пк бета – Kurir.mk

ПК Бета со нови рекорди на „Скопје Опен 2018“

Матеја Петровски — Mon, 11 Jun 2018 07:49:23 +0000

Пливачите на ПК Бета викендот учествуваа на отвореното првенство „Скопје Опен 2018" и освоија вкупно 164 медали од кои 67 златни, 59 сребрени и 38 бронзени. Воедно нашите пливачи поставија нови рекорди во мешана штафета (Љупчо Ангеловски, Александар Стошиќ, Ана Јаневска, Марија Гајиќ) 4х50 метри слободно сениорска категорија со време 1.44,24, 4х50 метри мешано 1.54,78, женска штафета (Јана Милковска, Јана Ангеловска, Ивана Неделковска и Јвана Неделковска) 4х50 метри мешано постари пионери, кадетски и младински со време 2.21,55 и 4х50 метри слободно со време 2.07,45. Пливачкиот клуб Бета беше прогласен за најдобар клуб на ова првенство. (Миа)

Медали за ПК Бета на меѓународни натпреварувања

Матеја Петровски — Tue, 17 Apr 2018 09:47:35 +0000

Пливачите од клубот Бета викендот имаа настап на меѓународните натпревари „11ти април Гран при“ и „Пливко“ во Белград, „Купот на Ниш“ во Ниш и меѓународниот натпревар „Пливај во Софија“ во Софија. Пливачите кои настапија на најсилниот пливачки натпревар "11ти април Гран при" успеаја да се вратат со медали. Стефан Цветковски освои медал во дисциплината 100 мери делфин а воедно и постави нов национален македонски рекорд во дисциплината 50 метри делфин со време 28,18 секунди. Јана Милковска успеа да се избори за финале во дисциплината 50 метри делфин и освои трето место, второ место во дициплината 100 метри делфин и второ место во дисциплината 200 метри делфин Од пливачите кои настапија на натпреварот во Ниш пласман на подиумот обезбедија: Димитар Бошњаков освои прво место во дисциплинита 50 метри грбно и 50 метри слободно, второ место во дициплината 50 метри делфин и трето место во дисциплината 50 метри градно; Јанева Софија освои второ место во дисциплината 100 метри слободно, второ место во дисциплината 400 метри слободно и трето место во дисциплината 200 метри слободно; Бјанка Младеновиќ освои трето место во дисциплините 50 метри грбно и 100 метри делфин; Ангела Цветковска освои прво место во дисциплината 100 метри градно и трето место во дисциплината 50 метри градно; Ана Жабокова освои трето место во дисциплината 50 метри слободно и Неделкоска Ивана освои трето место во дисциплината 200 метри слободно. Од пливачите кои настапија на натпреварот во Софија медали освоија: Леонел Илиев освои трето место во дисциплината 50 метри слободно; Буклевски Виктор освои второ место во дисциплината 50 метри слободно; Анастасовска Сара освои трето место во дисциплината 50 метри делфин и Тримчески Теодор освои второ место во дисциплината 50 метри градно. (Миа)

ПК Бета имаше успешен настап во Словенија

Ивона Петрова — Tue, 13 Feb 2018 11:40:57 +0000

Пливачите на клубот БЕТА кои викендот учествуваа на меѓународниот пливачки натпревар „Стар“ во Крањ, Словенија успеаја да се вратат со 10 медали. Со одличја се закитија: - Миа Блажевска Еминова заврши на првото место во дисциплините 50 метри слободно, 200 метри слободно. На 50 метри делфин и 50 метри грбно постави и нов национален рекорд со време 33,44 секунди и второ место во дисциплината 200 метри мешано; - Милковска Јана прво место во дисциплината 800 метри слободно, второ место во дисциплината 200 метри слободно и трето место во дисциплината 400 метри слободно; - Цветкоски Стефан прво место во дисциплините 50 метри делфин и 100 метри делфин и второ место во дисциплината 200 метри мешано; - Матеја Дамчевски второ место во дисциплините 100 метри грбно и 200 метри грбно.