пјуник – Kurir.mk

Спировски потпиша за Пјуник

Бошко Тасиќ — Fri, 02 Sep 2022 17:24:17 +0000

Македонскиот фудбалски репрезентативец Стефан Спировски како слободен играч се пресели во ерменскиот шампион Пјуник, откако претходно си замина од унгарски МТК. Спировски потпиша договор на една година со Пјуник, каде што ќе му се приклучи на уште еден македонски фудбалер Марјан Радески, па ќе играат заедно во групната фаза на Конференциската лига.

Овој 32-годишен фудбалер има богата интернационална кариера, односно играше за екипите на Мариупол, АЕК Ларнака, Ференцварош, Хапоел Тел Авив и други, додека во македонскиот шампионат го носеше дресот на Вардар, Пелистер и Работнички.

Вардар со пораз се враќа од гостувањето кај Пјуник во Ереван

Даниел Василев — Thu, 12 Jul 2018 16:58:14 +0000

Вардар со минимален пораз од 1:0 на гостувањето кај Пјуник во Ереван го започна воведното квалификациско коло за Лига Европа. Во првиот дел Пјуник дојде до водство од 1:0 со голот на Мохамед Конате во 28-та минута од натпреварот, а фудбалерите на Вардар до паузата не успеаа посериозно да се заканат на голот на домаќините. Вардар во вториот дел се обиде да изврши посилен притисок и да стигне до израмнување, но фудбалерите на Пјуник ја зачуваа минималната предност доволна за победа. Реванш се игра за седум дена во Скопје. МИА

Јуфо го пропушта Пјуник поради повреда

Матеја Петровски — Wed, 11 Jul 2018 08:00:35 +0000

Македонскиот вицепрвак Вардар на утрешниот натпревар против Пјуник во рамките од 1. квалификациско коло од Лигата на Европа, нема да смета на услугите на бразилскиот интернационалец Виктор Нилдо Јуфо, кој не допатува со екипата во Ереван.

– Бразилецот на подготовките во Словенија заработи повреда на задната ложа, поточно има парцијална руптура. Бразилецот пропушти дел од тренинзите во финишот на подготовките за мечот со Пјуник, и поради тоа нема да биде во комбинација, соопшти Вардар на својата веб страница.

Вардарци веќе се во Ереван, денеска ќе го имаат официјалниот тренинг на стадионот „Вазген Саргсјан“.

(Миа)

Вардарци тргнаа кон Ереван

Дарко Андоновски — Tue, 10 Jul 2018 08:12:02 +0000

Фудбалерите на Вардар претпладнево заминаа кон ерменскиот главен град Ереван, на првиот натпревар од 1. квалификациско коло во Лигата на Европа против Пјуник. Стручниот штаб на „црвено-црните“ одреди 22 фудбалери кои ќе конкурираат за настап на натпреварот: Филип Гачевски, Филип Илиќ, Методија Велковски, Горан Попов, Тигран Барсегјан, Евгениј Новак, Максим Максимов, Владица Брдаровски, Матеј Цветаноски, Тодор Тодороски, Алекс Талески, Јован Попзлатанов, Кристијан Тошевски, Николас Херанц, Коста Манев, Дарко Мицевски, Филип Најдовски, Али Адем, Бесар Исени, Јакуп Бериша, Кларенс Битанг и Вилијан Лира. Натпреварот ќе се одигра в четврток со почеток во 16 часот по македонско време.