Пјерлуиџи Колина – Kurir.mk

Бобан: Колина мора да го стави егото на страна

Бошко Тасиќ — Sun, 17 Sep 2023 05:37:12 +0000

Фудбалската легенда на Хрватска Звонимир Бобан, во разговор со шпанските медиуми одговараше на бројни прашања поврзани со фудбалските правила и трендови. Главниот оперативец на Европската фудбалска унија (УЕФА), меѓу другото, се осврна на капитенот на Хрватска, Лука Модриќ и на Пјерлуиџи Колина. Бобан ги критикуваше претерано долгото судиско надополнување. „Има премногу натпревари и играчите се уморни поради тој ритам, а што правиме ние? Им додаваме минути во периодот од натпреварот кој и онака им е најтежок. Последниот половина час е секогаш најтежок. Можевме да одиграме 100 натпревари во 100 дена ако траеја по еден час. Во Лигата на шампионите во просек има ефективни 62 минути игра по натпревар. Но, никој не се грижи. Фудбалот не е на Колина, на ФИФА или на УЕФА, не припаѓа на мене или на вас, тој е на секој што го сака“. Во продолжение тој осврна на фактот дека играчите не требале да слават голови. „Не разбирам како некој мислел на тоа. Бев шокиран кога го видов на Светското првенство. Ние како УЕФА нема да го поддржиме ова во нашите натпреварувања бидејќи тоа е антифудбалска одлука. Го познавам Колина 30 години и добро соработувавме многу долго време. Тој е еден од најголемите судии во историјата на фудбалот и тоа никој не може да го оспори, но мора да го тргне егото на страна ако му посакува добро на фудбалот“.

Колина објасни зошто СП во Катар ќе има невообичаено долги продолженија

Бошко Тасиќ — Tue, 22 Nov 2022 06:24:17 +0000

Мечот меѓу Катар и Еквадор доби вкупнот продожение од 10 минути во двете полувремиња, но денешните натпревари од вториот натпреварувачки ден ги натера светските медиуми да ја пронајдат неодамнешната изјава на Пјерлуиџи Колина, кој всушност најави дека на овој мундијал ќе се играат многу подолги натпревари. Овој тренд треба да продолжи на сите натпревари на Светското првенство, а причина за тоа е фактот што сега одговорните лица во ВАР ја мерат активната игра во текот на 90-те минути. – Тоа што веќе пичнавме да го правиме во Русија, сега ќе го правиме почесто. Ќе го компензираме времето кое е загубено. Им најавивме на сите да не бидат изненадени кога ќе го видат четвртиот судија како подигнува табла со продолжување од шест, седум или осум минути. Ако сакате поактивна игра во фудбалот, мора да бидеме подготвени на вакви продолженија. Ќе дадам за пример меч со три гола. Една прослава одзема околу една, една и пол минута, вкупно тоа се пет или шест минути. Сега ќе го калкулираме загубеното време во секое од полувремињата и очекуваме да бидеме успешни во Катар, – најави Колина.

Тотенхем се приклучи во борбата за голманот на Аталанта, Голини

Дарко Андоновски — Sun, 19 Apr 2020 14:16:36 +0000

Голманот на Аталанта, Пјерлуиџи Голини може да замине во Тотенхем, објавува „Ла Газета дело Спорт“. Според изворот, лондонскиот клуб се приклучил во борбата за 25-годишниот Италијанец со Астон Вила и Милан. Тотенхем го бара наследникот на Хуго Лорис, а главниот тренер на Спарс, Жозе Мурињо беше импресиониран од настапите на Голини во Серија А и Лигата на шампионите. Оваа сезона, Голини одигра 30 натпревари на сите турнири, на кои прими 46 гола.

Легендарниот Колина се огласи за голот на Ѕвезда: Јас да бев судија…

Ивана Ефремовски — Thu, 27 Sep 2018 07:35:19 +0000

Се чини дека одамна ниедно дерби помеѓу Партизан и Ѕвезда нема предизвикано внимание како ова последното. Секако, причина е спорниот гол на Ѕвезда кој беше постигнат во второто полувреме и додека навивачите на Партизан се колнат дека топката не ја премина гол линијата, легендарниот судија Пјерлуиџи Колина го смета спротивното. Тој во разговор за италијанската радио емисија „Топ гол“ ја коментираше спорната ситуација. -На видеото јасно се гледа дека чуварот барем половина метро ја вади топката од мрежата. Да бев јас судија, исто така ќе покажев на белата точка, рече Колина. Секако и покрај ова, никогаш нема да можеме да бидиме 100% сигурни дали топката ја премина гол линијата или не. Посебно од причина што ниту една камера не може точно да не увери.

Колина се огласи за ВАР технологијата на Мундијалот

Ивона Петрова — Fri, 29 Jun 2018 17:56:50 +0000

Првиот човек на Судиската комисија на ФИФА, Пјерлуиџи Колина, изјави дека употребата на ВАР технологијата на Светското првенство во Русија е вистински потег и дека во текот на првата фаза од Мундијалот беа донесени 99,3 отсто правилни одлуки.

- Имаше 335 ситуации во текот на првите 48 натпревари. Судиите без помош на ВАР донесоа правилни одлуки во 95 отсто од случаите, но со помош на видео техонологијата процентот се зголеми на дури 99,3 отсто. Ние не сме божества за да бидеме безгрешни, истакна Колина на прес-конференцијата во Москва.

Колина, како и неговите соработници Масимо Бусака и Роберто Росети, не сакаа да откријат каде ВАР технологијата погрешила. Италијанскиот весник „ Газета дело спорт“ тврди дека една од грешките е недосудениот пенал за Србија на натпреварот против Швајцарија и црвениот картон за германскиот фудбалер Жером Боатенг против Шведска. МИА

УЕФА ги заострува критериумите на судиите за да ги заштити фудбалерите

Ивона Петрова — Tue, 13 Feb 2018 08:56:49 +0000

Европската фудбалска асоцијација (УЕФА) ги повика судиите почесто да ги казнуваат грубите прекршоци за време на натпреварите од Лигата на шампионите и од Лигата на Европа. - Работата на фудбалерите е да играат, а наша задача е да ги заштитиме. Не сакаме да гледаме било повреди кои ја загрозуваат кариерата на играчот, без разлика дали биле направени ненамерно или не, изјави Пјерлуиџи Колина, претседателот на Судиската комисија на УЕФА. Легендарниот арбитер кој важи за еден од најдобрите фудбалски сидии на сите времиња побара играчите да покажат почит кон ривалите. - Да се врати фер-плејот на терените. Респектот кон противничкиот играч треба да постои во секој момент од натпреварот, додава Колина.