст и силна за да голтне и елен. Змијата подолга од еден кат на куќа, истражувачите ја уловиле користејќи мажјаци со радиопредаватели на нив, за време на сезоната на парање. Според нив, тоа е еден од најголемите питони што го виделе во живо во нивната кариера – Екипата не само што ги собира грабливите змии, туку прибира податоци и за научни истражувања, изработува нови алати за нивно отстранување и открива како питоните се размножуваат, изјави еден член на тимот. Змијата имала 73 јајца. Овие влекачите не се соочуваат со грабливци посилни од нив во природната средина во Флорида и затоа нивното размножување оди доста брзо, па тие самите стануваат „голема закана за тамошната дива природа”, оценуваат истражувачите. Бројот на питони во САД денес повторно се приближува до рекордните 300.000, иако американските власти го забранија нивниот увоз во 2012 година.

ФОТО: Среде ноќ ќерката барала помош од својот татко – ова го затекнал во нејзината соба

Предраг Кукиќ — Sun, 31 Mar 2019 10:06:01 +0000

Семејството Петегру од Австралија отишло на кампување на островот Моретон. Се делувало совршено, се додека таткото во 5 часот утрината не слушнал како неговата 9-годишна ќерка Габи шепоти низ стиснати заби „помош“, додека околу раката имала обвиен питон долг два ипол метри. Малата Габи била како замрзната, а змијата ѝ била цврсто завиена околу раката. Шокираниот татко со сите сили се обидувал да го спаси детето. „Толку цврсто беше обвиена околу нејзината рака, што кога се обидував да ја тргнам, таа се повеќе се припијуваше во Габи. А, потоа ги зари забите во нејзината рака“, рекол таткото. Габи успеала да остане прибрана и покрај силната болка. „Јас не знаев што да направам, па само инстинктивно ја фатив змијата за уста и ѝ ги раздвоив вилиците. Некако успеав да го ослободам детето од притисокот на змијата и ја пуштивме назад во шума“, раскажал таткото за медиумите. Голема среќа е што питонот не спаѓа во отровни змии, па истрауматизираното девојче останало надвор од животна опасност, но со лузна која засекогаш ќе ја потсетува на овој морничав случај.

(ВИДЕО) Фатен питон од 2,2 метри и тежок 12 кг во гевгелиско

Предраг Кукиќ — Tue, 05 Mar 2019 07:20:22 +0000

На излезот на село Стојаково, вчера била пронајдена огромна мртва змија. Најверојатно е питон. „Змијата ја најдов мртва до нашиот имот. Ја забележавме со татко ми и направивме некоја фотографија и видео. Такви змии во нашиот регион досега немаме забележано. Мислиме дека некој ја фрлил змијата тука. Најверојатно била нечие домашно милениче и умрела. На змијата немаше видливи траги дека е насилно убиена“, изјави за МКД.мк Петар Караѓошев од Стојаково.

Gepostet von Petar Karagosev am Sonntag, 3. März 2019

Ги разбудил вресок: Питон сакал да им го проголта синот, родителите се бореле со змијата!

Ивана Ефремовски — Sun, 20 Jan 2019 14:31:30 +0000

Родителите во австралиски град се разбудиле од криковите на 14-годишниот син кого го нападна питон. Влегувајќи во неговата соба, виделе змија долга три метри, која се свиткала околу раката на момчето и ги зарила забите во неговата рака. -Сакаше да му ја изеде раката, рекла мајката на момчето, Ема Џексон. Питоните не се отровни, туку ја дават својата жртва и потоа ја проголтуваат. Тие може да пораснат до 8,5 метри. „Ние се боревме со него, но колку повеќе се обидувавме, толку неговите заби навлегуваа сè подлабоко и подлабоко“, додала мајката. Конечно, таа ја зграпчила касичката во облик на птица со чуден клун и ја пикнала во устата на змијата, додека таткото ја повлекол главата на питонот и ја ослободил раката на момчето.