пјер емерик обамејанг – Kurir.mk

Обамејанг се сели во екипата на Олимпик Марсеј

Бошко Тасиќ — Sat, 22 Jul 2023 06:14:52 +0000

Официјално, Пјер Емерик Обамејанг е нов член на Олимпик Марсеј, на еден од најголемите клубови во Лига 1. Ова е и негово враќање во Франција, по цела една деценија кога од Сент – Етјен во таа 2013 година направи трансфер во Борусија Дортмунд. Потоа кариерата го носеше во Арсенал, Барселона, Челзи а сега фудбалерот од Габон ќе игра на “Велодром“. Обамејанг кој сега има 34 години, во Олимпик Марсеј дојде како слободен играч.

Обамејанг и Марсеј договорија соработка до 2026 година

Дарко Андоновски — Tue, 18 Jul 2023 09:27:22 +0000

Пјер-Емерик Обамејанг се согласи на преселба во Марсеј. Според инсајдерот Фабрицио Романо, страните се договориле да склучат договор до 2026 година. Францускиот клуб е во преговори со Челзи и се очекува да нема проблеми околу зделката. Напаѓачот на репрезентацијата на Габон одигра 15 натпревари во Премиер лигата во сезоната 2022/23 и постигна еден гол.

Обамејанг се надева дека кариерата ќе ја продолжи во Барселона

Ивана Ефремовски — Thu, 15 Jun 2023 08:18:14 +0000

Напаѓачот Пјер-Емерик Обамејанг очекува да ја продолжи кариерата во Барселона. Фудбалерот чека покана од каталонскиот клуб, соопштува „Sport Zone“. Челзи сака да се раздели со играчот ова лето. Фудбалерот го бараат во Саудиска Арабија, но тој се надева дека ќе се врати во Барселона. Напаѓачот е во постојан договор со главниот тренер на синиот гранат Чави. Триесет и тригодишниот Французин минатата сезона одигра 21 натпревар, постигнувајќи три гола и една асистенција. (МИА)

Пјер- Емерик Обамејанг најави во кој клуб ќе се пресели

Бошко Тасиќ — Mon, 08 May 2023 04:08:27 +0000

Пјер-Емерик Обамејанг ја игра својата прва сезона во дресот на Челси, сезона која по се изгледа ќе биде негова последна во составот од „Стемфорд Бриџ“. Тој не ја доби онаа улога која ја посакуваше во таборот на „сините“, тој дојде во оваа средина на инсистирање на Томас Тухел кој потоа беше отпуштен од Челси по што сите работи се свртеа против Габонецот кој има учинок од 3 гола на 21 натпревар. Со оглед на тоа што е најавена чиста во премиерлигашот во летниот преоден рок, Обамејанг е еден од играчите кој треба да си замине, а како негова посакувана дестинација е Барселона. -Немам идеја, ќе видиме. Ми се допаѓа Барселона, -порачал Пјер Емерик за „DjamLife“.

Челси го отпушта Обамејанг

Бошко Тасиќ — Sun, 02 Apr 2023 06:18:56 +0000

Пјер-Емерик Обамејанг неодамна го навлече гневот на навивачите и раководството на Челзи откако отиде да го гледа „Ел Класико“, а по завршувањето на натпреварот во соблекувалната на Барселона ја славеше победата со своите поранешни соиграчи. Челниците на Челси експресно решија да го раскинат договорот со Габонецот, но не онака како што тој се надеваше. „Сините“ ќе го пуштат Обамејанг да замине но не како слободен играч, што значи дека ќе му проапдне враќањето во Барселона. Напаѓачот прифатил минимална плата за да се врати на „Ноу Камп“, барем така шпекулираат шпанските медиуми.

Официјално: Обамејанг и Закарија во Челзи, Алонсо во Барселона

Ристе Здравков — Fri, 02 Sep 2022 08:10:58 +0000

Доцна синоќа Челзи ги потврди трансферите на Пјер Емерик Обамејанг и Денис Закарија и заминувањето на Маркос Алонсо. Во текот на целиот вчерашен ден Челси и Барселона работеа на зделката која беше комплетирана до последните моменти од преодниот рок, а објавена доцна по полноќ. „Пјер Емерик Обамејанг го комплетираше перманентниот трансфер од Барселона во Челзи“, стои во соопштението на клубот. Обамејанг ќе го носи дресот со бројот 9 за кого се вели дека е проклет во Челзи и обично не им оди на играчите кои ја имаат таа бројка на грбот. Дали Обамејанг ќе го урне тоа проклетство, ќе видиме. Челзи го потврди и трансферот на Денис Закарија кој пристигнува од Јувентус на позајмица со опција за откуп за 30 милиони евра. Челзи потврди и дека го раскина договорот со Маркос Алонсо на взаемна согласност. Тој денеска треба да биде промовиран како фудбалер на Барселона. Алонсо за Барселона ќе потпише како слободен играч, иако практично е дел од договорот за Обамејанг.

Обамејанг дефинитивно во Челзи

Ристе Здравков — Thu, 01 Sep 2022 12:53:38 +0000

Пјер Емерик Обамејанг дефинитивно се сели од Барселона во Челзи. По само половина година мината на Ноу Камп, интернационалецот од Габон си оди од Барселона и во трансфер вреден 15 милиони евра се сели во Лондон. Иако Обамејанг стартуаше одлично во Барселона, следуваше трансферот на Левандовски летово, што автоматски значеше за габонецот клупа и резервна варијанта. Тоа нормално за играч како Обамејанг не е опција, па Челзи се појави во вистинско време со својата понуда.

Повредата на Обамејанг при грабежот на неговиот дом, може да го спречи трансферот во Челзи

Дарко Андоновски — Wed, 31 Aug 2022 12:49:41 +0000

На напаѓачот на Барселона, Пјер-Емерик Обамејанг, му беше скршена вилицата за време на грабеж во неговиот дом, објави „The Athletic“. Нападот се случил во понеделникот вечерта во предградие на Барселона. Се известува дека на фудбалерот ќе му треба извесно време за заздравување на скршеницата. Ова може да биде проблем за преселбата во Челзи. Времето на закрепнување зависи од тоа дали Обамејанг се согласува на операцијата. Според шпанските медиуми ова може да потрае околу еден месец. Обамејанг не учествуваше на натпреварот од 3. коло на шампионатот на Шпанија против Ваљадолид (4:0), но сепак беше заведен во записникот како резервен играч.

Разбојници од Косово го претепале и ограбиле Обамејанг

Ристе Здравков — Mon, 29 Aug 2022 12:17:40 +0000

Разбојнците кои го претепале и ограбиле Пјер-Емерик Обамејанг се од Косово, тврди шпанскиот портал „Ара“. Четворица разбојници успеале да влезат во домот на Обамејанг во раните утрински часови, а потоа со палки ги нападнале напаѓачот на Барселона и неговата сопруга и им задале неколку удари. Им се заканувале со пиштоли и ги врзале, а потоа им ја уништиле куќата и ги ограбиле. Штетат се проценува на повеќе од 300.000 евра. Иако добиле неколку удари, за среќа Обамејанг и неговата сопруга не се повреден. Откако разбојниците си заминале, тие успеале да се ослободат и да повикаат полиција. На полицајците им опишале како изгледаат разбојниците и откриле дека зборувале на италијански. Четворицата разбојници побегнале со „Ауди А3“, што потврдиле и снимките од надзорните камери. Шпанскиот портал „Ара“ тврди дека полицијата го знае идентитетот на лицата кои упаднале во куќата на играчот на Барселона. Наводно, станува збор за група разбојници од Косово кои со години вршат вакви разбојништва. Обамејанг е една од нивните многубројни жртви. Тие го следеле Аубамејанг со недели, еднаш се обиделе да упаднат во неговиот дом, но биле спречени од алармот. Но, синоќа дошле подготвени и ги исклучиле алармите и влегле во куќата. Ваквите групи со години предизвикуваат проблеми низ Шпанија, а клубовите претходно ги советуваа играчите да не објавуваат фотографии од своите домови на социјалните мрежи и да ангажираат обезбедување на нивните имоти. По се што се случи, Обамејанг го испратил своето семејство во хотел бидејќи се уште е загрижен за нивната безбедност.

Стравично: Обамејанг претепан од крадци со фантомка и тоа во – својот дом!

Ристе Здравков — Mon, 29 Aug 2022 08:08:06 +0000

Напаѓачот на Барселона, Пјер-Емерик Обамејанг ноќеска бил жртва на дрска кражба во својот дом во Кастелдефелс (предградие на Барса), во која не само што бил ограбен туку и претепан од напаѓачите кои носеле фантомки. Според шпанските медиуми, крадците имале огнено оружје и метални прачки, со кои успеале да ги примораат фудбалерот и неговата сопруга да им го отворат сефот. Веднаш потоа тие побегнале со работи со голема вредност, меѓу кои и скапоцени камења, по што сопругата на Обамејанг повикала полиција. Ова е само уште еден од низата напади врз фудбалерите, кои се повеќе зачестија во целиот свет.