пивофест – Kurir.mk

Прилеп: Од утре до недела фестивал на Пивото, најавена добра забава

Ивона Петрова — Thu, 31 Aug 2023 11:26:13 +0000

Од утре, 1 септември, до недела, 3 септември, Прилеп е домаќин на 20-тото издание на Фестивалот на пивото, насловен како „Бирвикенд“. Со изменет термин, но на истото место, во центарот на градот каде се поставуваат штандовите и големата бина, Фестивалот ќе понуди дегустација на познатиот пенлив пијалак, вкусна скара и добра забава за сите гости и посетители. Фестивалот воспоставува ново руво, нагласува организаторот „Евент груп“ од Скопје. -Годинашниов Фестивал на пивото по кој Прилеп е препознатлив ќе биде под нов бренд - „Prilep beer weekend“. фестивалот ќе понуди одлична програма, ќе има голем број учесници со свои штандови коиќе понудат вкусна храна, ладно пиво. Сѐ на сѐ, ќе имаме одлична можност три дена за забава кои ќе оистанат за паметење.Кога се нафативме да ја преземеме организација, бевме свесни за предизвикот. Досега е сѐ во ред. Имаме координативни состаноци со сите иституции за безбедно и непречено одвивање на Фестивалот. Организирани сме и за паркинг просторот, ќе има дополнителен. Означениот паркинг утре и в сабота вообичаено се наплаќа, дополнителниот ќе биде бесплатен, а во недела сѐто паркирање ќе биде бесплатно. Во Фестивалот внесуваме свежина, новини, оваа година е краток периодот за организирање, но догодина ќе има повеќе новини. Воспоставуваме приказна и за наредните години. Сметаме дека квалитетот ќе биде пресуден за успехот на Фестивалот во кој веруваме, изјави Дарко Крстески од „Евент груп“. На Фестивалот ќе има забава за сите генерации и учесници, изведувачи од земјава и Балканот. За граѓаните е битно што не се нарушува традицијата и Фестивалот треба да се одржува. Корисно е и за локалната економија и за туристичкиот развој на Прилеп. Терминот е променет, но да не се прекине традицијата на Фестивалот кој се одржува 20 години и по кој Прилеп е препознатлив.

Ристески: Дали Пивофест замина во историјата?

Магдалена Андонова — Mon, 19 Jul 2021 13:59:57 +0000

ДАЛИ ЗАМИНА ПИВОФЕСТ ВО ИСТОРИЈА? ➡️Традиционално, првиот викенд после празникот Петровден, во градот под Марковите Кули се случуваше најголемиот настан во историјата на градот и Македонија -ПИВОФЕСТ... ✅Фестивал за кој немаше бариери, рушејќи рекорди невообичаени за Македонија, фестивал кој за 4 дена со над 350.000 гости во просек влезе во картата на Светските фестивали за пиво... и стана еден од најпрепознатливите туристички брендови во овој дел на Европа..‼ ✔Во градот и Македонија тие фестивалски денови се слеваа гости од целиот свет, а градот неколку месеци пред тоа се спремаше за прием на истите... ✔Нашите иселеници секогаш планираа годишниот одмор да им се поклопи овие денови со пивофестот... Градот денови и недели беше преполн со гости, а хотелите и приватните сместувања беа резервирани неколку месеци претходно... ⏩Еуфоријата траеше пред фестивалот, но и по него, со анализи, впечатоци и очекувања за наредниот.... ✅Економскиот бенефит беше огромен за градот и чаршијата, а на сите балкански музички ѕвезди и пошироко им беше престиж да се пофалат дека биле дел од овој фестивал, рушејќи рекорди во нивните кариери по број на посетеност на нивните концерти... Музика имаше за сите вкусови, но и рекорди во испиено пиво и изедена скара... ✔Многу млади луѓе со ангажманот на пивофестот зарабoтуваа сопствен буџет за одмор, школување, прошетка, и сл... ✔Пиварите имаа одлична промоција на своите пива и новитети на преубавите штандови, но и многу пропратни манифестации кои ги носеше самиот фестивал: aлтернативни бини, кампинг, модни ревии, промоции, семинари, натпревари, бинго, лотарија, хостеси, жонглери, огномети, пивски точак и воз, запросувања, прошетки на културно историски знаменитости, манастири и сл... едноставно фестивалот беше обвиен со магична еуфорија ... ❗ПИВОФЕСТ го правеше Прилеп и Македонија центар на балканот тие денови! По примерот на прилепскиот ПИВОФЕСТ многу градови во Македоија поучени од огромната посетеност и промоција почнаа да прават свои фестивали,но никогаш не го достигнаа...поточно пивофестот беше еден и единствен-пионер во развојот на една нова и сеуште непозната туристичка гранка во државава-фестивалски туризам!!! 👉П.С. Традицијата и убавите работи треба да се продолжуваат и надоградуваат, а не да се забораваат и уништуваат, тоа не е коректно за сегашните и идни генерации! 👉Пивофестот ќе ги надживее сите, па и овие... 👉П.С. Потсетување кои се големи музички имиња биле дел од Пивофест: ✔Македонски: Есма, Кирил Џајкоски, Влатко Стефановски, Суперхикс, Каролина Гочева, Кајмакоски, Слаткаристика, Драган Мијалковски, Зафир Хаџиманов, Маја Оџаклиевска, Гоце Арнаудов, Ареа, Ефто Пупиноски, Миле Кузмановски, Тијана, Тамара, Калиопи, Сузана Спасовска, Сroassroad blues band, ДНК, Блага Петреска, Нокаут, Владо Јаневски, Синтезис, Фолтин, Баклава, Влатко Илиевски, Сузана Спасовска, Игор Џамбазов,Елена Велевска,Гавазова..... ✔Балкански: Бреговиќ, Чолиќ, Цеца, Брена, Северина, Оливер Драгојевиќ, Џиновиќ, Емина Јаховиќ, Џеј, Бешлиќ, Лукас, Ковачевиќ, Д.Мерлин, Мартиновиќ, Цетински, Ван гог, Психомодопоп, Сарс, Дубиоза, Колектив, Ж.Самарџиќ, М.Илиќ, Парни Ваљак, Грашо... ✔Странски:2CELLOS,INNА, Fly project, Nastia Zoloto,Joke,Bang La Deck,Raphael,The Toasters и многу други алтернативни светски бендови и познати DJ... Фејсбук статус на Марјан Ристески

Познато е кои ѕвезди ќе настапат на овогодинешниот „Пиво Фест“ во Прилеп

Ивана Ефремовски — Thu, 27 Jun 2019 12:17:22 +0000

Од 18 до 21 јули во Прилеп по 17-ти пат ќе се одржи традиционалниот Фестивал на пивото и на скарата – „Пивофест“. Четирите фестивалски дена ќе донесат голем број посетители и новини со што ќе се збогатат содржините на оваа, една од најголемите летни манифестации, препознатлива на Балканот, соопштија денеска на прес-конференција организаторите: прилепската локална самоуправа и агенцијата „Баги комуникации“ од Скопје. Според градоначалникот Илија Јованоски, „Пивофест“ ќе се одржува во центарот на градот, зашто анкетата со граѓаните и институциите покажа дека тоа е најдобрата, најсигурната и најфреквентната локација со најсоодветна инфраструктура. На Фестивалот ќе има преку 20 штандови и се ќе биде поставено на површина од 4.131 метар квадратен. -Оваа година ќе биде поразлично и побогато. Ќе има повеќе пиварници и поразлична програма преку целиот ден, ноќта, се до раните утрински часови. Музиката и програмата ќе биде за сите генерации и за сечиј вкус за Феастивалот да биде подобар и поразличен од досега. Нема да има огномет, а средствата за тоа ќе бидат пренаменети во добвротворни цели, за Здружрението на лекувани алкохоличари, рече Јованоски. Владимир Мандичевски од агенцијата „Баги комуникации“ која со години организира настани и манифестации во и надвор од државава нагласи дека програмата ќе донесе голем број познати изведувачи. – Голем предизвик е да се организира ваков Фестивал кој има 16-годишна традиција и до Белград е регионално најголем, а е и во врвот на најголемите македонски фестивали. Програмата е конципирана за сите генерации, со посебен акцент на локални и наши групи изведувач. Направен е избор на различен вид музика со гости од целиот регион. Во четврток, на 18 јули, ќе настапат „Прилепски еснаф“, дуетот Селимова-Желчески, Ѓорѓе Давид и Ивана Негатив, а вечерта ќе заврши со настапот на рок-групата „Галија“. В петок, на 19 јули, се Ален Хасановиќ, Миле Кузманоски, Кантурови и Светлана Ражњатовиќ-Цеца. Во сабота на 20 јули термините се резервирани за „The Hounds“, Влатко Стефановски-трио, Фрајле и за Тамара Тодевска, а последната вечер, на 21 јули, недела, настапуваат „Бен Хур“, „Кал Бенд“ од Блеград кој изведува џипси рок низ цел свет, Сања, Маринко и Зец ќе ги пеат песните на групата „Нови Фосили“ и на крајот „Cyrillic“, објаснува Мандичевски. „Пивофрест“ претендира да биде водечки во регионот, како туристичка атракција. -Има барања од туристички агенции од Скопје и досега најава на гости од Грција и од Бугарија, а допрва очекуваме најави на посетители. Ќе се организира и посета на сиот дипломатски кор во земјава. Направени се контакти со Стопанската комора на Македонија, со приелпската регионална комора и со македонската туристичка комора. Пиовофест од годинава мора да влезе во понудата на туристичките агенции и работиме Прилеп да стане регионален фентар на Фестивалот на пивото, рече Мандичевски. Јана Јанеска од локалната самоуправа наброи богата алтернативна програма во сите денови на Фестивалот. -Ставаме акцент на алтернативните настани како можност да се издигне Фестивалот на повисоко ниво за да се развијат креативниот туризам и креативните индустрии. Ќе има и сервис за посетителите за информации за сите достапни инстѕитувции, како хотелите, хостелите, рестораните, службите на Итна помош, на Полицијата,. ќе има штанд за „изгубено-најдено“, ќе има „Пејн-бол – арена“ достаспни 24 часа, се воведува игра „Пивопол“ во вечерните часови пред почетокот на главната програма, за прв пат ќе има активна детска зона, преку денот ќе има летна забава во „Аквапаркот“, а во паркот на Револуцијата пак ќе биде активна „кампинг-зоната“ за сите кои ќе кампуваат на Фестивалот, а за младите во ноќите до раните утрниски часови ќе има алтернативна програма на камената бина на плоштадот „Александрија“. За време на Фестивалот, со познатото „Вовче“ ќе има презентација на културните знаменитости на Прилеп, рече Јанеска. Мотото на Фестивалот е „За добра мисла“. Буџетото кој го одвојува локалната самоупорава за „Пивофест“ е 2,5 милиона денари за покривање на авторските хонорари на учесниците. Како и лани цената за паринг-простор е 50 денари. (МИА)

Шилегов ги прекрсти скопските фестивали „Виноскоп“, „Пиволенд“ и „Баскерфест“- еве како ќе се викаат

Катерина Бојаџиева — Mon, 05 Mar 2018 19:41:10 +0000

На денешната вонредна седница на Советот на Град Скопје е донесена одлука за промена на имиња на традиционалните манифестации. Со оваа одлука „Фестивал на виното Вино – Скоп 2018“ се преименува во „Вински фестивал“, проектот „Гурмански викенд во Скопје – Пиволенд“ ќе се вика „Пивски фестивал“, а познатиот „Баскерфест“ е преименуван во „Организирање на манифестација со улични изведувачи“. Градоначалникот Петре Шилегов појасни дека новите називи биле неопходни заради усогласување на називите на проектите во програмата со називите на проектите во Буџетот на Град Скопје за 2018 година.